Goooooood Observer

**M_55** · 11-05-2009 01:49 PM

السواقة
تعبت خلاص من السواقة ، من التاكسي اللي بيقف في اي حتة
من الميكروباص الذي يقوده احد المجانين
من المطبات والحفر والنقر والبالوعات
من قلة الذوق والاخلاق والادب

وعلي المستوي الاجتماعي

من خوفي علي بنتي وسلوكها المكتسب في المدرسة
من اصحابها اللي مفاهيهم كلها غلط
من البنطلونات الساقطة ، والبدي الستومك
من فتنة الاعلانات والكليبات

وعلي مستوي الشغل

من والاسفنة والنفسنة
من الكسل وتكبير الجي وترويق الدي

خــــــــــــــــــــــــ ـــــــــــــــــــلاص كفاية

**wesam_salom** · 11-05-2009 08:02 PM

خواطر

11-5-2009

ياترى الدنيا رايحه فين

كل يوم الحلقه بتضيق اكتر

اطفال صغيره بتضحك لينا وبنضحك عليها بكيس شيبسى

يا ترى بكره هيضحكوا فى وشنا ولا هيتهمونا بجريمه انجابهم فى هذا الزمن

البنت هتلبس زى امها ولا هترفض زى ما اهلنا رفضوا لبس الطرابيش

الولد هيحافظ على الادب ولا هيتخمنا بالتخلف لو قلنا عيب

هيحبوا البلد ولا هيلعنونا علشان مهربناش منها فى وقت ممكن فيه الهروب

رايحه فين الدنيا ولا هى قاعده واحنا اللى رايحين

**مؤمنة** · 11-05-2009 09:40 PM

ملاحظاتى ان قليل قوى من البنات ال عندهم حياء وادب بحس ان بقيت كل حاجه عادى عندهم انها تكلم ده وتمشى مع ده ومخطوبه لده وبتسلى مع ده مش عارفه هو فى ايه

**Dr_Ahmed_Abdelghany** · 15-05-2009 01:43 AM

14-5

كنت أشترى بعض الأدوية من صيدلية وسمعت الحوار التالى:
شخص ومعه مريض يستشير ال"دكتور" الصيدلى:
الراجل ده عنده ...... فى عينه وكشفنا عند فلان وعلان وفلان قال الراجل يلزمه عملية .. وإحنا جايين ناخد رأيك يلزمه عملية وللا لأ !!!!!

--------
الصيدلى فى مصر أصبح الفيصل فى تحديد عملية فى العين من عدمها
آدى ثقافة المصريين

**pro_samir** · 15-05-2009 05:51 AM

1)
لا العاشق مرتاح ولا الخالى مرتاح

2)
كانو بيقولو الأحساس نعمة
لكن دلوقتى الواحد هيكون مرتاح كتير لو فقد الأحساس بكل القرف اللى حوالية
قرف مرئى-مسموع-مشموم-محسوس
قرف قرف قرف
جاوب هتكسب قرف قرف

3)
هل الأنتخة بالفعل أصبحت طابع ذكورى؟ ولا فى فيروس فى الجو بينشر عدوى الأنتخة بين البشر

4)
ما هو الفاصل بين الفشل فى الحياة الأجتماعية و الحياة الديجيتال (منتديات وشات)

-

الموضوع: Goooooood Observer

LinkBack

أدوات الموضوع

عرض

-

-

-

الكلمات الدلالية لهذا الموضوع

المفضلات

المفضلات

ضوابط المشاركة