علبة البيئة ممكن تعمل صوت خشونة للماتور ؟
يا جماعة انا اتخنقت من موضوع علبة البيئة من ساعة ما الفحم اتكسر جواها هو طبعا بيكون فيةصوت زى شخللة وانا بزود بنزين وانا بسيب رجلى من البنزين ومؤشر الار بى ام نازل على 2 كل دة عادى
الى عايز اعرف بقى تلف علبة البيئة دة ممكن يعمل صوت خشونة والعربية دايرة على السلانسية ظهر عندى صوت كدة زى تكتكة بسيطة وانا واقف جنب العجل الى قدام انا كنت ماشى لقيت ميكانيكى وانا ماشى غير الميكانيكى بتاعى قالى حاجة غريبة مش فاهمها وانا مطولتش معاة الصراحة قالى فى كوباية من الكوبيات اكبر من الباقى قولتلة يعنى لو غيرت الكوباية دى الصوت هيروح قالى انت لازم تغير الطقم كلة وفية 16 كوباية سعر الواحدة 30 جنية انا مفهمتش حاجة منة ولا اعرف هو يقصد اية بالكوبايات دى وللعلم التكيهات عندى مظبوطة تمام ومفهاش اى مشاكل الحمد للة
ياريت لو حد عندة اى معلومات بخصوص الموضوع دة يفهمنى اية الى بيحصل وكلام الميكانيكى دة صح ولا بيقول اى حاجة وخلاص وعايز يعمل عاليا شغل
ياريت سرعة الرد عشان الموضوع دة خانقنى شوية