الف مبروووووووك..........
عرض للطباعة
الف مبروووووووك..........
ياترى حد يعرف المراية دى بتتباع فين فى الاسكندرية؟
محدش شافها فى الاسكندرية
انا عايز اجيبها ,
الاخ Sindbad 7000
معلهش هطلب منك طلب لو تعمله ( لو امكن ) يبقى كتر خيرك
هل ممكن تسألهم عن اى موزع لهم فى الاسكندرية و تليفونه و عنوانه
او لو لهم وسيلة ( شركة شحن ) يرسلوا لى واحدة الى الاسكندرية
اكون شاكر لك جدا لانى محتاج واحدة و مش لاقيها فى الاسكندرية و الموجود ليست شاشة وليس فيها كل الامكانيات و خصوصا ال DVD
مبروك ربنا يحفظهالك
آسف على التأخير لظروق شغلى وكمان كانو اجازة امس.
انا كلمتهم 02-27933331 وقاللى ان ملهومش فرع فى اسكندرية لكن ممكن الآتى حسب كلامهم:
1- حضرتك هتبعت الفلوس على مكتب بريد باب اللوق ( هيقلولك تبعت الفلوس بإسم مين )
2- تبلغهم بشركة شحن فى اسكندرية ويبقى ليها فرع فى القاهرة.
3- هيبعتولك الحاجة على شركة الشحن.
سألتهم تانى سعر المرايا و الكاميرا كام بعد الخصم قالوا 500 جم.
تقبل تحياتى
هيا فعلا جاامدة صاحبي مركبها في لانسر بومة
بس جاامدة
وااااااو
كتير حلو هالاختراع
و يبقي مفيد كتير خصوصا لو لحد بيتعلم السواقه جديد متلي هيك
بس المشكله انه ممكن يخلي الواحد يستسهل و من غيره مش يعرف يركن
يعني لو جربت اسوق عربيه تانية من غيره بعتقد راح اتلخبط
و لا حضرتك شو شايف؟
الف شكر ليك يا باشا
حضرتك بجد انسان محترم و خدوم
ربنا يكرمك
معلش اصل انا مش من القاهرة ....هو فين فى باب اللوق
مبروك عليك و الف شكر
باب اللوق موجود في التحرير و انت من ميدان التحرير بدل ما تدخل الشارع اللي يطلعك علي شارع طلعت حرب ادخل يمين هوا دا باب اللوق
و الف مبروك علي الكاميرا بس المشكلة في الموضوع تخريم الاكصدام و السرقة و خصوصا اني ساكن في شبرا ياعني هركن العربية اطلع اشرب مية و انزل الاقيها مش موجودة ياعني و الف مبروك كمان مرة
سندباد
شكرا على هذه المعلومات ومشاركه تستحق الشكر عليها .
تحياتى
غير السرقة
فى حاجة مهمة جدا تايهة عن بالكم
احنا فى مصر وما ادراك ما مصر
حكات وخبطات وركنات
يعنى ممكن واحد ييجى يركن وراك وتكون الحتة مزنوقة يفضل يوسع لنفسة بانة يخبط عربيتك والعربية اللى وراة ساعتها بقى هتلاقوا الكاميرا دى بقت بسطرمة
طيب هى المرايا بتتركب فى الاكصدام و لا ايه؟ و الزاوية اللى بتبقى كاشفاها كبيرة يعنى بتكون شايف بعرض العربية كدة؟؟
حضرتك الكاميرا هى اللى بتركب فى الاكصدام , لكن المراية بتركب فوق مراية الصالون .
الزاوية بتاعة الكاميرا هايلة لانها اعرض شوية من العربية.
وعن تجربة وبعد ما اتعودت عليها , اقدر اقول انها فوق الممتازة لانى دلوقت ممكن اركن بين عربيتين وتبقى المسافة بينهم صغيرة بمنتهى السهولة واقدر ارجع بالعربية للخلف لغاية 1 سم بينى وبين العربية اللى ورايا.
أنصح بها بشدة.
أشكركم جميعا على الاطراء , وعلى فكرة أى عضو فى المنتدى هيطلب منة استفسارات غن شى معين يعرفة , أكيد هيحاول انة يفيد بقدر المستطاع واحسن من ردودى بكتير.
تقبلوا تحياتى , وعلى فكرة انا ملاحظ ان آخر مشاركات من أعضاء من عروس البحر المتوسط , تحياتى لكم جميعاً ولو عايزين مساعدة فى شراءها ممكن تقلولى .
[QUOTE=Opelvectra;882074]باب اللوق موجود في التحرير و انت من ميدان التحرير بدل ما تدخل الشارع اللي يطلعك علي شارع طلعت حرب ادخل يمين هوا دا باب اللوق
كلام حضرتك مضبوط , وبعد كدة تمشى لغاية أول إشارة على ناصيتها محطة بنزين إسو وتدخل يمين , ثم تعدى اول تقاطع هتلاقية حضرتك على اليمين على ناصية التقاطع التانى.
