الموضوع: مرايا بلوتووث وباركينج سينسور

المشاركة الأصلية كتبت بواسطة NoRmAl

هى المرايا كبيره ولا هى باينه كده بس فى الصور
انا حاسس انها كبيره اوى

لأ لأ .. مش كبيرة ولا حاجة أنا بس عامل اللقطة كلوز جامد عليها علشان تملا الكادر ، هى حجمها مناسب ، وماتحسش انها واكلة الرؤية قدامك ..
هى أبعادها بالظبط : 24 سم طول فى 10 سم عرض

ومساحة الـ display شاشة 7 بوصة (9:16)

المشاركة الأصلية كتبت بواسطة sindbad7000

أشكرك جداً.
هى مسألة تعود , انا اخدت وقت على ما تقدر تقدر المسافة اللي وراك , عارف من غير ما تضحك كنت اجى فى الاةل فى مكان فاضي واجرب اركن عمودى على الرصيف _ للخلف _ وانزلا اشوف بقيت فين لغاية ما اتعودت على المسافة فى المراية معناها ورايا مسافة اد اية.

مفيش عندى الخطوط الصفراء اللي حضرتك بتقول عليها, فا مش هاقدر افيدك.

أنا برضه عملت كده ، بس لما المسافة بتوصل لـ 50 سم مثلاً بينى وبين العربية اللى ورايا ، بتكبر قوى فى الكاميرا ، كأن فيه وحش داخل عليا وباحس انى خلاص هالبس فيها ولما أنزل ألاقى لسه فيه 50 سنتى ..
أقوم أجمد قلبى وأرجع شوية ، بس لما أبص فى الشاشة وأشوف المنظر أخاف وانزل أبص ألاقى لسه فيه 40 سنتى ..

أكيد الخطوط الصفراء اللى عندى دى بالأرقام اللى عليها ليها معنى
يا ريت لو حد مركب النوع اللى عندى اللى فيها الخطوط الصفرا يفيدنا بخبرته فى استخدامها صورتها موضحة فى مشاركة سابقة ليا فى الصفحة اللى فاتت.

اخر سعر ليها ايه؟؟

و فيها aux output ولا ايه؟

باقى حاجة واحدة بس يخترعوا واحد يسوق العربية مكان الانسان

المشاركة الأصلية كتبت بواسطة جمال

انا معنديش الخطوط الصفراء , بس ممكن اقترح انها بتبين المسافة الخلفية بينك و السيارة اللى خلفك , بمعنى لو صورة السيارة فى المرآة تشغل المسافة فى قمة المثلث تكون لسه بعيدة , ولما تشغل المسافة فى قاع المثلث عند رقم 10 مثلا يكون ده هى المسافة الخلفية بس 10 ايه مش عارف 10 سم ولا 10بوصة ولا 10صينى
ده مجرد تخمين
انا عندى المرآة لما بكون خلاص هخبط فى السيارة الخلفية ( بوسة يعنى ) بيظهر بقعة ضوء ابيض قوى فى وسط الصورة للسيارة الخلفية فمنها بعرف ان دى اقرب مسافة

كلامك مظبوط ، بس لما بتكون فى قاع المثلث عند آخر خط اللى مكتوب عليه رقم 1.0 بتبقى المسافة بينى وبينها حوالى متر .. وانت عارف اللعب الكبير بقى بيبقى بعد المتر ده ..

أنا هاشوف موضوع البقعة البيضا دى ، جايز لو بتيجى عندى تحل لى مشكلة المسافات الضيقة.