هل تباع تويوتا ياريس خليجى فى مصر

**chico** · 06-05-2009 11:09 PM

هل يوجد معارض او أشخاص يبيعون تويوتا ياريس جديدة خليجى فى مصر مثل الكورولا ام لا.

انا بصراحة نفسى فى العربية دى بس حاسس انة لسة مبالغ اوى فى تمنهة فا لو فى خليجى منهة زى عربيات تانية جية من الخليج و متجمركة هتوقف ارخص و امكنيات اعلى , كفاية ان الخليجى 1500 سى سى ولا اية ؟. و شكرا

**body** · 07-05-2009 01:35 AM

موجودة ياكبير الخليجى فى معرض فى مصر الجديدة بس مش فاكر اسمة والله لو مهتم اوى انا ممكن اجبلك اسم المعرض وتليفوناتة خلال يومين

انا روحت اتفرجت عليها هيا فعلا 1500 سي سي واتوماتيك وسعرها 122 الف فالحدود دى مش فاكر بالظبط لانى كنت بتفرج عليها من شهر

حـــــــــــرام ياكبير تدفع 122 او الرينج دة فى ياريس اى نعم معايا المصرى منها 1300سي سى هيا عربية زبالة
وهبيعها قريب

فكر قى حاجة عدلة ياكبير خصوصا لو بتسافر كتير

**chico** · 07-05-2009 12:25 PM

شكرا يا مان على الرد و طبعا معاك حق انا بصراحة كنت مفكر انهة هتبقى ارخص زى الكورولا الخليجى ألى ارخص من المصرى على شان برة الضمان بس كدة طبعا السعر حرام عليهة.

بس هية على فكرة عربية حلوة مش زبالة ولا حاجة و انا مش عارف هية مديئاك فى اية بس انا جربتها كتير و معجب بيهة اوى و خصوصا ان انا مش بتاع جرى و سحب و غرز و الحركات دى و لما بسافر مبجبش اكتر من 120 ,انا كل ألى عوزة عربية علية مريحة فى حفر و مطبات شوارع مصر الذيذة و تكون جمدة و يعتمد علية و طبعا لو موفرة فى البنزين و سهلة فى الركنة تبقى كفائة ولا اية ؟ بس هية مبالغ فى سعرهة مع الامكانيات ألى منزلنها بيها هنا . و على العموم ربنا يوفق الجميع

**alisleman** · 30-05-2009 02:39 PM

فعلا هى موجودة فى مصر الجديدة والمهندسين و 122 الف جنية بس فى زيادة عى اللى فى مصر حاجات بسيطة زى
العتب
الموتور 1500
البلوتوث

**sa3dawy** · 30-05-2009 07:30 PM

المشاركة الأصلية كتبت بواسطة chico

شكرا يا مان على الرد و طبعا معاك حق انا بصراحة كنت مفكر انهة هتبقى ارخص زى الكورولا الخليجى ألى ارخص من المصرى على شان برة الضمان بس كدة طبعا السعر حرام عليهة.

بس هية على فكرة عربية حلوة مش زبالة ولا حاجة و انا مش عارف هية مديئاك فى اية بس انا جربتها كتير و معجب بيهة اوى و خصوصا ان انا مش بتاع جرى و سحب و غرز و الحركات دى و لما بسافر مبجبش اكتر من 120 ,انا كل ألى عوزة عربية علية مريحة فى حفر و مطبات شوارع مصر الذيذة و تكون جمدة و يعتمد علية و طبعا لو موفرة فى البنزين و سهلة فى الركنة تبقى كفائة ولا اية ؟ بس هية مبالغ فى سعرهة مع الامكانيات ألى منزلنها بيها هنا . و على العموم ربنا يوفق الجميع

العربية تحفة ...وتستاهل ثمنها واكثر..

يكفى ان تسارعها 9 ثوانى من 0 الى 100...يعنى ولاتقولى سيفيك ولاكورولا ولا النترا ...واوعى وشك....1500 على الوزن والحجم دا هتبقى جامدة فى السواقة....

العربية ممتعة فى القيادة حقيقى...وانا شايف انى اجيب الياريس 1500 احسن ماجيب النترا والا كيا سيراتو ....

على فكرة فى ناس جبتها ب 118...واعتقد كده سعرها ممتاز..

على فكرة بره الياريس 1500 كاملة..بس بيبقى فيها نافيجاشن سيستم و5 ايرباجز ...وجنوط 16...بثمن الجولف 5 الفاضية...فالعربية الياريس غالية فى العالم كله...لانها بجد كفائة وتستاهل ...وهى احسن الصغير...

الهوندا سيتى الجديدة ب 128 الف.....فالياريس يبقى سعرها مقبول كده...صح والا شايفين ايه؟؟