Chinese Palio 1.5

**mohahdy** · 25-09-2007 03:20 AM

الباليو ال 1500 نزلت في التوكيل وأنا باسأل يا ترى حد من أعضاء المنتدى جابها أو يعرف حاجة عنها و ايه الفرق بينها و بين الباليو ال 1300

**hazem_khidr** · 25-09-2007 05:17 AM

عربيه قديمه و التوكيل وقف استيراد الباليو ال 1300 من البرازيل و جابها من الصين ليحقق ربحيه اعلي .
من رايي بلاش منها احسن

**mohahdy** · 25-09-2007 06:22 PM

تشكر يا أستاذ حازم على ردك
هي فعلا العربية زي ما حضرتك قلت الشكل القديم للباليو ولكن حضرتك شايف ايه هي العربية اللي بنفس السعة اللترية و هاتشباك اللي ممكن تنافس الباليو في سعرها
وفي عربيات قديمة و لسة بتتباع و ناجحة جدا في مصر زي الانوس و الفيرنا وال 128 فهل لو تغاضنا عن ان العربية قديمة بالنسبة لسعرها هل هي عربية جيدة و تستحمل تمشي في شوارعنا من غير مشاكل في العفشة :?

**hazem_khidr** · 25-09-2007 07:25 PM

العفو يا باشا .
قولي كده حضرتك عاوز تدفع كام في العربيه و ايه متطلباتك منها يعني عاوز منه ايه و ان شاء الله ربنا يوفقنا للصح.
اما بالنسبه للباليو اسمع ان موتورها صيني :? و غير كده تصميمها قديم يعني مش عربيه تعيش رغم عشقي للفيات لكن ما انصحش بيها نهائي

**CryptonX** · 26-09-2007 03:10 PM

لو عاجباك الباليو اوي .. في عند بعض الموزعين فقط , الشكل الجديد البرازيلي ( انا املك واحدة ) و لكن تمنها تمن البونتو 2007
اعتقد 71 الف .
بس قطع غيارها ارخص و موتورها احسن .. بس طبعا البونتو ايطالي .

كل ده لو انت عايز فيات اصلا .

**hazem_khidr** · 27-09-2007 01:23 AM

و الله يا باشا انا ما انصحش بيها لان التقفيل الصيني مش معروف جودته عامله ازاي.
ممكن لو تشوف بونتو زيرو ب 71 يبقي احسن علي الاقل ايطاااااااااااااالي و دي كلمه كبيره اوي و قطع غيارها موجوده بره التوكيل و عربيه مش محتاجه قطع غيار كتير(كانت مع قريبي واحده موديل 2000 و كانت زي الفل ما بيشتكيش منها ابدا)

**CryptonX** · 27-09-2007 04:11 AM

المشاركة الأصلية كتبت بواسطة hazem_khidr

و الله يا باشا انا ما انصحش بيها لان التقفيل الصيني مش معروف جودته عامله ازاي.
ممكن لو تشوف بونتو زيرو ب 71 يبقي احسن علي الاقل ايطاااااااااااااالي و دي كلمه كبيره اوي و قطع غيارها موجوده بره التوكيل و عربيه مش محتاجه قطع غيار كتير(كانت مع قريبي واحده موديل 2000 و كانت زي الفل ما بيشتكيش منها ابدا)

بصراحة كلام حازم صح , ال 6000 جنيه دول حيفرقوا جامد .
لو زنقت على ال 65 , روح توكيل فيات , خش فيهم شمال واطلب test drive
انا عملت كدة , طبعا قالولي مش ممكن و مش عارف ايه , قدمت شكوى لفيات ايطاليا . بعدها باسبوع اتصلوا بيا علشان اجرب الباليو :)

**CryptonX** · 28-09-2007 04:08 AM

انا جربت الباليو ال 1000 و ال1300 والبونتو و الجراند بونتو , بس عند الوكيل كانت ال1300 فقط . الباقي سيارات اصحابي و كدة

الباليو 1000 سي سي , سيارة جيدة جدا , خامتها مش شيك لكن تستحمل , قطع غيارها رخيصة نسبيا , اعتقد ده حيبقى نفس سمات ال1500 بصرف النظر عن الموتور . ال 1000 سي سي موتورها على قده و الباور بتاعها سيء في نظري

ال 1300 ودي سيارتي . موتورها ممتاز سحب كويس جدا , قطع غيار غالية ( فانوس امامي 850 جنيه ) عفشة قوية ولكن غير مريحة للركاب اوي . تكييف ممتاز , باور ممتاز .

البونتو , تقفيل ممتاز , عفشة مريحة جدا , التكييف ممتاز , الموتور مش بيسحب زي الباليو بس انعم بكتير و تحسه ارقا و النقل اكتر سلاسة , الباور طبعا تحفة علشان السيتي باور و التجيهزات الأساسية 2 ايرباج و كاسيت سي دي .
قطع الغيار غالية بس متوفرة في كل حتة وبرة التوكيل طبعا .

الجراند بونتو , حدث و لا حرج , كل حاجة فيها ممتازة , الموتور اقل 7-8 حصنة عن الباليو ال1300 بس مش حتحس بفرق , انا واحد اعرفه .. يدوبك بطلع منه بالعافية بعد حرق فظيع :)
عيبها الوحيد السعر , عدم الأنتشار و طبعا احتكار الوكيل لقطع الغيار .

ارجو ان اكون قد افدتك :)