عرض للطباعة
ما الأفضل أوبل فكترا 1996 ولا تويوتا كورلا 1996
ياريت كل اللى عنده خبرة يوضح الفرق بينهم من هذه الأسئلة :
1) ما هو الصالون الأوسع ؟
2) هل سحب البنزين فى أوبل فكترا 1996 كبير جدآ مثل ما بيقول الناس اللى إشترتها ؟
3) أيهما أفضل من ناحية الموتور ؟
4) أيهما أرخص من ناحية قطع الغيار وتوافرها ؟
5) هل الأوتوماتيك فى أوبل فكترا 1996 لابد أن يكون معه موتور 2000 سى سى وعلى حسب علمى إنه بيسحب بنزين أكثر من 1600 سى سى ؟
أرجو الرد
أرجو الرد
تويوتا معدتش تجيب الاسم ده تانى جوه منتدى اوبل
ياريت حد يجاوبني على الأسئلة دى لأنها مهمة بالنسبة ليه . طالما الأوبل ممتازة أنا عايز أعرف الكويس فين من خلال أسئلتى البسيطة دى .
شوف يا باشا..اقتباس:
المشاركة الأصلية كتبت بواسطة superkora
الصالون الاوسع هيكون الفيكترا بس الفرق اعتقد مش كبير قوي يعني..
الشنطة بتاعت الاوبل اكبر بكتير طبعا..
لو فيكترا 1600 استهلاكها معقول ف البنزين.. يني ممكن تعمل حوالي 200-220 ف الصفيحة.. بس خلي بالك ان الكورولا 1300.. يعني استهلاك البنزين بتاعها افضل بكتير..
خلي بالك تاني ان الفيكترا مع التكييف افضل بكتير بمعني.. وانت مشغل تكييف الكورولا العربية هتلاقيها بطة بلدي و مش بتسحب خالص.. لكن الفيكترا مش كده.. و في نقطة تانية ان الفيكترا تكييفها مش جامد قوي زي تكييف الكورولا..
المواتير.. حدث ولا حرج.. العربيتين مواتيرهم جامدة جدا.. و معمرة جدا بشرط الاهتمام.. و الحفاظ علي الصيانات..
توافر قطع الغيار.. بصراحة انا مش عارف التويوتا ايه نظامها.. بس الفيكترا متوفرة كتير.. جديد و استيراد.. و سعرها معقول جدا و مش غالية قوي زي ما الناس متخيلة..
الفيكترا موديل 96 1600 مانيوال بس مفيش منها اوتو.. الموتور ال2000 فعلا بس اللي نازل منه اوتو.. و استهلاكه فعلا عالي شوية.. يعني جوة البلد تعمل ممكن 150 ف الصفيحة ولا حاجة..
العربيتين هتلاقي سعرهم متقارب جدا.. و يمكن التويوتا تكون اعلي شوية كمان..
لو هتقعد بالعربية شوية.. هات الاوبل.. عشان بيعها مش سهل زي التويوتا..
غير كده الثبات كويس جدا ف العربيتين.. بس الاوبل افضل شوية علي السرعات العالية..
شوف انت مرتاح لمين فيهم نفسيا اكتر.. و ربنا يوفقك لما فيه الخير..
الف شكر ياباشا بس بجد الاوبل الاوبل يا عم
شكرآ لتوضيح الفرق يا باشا .