شكرا سندباد
انا بعت واحد قريبى يشتريها , والاسبوع اللى فات ماكانش عندهم كانت خلصت
هو هيشتريها النهارده و يجيبهالى بكرة ان شاء الله
ألف مبروك
سعرها جميل جدا
طب دى متتسرقش !!!!!! ولا تبوظ من الغسيل ؟!!!!! المياة و الشتا قصدى
شكرا على المجهود الرائع بس صراحة مش متخيل شكلها
انا جاتلى يوم الجمعة و ركبتها امبارح
ولسه فى مرحلة التجارب و الاكتشافات
طبعا الكاميرا ممتازة و صورتها واضحة جدا
اخدت وقت شوية لغاية ماعرفت اضبط البلوتوث و اربطه بالموبايل بتاعى , لانى ماكنتش واخد بالى من رقم الربط بالبلوتوث فى المراية
بس حاسس ان الصوت واطى شوية مع انى معليه على الآخر
وعموما انا لسة شغال عليها تجارب و اكتشافات
شكرا لك يا سندباد على التنويه عنها هنا فى المنتدى
زاى ما انت عارف احنا فى مصر يعنى العيال الهبلة ممكن يفتكروها ملبس ولا حاجة و يشدوها :rfds:.
هو ينفع اركبها عند الازاز من جوه فوق ؟؟؟؟ و اضحك علييهم :3mla:
thank you
في نوع جديد من غير خرم في الاكسدام بتتحط جنب نمر العربية
انا لو جبتها انشاء الله هحطها جوه فانوس الاستوب العلوى
لأن عربيتى جين2 وفانوس الاستوب عالى
وممكن تتثبت بطريقة ظريفة ومتباتش
لأن فى الاكصدام ليها عيب رزل
لو حد ريح على العربيه هتبوظ
معلش ممكن نتعبك معانا و ترفعلنا صوره المرايا في عربيتك و الكاميرا كمان لو سمحت
انا عاوزاشوف شكلها علي الطبيعه
و ممكن نعرف انتا ركبتها عند نفس الراجل اللي اشتريت من عندوا ولا ركبت بره و شكرا
أنا جبت المرايا بالكاميرا بس غاليه أوي بالنسبة للسعر المذكور فرق 160 جنيه لأني مكنتش شوفت التوبيك ده بس قدر الله وما شاء فعل خلاص الحمد لله ..
اللى مجنني بقي الكلام اللى مكتوب في الكتالوج حاجة واللى أنا شايفه حاجة تانية..
فمثلا بيقول تقدر تعمل طلب لرقم موبيل من المرايا ......... مش عارف ؟؟؟؟!!!
وكمان مش عارف أرد على التليفون اللى جالي بشوف الرقم بس مش عارف افتح الخط من انه زرار
والزراير اللى فيها سهم فوق - زرار m يعني القائمة وزرار سهم لتحت وزرار بلوتوث وزرار بور وهما بالطول على يمين المرايا
علبة المرايا لونها اسود بس المرايا زي اللى في الصورة في أول التوبيك.
لو ممكن حد يشرح لي ايه المشكلة
وشكرا...
عندى تقريبا نفش المشاكل
ياريت اللى جربها و مشيت معاه يقول لنا ايه الحل
انا مجربتش اطلب رقم من المرايا لكن اللى جربتة انك ترد على المكالمات.
1- تفتح البلوتوث فى المرايا من اول زرار على اليمين تحت ( الخطوة دى بتعملها اول مرة فقط )
2- تفتح البلوتوث فى الموبايل وتعمل بحث.
3- اول ما تلاقى المرايا حتكتب الرقم السرى للبلوتوث فى الموبايل ( بيبقى مكتوب فى كتالوج المرايا )
4- اول لما بتستقبل مكالمة بيظهر رقم المتصل فى المرايا.
5- افتح المكالمة من الموبايل عادى وهتسمع صوت المتحدث فى المرايا وهو يسمعك عن طريق المايك الموجود فى المرايا.
6- فى اى مرة تركب العربية بعد كدة كل ما عليك انك تفتح البلوتوث فى الموبايل وتعمل بحث عن المرايا ( من غير ما تعيد خطوة رقم 1 )
بالتوفيق إن شاء الله , تحياتى
انا بفتح المكالمة من المراية بس بعد ما اجرب كل مرة لغاية ماتفتح و بكون مش عارف اى زرار فتح المكالمة
لو عملت قران بين المراية و الموبيل مش لازم كل مرة تبحث عن المراية, انا بفتح البلوتوث بتاع الموبيل اول ما ادخل العربية و بعمل تشغيل للمراية هى بتشوف الموبيل و تتوصل به اوتوماتيك
ان تطلب المكالمة من المراية ( زى الكتالوج ما بيقول ) لم اتوصل لها للآن