طبعا عشان انتم ناس فل وشبعانين غم وقرف وحوادث
قلت لازم اضحكم معايا ومالكوش دعوة ان ده هم بقي ولا غم

انا في عملى الجديد رحت قسم المشتريات الاجنبية وانا شغال في واحدة من اكبر شركات الكهرباء في العالم
خير الله ما اجعلة خير الاقي قدامي طلب شراء مقدم من الشخص (فلان الفلاني)عشان ماتحبسش وعندي عيال اربيهم)
طلب شراء شوية مفاتيح انارة وفيش وكلام فاضي بيتصنع في فرع الشركة في اسبانيا ب 11 الف يورو عشان الفيلا الجديدة اللي هايتجوز فيها الهانم الرابعة
(ارجوكم لو حد عرف الاسم يخلية في سره مش عايزين تخمينات)
11 الف يورو يا مفتري
رحت لمهندس العملية بقولة ايه الكلام الفاضي ده
قعد يضحك ضووووووحك لحد ما وشه بقة كفته
وبصلي بصة العالم ببواطن الامور حينما ينظر الى الجهلة امثالي

ويقولي انت بتستعجب على شوية مفاتيح وفيش ب 80 الف جنية
ده عامل سيستم انارة بكنترول مكلفة مليووووووون جنية وشوية عشان لما يفتح الباب النور ينور وتشتغل التكيفات وحساس للارضية تهرشلة في شعرة وشوية زغازيغ بالكهرباء

وقعد يشرحلى شوية حاجات كدة وانا قاعد متنح زي ال ...
مليون جنيه عشان السيستم بس يا جماعة مش التكيفات ولا الانارة ولا المعرفش ايه
حساسات عشان لما ينزل البسين الاضاء تشتغل وتشغل مزيكا حوالين البسين وكله بالمجسات

حتى يطفى التكييف يفتح الشباك ولما يقفل الستارة تنزل النجفة على دماغة

الرررررحمه
قولتلة ايه الافترا ده
قاللي انت عارف ان واحدة من الواصلين دول تكلم (المدير الاقليمي )للمجموعة وده اعلى راس عندنا على مستوى الشرق الاوسط ويكلمنى في بيتي الساعة واحدة ونص بعد نص الليل عشان الهانم فتحت الدولاب اللمبة مانورتش

يا نهار ابيييييييييييييض على راي معلق الكورة اللي اسمه ايه

طبعا انا خدت الكلمتين وماشي في الكوريدور اكلم نفسي من الاقترا اللي وصله الخلق

لا حول ولا قوة الا بالله

بعد اذنكم هاروح اعمل امر الشراء

عشان عندى عيال اربيهم

اه الكلام ده في سركم واوعو تقولو لحد