كلام ميه ميةاقتباس:
المشاركة الأصلية كتبت بواسطة Ahmad Allawy
كل حاجة
بس فى حته بره القاهرة ممكن قطع غيار الأوبل تلاقيها قليل جدا التويوتا مناطق و مناطق و كمان فى فرق رهيييييييييب فى السعر لقطع الغيار بتاعت الأوبل لو هتشتريها من بره القاهرة طنطا إسكندرية "تيل الفرامل كان ب140 جندى فى ناس هنا قالولى ب90 جندى بس"
شغل الصيانة بره القاهرة
التويوتا أى حد بيشتغل فيها
الأوب بيخافوا يصلحوا أى حاجة
التويوتا و الأوبل شكلهم جميل جدا مو 96 التويوتا الشكل القديم أحلى بكتير من الشكل بتاع 2002 إلى 2007
و فى كلتا الحالتين ربنا يوفقك و تلاقى عربية حلوة
تقصد العيون ولا الشكل الاقدم .. لو العيون فاعلى حسب ماسمع من ناس جربتها وجربت اللى قبلها اسوأ موديل فى الكورولا لو اللى قبلها فا دى شخصيا باعتبرها انضف كورولا اتعملت لحد النهاردة وهى دى اللى عملت اسم كورولا فى مصر واللى الناس لسة عايشة علية لحد دلوقتىاقتباس:
المشاركة الأصلية كتبت بواسطة superkora
ميزة الكورولا بالنسبة للفكترا هتلاقيها انعم بس اى حاجة تانية جرب الاتنين وانت تحس الفرق بنفسك
فرق الكماليات والفخامة لصالح الفكترا(الفكترا فئة اعلى من الكورولا)
بالنسبة للأسئلة
1- الفكترا طبعا وبفرق واضح ,بالنسبة للشنطة ممكن تنام جوة لو تحب :)
2- الموضوع دة نسبى وفية عوامل كتير مؤثرة .. معايا 1.6 كامة بتعمل من 8.5 الى 9.5 فى ال 100 كلم .. الايكوتك اقل طبعا
لو هتقارنها بالكورولا معرفش استهلاكها بالظبط بس متنساش فرق الحجم والوزن والكورولا 1.3 .. على فكرة اعتقد الكورولا دى كربراتير وبالتالى حتى لو فية فرق مش هتلاقة كبير
3-هتكلم عن اللى اعرفة .. باختصار مش هتحتاج منه حاجة ويقولك لأ .. حافظ على صيانة العربية وابعد عن عك وفتى الميكانيكية وقطع غيار اصلية ومتسترخسش وبعدين اعمل اللى انت عايزة بالعربية
4-معرفش
5-فكترا 96 2.0 اوتو مفيش منها 1.6 اوتو غير بعد سنة 2000 مع الموتور الايكوتك بس
بالنسبة للبنزين دة اعلى موتور فى استهلاك البنزين فى الفكترا اللى نزلت هنا
تقصد العيون ولا الشكل الاقدم .. لو العيون فاعلى حسب ماسمع من ناس جربتها وجربت اللى قبلها اسوأ موديل فى الكورولا لو اللى قبلها فا دى شخصيا باعتبرها انضف كورولا اتعملت لحد النهاردة وهى دى اللى عملت اسم كورولا فى مصر واللى الناس لسة عايشة علية لحد دلوقتى
ميزة الكورولا بالنسبة للفكترا هتلاقيها انعم بس اى حاجة تانية جرب الاتنين وانت تحس الفرق بنفسك
فرق الكماليات والفخامة لصالح الفكترا(الفكترا فئة اعلى من الكورولا)
بالنسبة للأسئلة
1- الفكترا طبعا وبفرق واضح ,بالنسبة للشنطة ممكن تنام جوة لو تحب :)
2- الموضوع دة نسبى وفية عوامل كتير مؤثرة .. معايا 1.6 كامة بتعمل من 8.5 الى 9.5 فى ال 100 كلم .. الايكوتك اقل طبعا
لو هتقارنها بالكورولا معرفش استهلاكها بالظبط بس متنساش فرق الحجم والوزن والكورولا 1.3 .. على فكرة اعتقد الكورولا دى كربراتير وبالتالى حتى لو فية فرق مش هتلاقة كبير
3-هتكلم عن اللى اعرفة .. باختصار مش هتحتاج منه حاجة ويقولك لأ .. حافظ على صيانة العربية وابعد عن عك وفتى الميكانيكية وقطع غيار اصلية ومتسترخسش وبعدين اعمل اللى انت عايزة بالعربية
4-معرفش
5-فكترا 96 2.0 اوتو مفيش منها 1.6 اوتو غير بعد سنة 2000 مع الموتور الايكوتك بس
بالنسبة للبنزين دة اعلى موتور فى استهلاك البنزين فى الفكترا اللى نزلت هنا
شكرآ لك لكن عندى سؤال أخير
سؤال أخير بالنسبة لموتور أوبل موديل 1996 مانول ينفع أحوله أتوماتيك ولا يكون تقيل على الموتور مع العلم إنى بشغل تكيف دائمآ .
