جين اوتوماتيك ولا مانيوال

**belal3001** · 07-05-2009 02:37 AM

يا جماعة انا حبيت الجين من كلامكم الجميل عنها, بس محتار قوي فى انى اجيب اوتوماتيك ولا مانيوال؟؟ بيقولو الوتوماتيك كسلانة عن المانيوال....

**Ayman_52** · 07-05-2009 03:32 AM

اولا ...اهلا بيك ...ومنور ياباشا

ثانيا ... بخصوص الاوتو كان فى مشكله فى موديلات ماقبل 2009 ...وهى ضعف عزم السياره عند rpm منخفض ...ودا كان بيبان بس فى حته الطلوع من السكون..

انما فى مو 2009 المشكله دى اتحلت لحد كبير ...واصبحت مش محسوسه ...لحد كبير...

بس اكيد المانيوال اشد فى السحب واسرع.... وتجميعها اسرع من الاوتو..(ودا فى مانيوال اى عربيه مش حصرى عند الجين يعنى)

فلو حضرتك مش فارق معاك تعب المانيوال وموضوع النقل ...يبقى خليك فى المانيوال ...

بس الاوتو فى الجين مافيهوش اى مشاكل ...ومش كسول ولا حاجه...(زى مالناس فاكره)

منور ياباشا

واى استفسار انا تحت امــرك

تحيـــاتـــى

**m.3abdel3al** · 07-05-2009 04:07 AM

اهلا بيك في منتدى بروتون و اتمنا تنضم لينا قريب ان شاء الله

زي ما قال ايمن بالظبط و كمان احب اضيف عليه حاجة ان الاوتو او المانيوال بيختلفوا من طبيعة المكان و طبيعة الشخص الي بيسوق يعني مثلا انا في اسماعلية فالحياه عندي رايقة فا ممكن اجيب مانيوال او اوتو براحتي انا انما المكان مش بيجبرني على حاجة انما انا لو في القاهرة او اسكندية مثلا فغصب عني هجيب اوتو علشان الزحمة والقرف انما لو انت بتحب الشد و الغرز والجو دا فاكيد هتجيب مانيوال

**jisso82** · 07-05-2009 08:39 AM

أنا بفضل المانيوال لأسباب كتيرة
أولا أنا بستمتع أكتر بقيادة المانيوال
ثانيا مصاريف صيانتها أقل و أبسط فى الصيانة نفسها من الأوتوماتيك
استهلاك البنزين أقل
غير إن الأستاذ أحمد صيام قال مرة إن الجين بالذات و أنا مازلت فاكر تعبيره (الجين الأوتو تحديدا كسيحة بالنسبة للجين المانيوال و لو هجيب عربية تانى المرة الجاية هتبقى جين مانيوال)

**ahmedlr** · 07-05-2009 08:52 AM

بصراحة انا راي الاوتوماتيك افضل خصووصا لو مشاوريك في زحمة او علي سفر
انا من اسكندرية و عايش في القاهرة .. لو حختار دايما حختار الاوتوماتيك خصوصا لان الكروزكونترول مهم ليا في السفر كمان
اما بالنسبة للشد و السحب انا بشد و بسحب عادي بالكيك داون و بطلع من ناس كتير و في الاخر هيا مسالة سواق

**ahawit** · 07-05-2009 09:45 AM

أنا راى برضو أن المانيوال له متعه فى السواقه عن الأتوماتيك وبيخليك تحس بموتور العربيه وتاخد وتدى معاه بس مش عارف هو ليه الفتيس ناشف شويه فى عربيتى وساعات بينعم وبيبقى زى الفل بسفى الغالب بيبقى مش بيسعفنى أوى فى الزحمه وممكن العربيه تبقى تقيله فى سبحها وأنا بغير من الأول للتانى والعكس بس بعد كده بتبقى ماشاء الله عليها بتبقى عاوزه تطير.يمكن أنا لسه مش واخد على حارات الفتيس أو لسه متعرفتش على العربيه بس عموما المانيوال له متعته الخاصه فى السواقه حتى لو فى بلد زحمه زى القاهره.

**Osama.shihata** · 08-05-2009 09:26 AM

طبعا انا بشكر كل زميلى الى ردوه على الموضوع ده ووضحه لحضرتك
الفرق بين الاوتوماتيك والمانيول
انا هضيف معيار اخر مختلف نسبياً

(((أنتا حابب ايه ونفسك فيه)))

هو ده الشعور الى لازم تمشى وراه بعد استخارة ربنا ومشور ة الناس طبعا
لان انتا لو جبت حاجة نفسك فيها هتحبها وتبقى سعيد انك حصلت عليها
وعلى اى حال العربية رائعة وادائها راقى :k49:
على المانيول والاوتوماتيك ومتنساش ده موتور 1600 يعنى موتور قوى ومحترم جدا
أسامة شحاتة

**bishoy02010** · 08-05-2009 10:03 AM

المشاركة الأصلية كتبت بواسطة ahmedlr

بصراحة انا راي الاوتوماتيك افضل خصووصا لو مشاوريك في زحمة او علي سفر
انا من اسكندرية و عايش في القاهرة .. لو حختار دايما حختار الاوتوماتيك خصوصا لان الكروزكونترول مهم ليا في السفر كمان
اما بالنسبة للشد و السحب انا بشد و بسحب عادي بالكيك داون و بطلع من ناس كتير و في الاخر هيا مسالة سواق

+11111111111

**gagareen** · 08-05-2009 10:43 PM

المشاركة الأصلية كتبت بواسطة ahmedlr

بصراحة انا راي الاوتوماتيك افضل خصووصا لو مشاوريك في زحمة او علي سفر
انا من اسكندرية و عايش في القاهرة .. لو حختار دايما حختار الاوتوماتيك خصوصا لان الكروزكونترول مهم ليا في السفر كمان
اما بالنسبة للشد و السحب انا بشد و بسحب عادي بالكيك داون و بطلع من ناس كتير و في الاخر هيا مسالة سواق

كلام حضرتك سليم ونفس وجه نظرى بالضبط

مع توضيح شئ وهو ان اوتوماتيك 2009 مافيهاش مثبت سرعه

تحياتى