يعنى افهم من كده ان الكل مجمع ان السيفيك بالأبشنز الأقل احسن
بس القلق جى من موضوع مستعمله و زيرو
صح كده والا ايه؟؟
عرض للطباعة
يعنى افهم من كده ان الكل مجمع ان السيفيك بالأبشنز الأقل احسن
بس القلق جى من موضوع مستعمله و زيرو
صح كده والا ايه؟؟
انا لو منك اخد السيفيك طبعا بدون تفكير لانها لو سليمة 100 % مفيش فيها حوادث او حكات تبقى احسن من النيو سيراتو لان السفيك فئة اعلى بكتير + ان بعد مثلا مرور سنة النيو سيراتو هتبقى مستعملة وسعرها هينزل مثلا 20 الف لكن السيفيك لو حبيت تبيعها انت اصلا واخدها مستعملة يعنى هتبيع بنفس السعر او هتخسر حاجات بسيطة
انا بقا عن نفسى لو هجيب حاجة فى حدود 120 يبقى لا هختار دى ولا دى هاخد اوكتافيا او كورولا مستعملة او لانسر شارك او مازدا 3 مستعملين مع احترامى للسفيك
بص انت ووقعت فى مقارنة محيرة علشان فية شويات حاجت ظهرت مواخرا فى النيو سيراتو
بعض الناس بتقولك ان النيو سيراتو عربية مش حلوة كفاية انها اسمها سيراتو
طيب ممكن اعرف السبب اكيد ناس بتقول كدة علشان حاجة واحدة وهى السيراتو الشكل القديم هيقولك وحشة
طيب مادلوقتى نزلت نيو سيرتو بمزايا جديدة وامكانيات جديدة لات عليق عليها
يبقى لية نكسف السيارة من الاول علشان سبب عبيط انها اسمها سيراتو
المفروض ياووحوش المنتدى مانحكمش عن سيارة غير بالتجربة يعنى نجربها ونتكلم و ياما مانجربهاش ونتخرس ونسكت
لاننا بنهين فى حق العربية
اما السيفيك طبعا السيفيك عربية تحفة بلا جدال ثبات وماتور قوى وعفشة رياضية وعدادات دجيتال زهكذا الى اخرة
فانا مش هقول راى غير اما اكون عارف ان النيو سيراتو عربية محترمة وتتقدر تتنافس مع السفيك
بس ممكن اقول راى فى السيفيك بس مش بوزجهة نظرى دى وجهة نظر احد مالكيها وهو استاذ محمد غازى
هو لسة مشتريها بتهيالى هاى لاين
بيشكر فيها جدا بس علق شوية تعليقات صغيرة عليها وهى
1-عفشتها ناشفة فى المقابل ثبات اكبر وجنط 17
2-خاماتها الداخلية مش حلوة اوى
ويارب تكونو فهمتو انا عايز اقزل اية
على فكرة السيفيك 125 حصان والنيو سيراتو 124
مش فارقة كتير لو بتفكر فى الماتور
الكيا ركوبة و الهوندا ركوبة تانية و ده عن تجربة وبعدين الكيا زى أى عربية كورى بتحتاج يتخدم عليها كتير علشان تحافظ عليها. بعض السيارات هنا فى المنتدى بتاخد أكتر من حقها مع إحترامى للجميع.
.........مهما كان السيفك سيفك يا جماعه
يا باشمهندس حضرتك بتعيب على اللي بيقلب الحقائق
دور كويس هاتلاقي السيراتو نازلة في فئة الـC-segment و بتنافس السيفيك و الكورولا و المازدا ....و حاسس ان حضرتك ممكن تشتريها كمان لأنك بتحكم عقلك و انا فاكر من أيام المازدا و المجهود الممتز اللي حضرتك عملته .
علشان نكون عمليين جربها ...زي ما جربتها أنا و هاتعرف انها عربية جيدة الصنع مش زي ما حضرتك متخيل .
نرجع لصاحب الموضوع ...
يا عزيزي ...السيفيك عربية مشهورة و لها تاريخ و سمعة نار على علم و ركوبتها من الداخل لا تقارن بأي عربية تانية ....يعيبها انها واطية شوية
و السيراتو بصراحة أنا باحبها جدا بس ما ينفعش أفضلها عن السيفيك حتى لو بيتقارنو ببعض لأن السيفيك اسم له تاريخ و تاريخ مشرف
لو متأكد من العربية المستعملة دي انها كويسة توكل على الله
ولو صاحبك غير رأيه ....مش هايخسر كتير لو غير ..بالعكس السيفيك كده كده مستعملة و سعرها مش هايقع و السيراتو تكون رطرطت بدل ما هي عاملة زي المخدرات دلوقتى و هايلاقيها هي هي
انما لو حب يعمل العكس
هايبيع عربية زيرو هاتخسرلها بالميت 10 - 15 الف و يدور على سيفيك نظيفة و ده مش مضمون
سيفيك طبعا
بس يكشف عليها فى التوكيل كويس جدا ده مبلغ كبير ومينفعش مجازفه
وانا لو مكانه ادفعهم مقدم زيرو سيفيك وأقسط الباقى