اكيد طبعا اوبل افضل
تقدر تعتبرنى متحيزة للاوبل
ده سؤال تساله فى قسم الاوبل برده
لأ علشان تغيرها لأوتو هتغير الموتور القديم بالايكوتكاقتباس:
المشاركة الأصلية كتبت بواسطة superkora
سواء الموتور القديم او الايكوتك شغل التكييف براحتك
ملحوظة بس علشان الناس مش واخدة بالها منها : الفر فى السحب او التجميع نتيجة الفقد فى القدرة فى الفتيس الاوتوماتيك هم معوضينة فى قدرة الموتور الايكوتك بمعنى الايكوتك باور اعلى من التانى وبالتالى ممكن متحسش بفرق نتيجة الموتور الاولانى باور اقل بس راكب على مانيوال والتانى باور اعلى بس راكب على اوتو
المشكلة لو كان اوتو على الموتور القديم(مش بيركب) كانت هتبقى بطة بلدى
اقتباس:
المشاركة الأصلية كتبت بواسطة ENG\AHMED
طيب لو ركبت موتور الإيكوتك لازم يكون 2000 عشان يبقى أوتوماتيك ولا يوجد موتور 1600 إيكوتك وينفع معاه أوتوماتيك عادى خالص زى 2000 ولو سمحت عايز أعرف الفرق بين سحب 1600 و 2000 فى البنزين إيه .
عايز توضيح : الناس دآئمآ بتقول إن أى عربية ألمانى سحب البنزين بتاعها بيكون عالى مش زى التويوتا مثلآ سحب البنزين بتاعها ضعيف جدآ أرجو توضيح الفارق بالأرقام . وغير كده كمان أوبل مش موجود لها أى ميكانيكى إلا فى القاهرة . أنا فى الدقهلية ياريت أعرف هل عندنا ناس بتفهم فى صيانة الأوبل ولا لاء ؟ وهل أسعارهم زى المعلمين اللى فى القاهرة ولا لاء ؟ لأنى بصراحة خايف من موضوع الصيانة وقطع الغيار لأن قطع الغيار نادرة وغالية وكمان فى القاهرة . أرجو التوضيح .
انا عندى بتعمل 80-100 كيلو فى ال10 لتر بنزين 92 ال 90 كانت بتعمل أقل 1600 سى سىاقتباس:
المشاركة الأصلية كتبت بواسطة superkora
بالنسبة للصيانة فعندنا مثلا فى المنوفية واحد أو إتنين هما الى شغالين فى العربيات الجديدة أصلا و الباقى موديلات قديمة أو فيات و شاهين و هيونداى "الموديلات ذات المحركات القديمة إنما الجديد فصعب" العربيات الى قتلت بحثا و الكهربا كذلك إنما السمكرية فشغالين الله ينور بيدوسوا فى كل حاجة
إنما بالنسبة للأوبل فهتغير تيل مثلا فلتر كوبلن حاجات خفيفة فدى عند أى واحد كويس الأسعار بقى بيستغلوا موقف إن حضرتك جايب عربية ألمانى يعنى لازم تدفع
انا قلتلك سحب البنزين فى عربيتى وبعدين لو هتشترى على اساس سحب البنزين يبقى سيبك من الاتنين وهات عربية 1000 سى سى!!اقتباس:
المشاركة الأصلية كتبت بواسطة superkora
استهلاك البنزين مش حاجة ثابتة ولا حتى فى نفس العربية الموضوع داخل فية حالة الموتور والطريق وطريقة السواقة والتحميل ......
اقل استهلاك بنزين فى الفكترا اللى نزلت هنا الموتور ال 1.6 الايكوتك ودة هتلاقية من اول سنة 2000 واعلى استهلاك الموتور ال 2.0 القديم الكامة واحدة
بالنسبة للكورولا معرفش بس لاحظ انها كربراتير مش انجيكشن يعنى استهلاكها مش قليل
انا ملاحظ الناس بتتكلم على استهلاك البنزين كأنة مصيبة كبيرة وبالرغم من كدة بيروحو للعربيات الكبيرة مافى عربيات كتيير 1.0 او اقل كمان وهيبقى الاستهلاك اقل كتير .. امسك ورقة وقلم واحسب فرق الاستهلاك -لو فى فرق- هيبقى كام بالفلوس وعلى فترة زمنية اد اية , وبعدين فى حاجات كتير اهم من استهلاك البنزين كدة كدة العربيتين بياخدوا بنزين .. انما الصيانة مثلا هتصلحها فين هل هتقدر تتنزل التوكيل فى القاهرة او اى ميكانيكى اوبل ولا هتصلح فى اى حتة وربنا يرحم العربية وقطع الغيار هتلاقيها فى المكان اللى انت فية ولا هتجيبها منين , العربية نفسها مريحة فى السواقة ولا لأ هتقدر تديك اللى انت عايزة من العربية هتاخد حاجتك كلها لو بتسافر مثلا او بتحمل فيها , اعتماديتها عالية ولا لأ و هتستحملك ولا لأ , عفشتها عاملة ازاى , ثابتة ولا لأ , مستوى الامان فيها عامل ازاى .....
حاجات كتير لما تبصلها وتحسبها هتلاقيها اهم واغلى من استهلاك البنزين
اولا مفيش مقرنة بين العربية الالمانى والعربية اليبانى مفيش وجة مقرنة بالمرة انت كدة هتزعلنى منك بص ياباشا التيوتا دية عملة زى الفيت بالنسبة للاوبل سواء فى
1- الثبات معاك لغايت 200 غرز وافهم دية كويس
2- قوة عزم متور ملوش حل
3- شكل خارجى جمال اكتر
4- العربية منتشرة
5- امكنيات فى الكمليات
6- امكنيات فى التكنولوجيا
7- حجم العربية الضخم ووسع الصلون وكبر الكورسى يديك راحة وفخامة وطمئنان
8- شنطة تشيل وتعبى انا شلت فيهاء نص ورانى لعربية ستروين وكانت فضية كمان
9-عوازل العربية ممممتازة جدا
10-قطع الغيار متوفرة بكثرة لان العربية دية نزلت 7 سنين وراء بعض تصور انت فى كام عربية من اول 96 الى 2003
11- متوفر ليها قطع غيار استيراد بكثرة جدا
12- هد فى العفشة الالمانى قوى وبيعيش
13- قوة الصاج الخارجى لا تقارن
العيوب
1-صوت المتور عالى بالمقرنة بالتيوتا
2- التكيف لا يقارن باليبانى الحديث وليس القديم
3-البنزين يصب فى مصلحت اليبانى الفرق حوالى 20 كيلو تقريبن فى ال10 لتر
4- النعومة تصب فى مصلحة التيوتاء
5- سهولة اعادة البيع
امامك كل حاجة وانت اختار انا سقت الثنين ودية عن تجربة شخصية
مشكور يا تامر باشا علي التفاصيل القيمه دي - احب اضيف بالنسبه للي بيصلح اوبل في الدقهليه فيه واحد اسمه حسام في شارع حسيب بك بعد محل نجمه اوبل وفي شكري في سوق الجمله بجوار محل كابتشينو وده فنان كبير بيجيله ناس من كل المحافظات وسعره عادي وهو متخصص اوبل بس . توكل ع الله واي سؤال انا تحت امرك .
الاوبل لو حالتها كويسه هتبقى احسن كتير
بعد كل الكلام الجميل عن أوبل فكترا أنا إقتنعت بيها تمامآ . وشكرآ لكم جميعآ .