جين تو ام كيا سيراتو

**eng_as3ad** · 11-09-2009 07:15 AM

المشاركة الأصلية كتبت بواسطة ayman_52

منور يا ابو اسعد باشـــا

عاوزين نشوفك ونقابلك ياكبيـــر

انشاء الله المقابلة الجاية اكيييد هكون موجود بس جيجي تخلص قبليها عشان فيها شغل كدا فالفرش و شويت حجات كدا تبع الشكمان

**night_phoenix** · 13-09-2009 04:20 AM

انا معايا نيو سيراتو لسه شاريها من شهر و الحمد لله مريحه و قويه قصه التسارع و الشد والكلام ده يمكن مش في بالي بالمرة يمكن عشان انا عجوز عن معظم الي هنا _انا قربت من 40 _
السيارة راقيه و واسعه بجد كلاس وشيك بصراحه رائعه
وعموما هيا مش حرب ربنا يكرم الي معاه الجين و يبارك لاصحاب السيراتو و ليا
ومبارك للكل

**tutankhamoun** · 13-09-2009 11:34 AM

المشاركة الأصلية كتبت بواسطة great_eagle

انا معايا نيو سيراتو لسه شاريها من شهر و الحمد لله مريحه و قويه قصه التسارع و الشد والكلام ده يمكن مش في بالي بالمرة يمكن عشان انا عجوز عن معظم الي هنا _انا قربت من 40 _
السيارة راقيه و واسعه بجد كلاس وشيك بصراحه رائعه
وعموما هيا مش حرب ربنا يكرم الي معاه الجين و يبارك لاصحاب السيراتو و ليا
ومبارك للكل

ربنا يباركلك فيها ........ هي فعلا عربية جميلة و ممتازة كمان و من أحسن الموديلات اللي أتقدمت جديدة في السوق .
ربنا يباركلك فيها و يحفظك من شرها .

**night_phoenix** · 14-09-2009 03:57 AM

متشكر لذوقك و ردك الجميل وده مش غريب علي اعضاء المنتدي الكريم الي بسعد اكون من رواده و اعضاؤة يمكن الغير نشطين لانشغالي ولاني بتعلم منكم
وشكرا كمان مرة

**rafe3_dent** · 05-10-2009 02:02 AM

كل واحدة ليها مميزاتها بصراحة
بس النيو سيراتو أعلى شوية من الـGen 2

وكلنا في انتظار النتيجة على أرض الواقع هههه

**ahmad--ezzat** · 05-10-2009 02:18 AM

السيراتو افضل فى رايى ودى اسبابى

1-اوسع من الجين واكبر
2-موتور اقوى
3-عربيه شكلها فخم جدا عن البروتون
4-برستيج عن البروتون
5-خبره كيا افضل بكتير من خبره بروتون فى السيارات ودى نقطه مهمه جدا
6-توكيل كيا افضل من عز العرب
7-اعادة بيع الجين 2 واقع خالص ودى نقطه فى صالح الكيا

**أبومعاذ** · 05-10-2009 10:10 AM

المشاركة الأصلية كتبت بواسطة ahmed20_08nubira

السيراتو افضل فى رايى ودى اسبابى

1-اوسع من الجين واكبر (السيراتو الجديدة ضيقة عن القديمة مش زيها بشهادة الناس اللي معاهم)
2-موتور اقوى (نفسي أتأكد من الموضوع دا على ارض الواقع)
3-عربيه شكلها فخم جدا عن البروتون (أذواق)
4-برستيج عن البروتون (على أساس إن كيا بقت مرسيدس و بروتون من انتاج النصر للسيارات؟ أنا شايف إن كيا شركة قديمة شوية عن بروتون بس مش لدرجة إن دي تبقى برستيج عن دي)
5-خبره كيا افضل بكتير من خبره بروتون فى السيارات ودى نقطه مهمه جدا (في دي عندك حق بس النقطة دي ملهاش أي تأثير على أرض الواقع إلى جانب إن بروتون معاها خبرة شركة لوتس العريقة في المواتير و أنظمة التعليق)
6-توكيل كيا افضل من عز العرب (مفيش كلام بس عز العرب مش وحش)
7-اعادة بيع الجين 2 واقع خالص ودى نقطه فى صالح الكيا (الجين 2 موديل 2007 بتتباع في رينج 70-75 و هي اصلا العربية ب85 يبقى اكيد البيع بتاعها مش واقع قوي ولا حاجة غير ان العربية قبل ما بتنزل المعارض بتكون اتباعت و اللي مش مصدق ينزل يدور في السوق على جين 2 زيرو)

في النهاية هل حضرتك جربت أي عربية من عربيات بروتون و على هذا الأساس بتحكم عليها بكدا ولا الحكم دا على أي أساس؟؟

**hamlet76** · 05-10-2009 11:53 PM

السلام عليكم ورحمة الله
دي اول مشاركة لي من فترة طويلة في المنتدى .. والسؤال ده كان في بالي من حوالي سنة قبل ما اسافر من القاهرة (انا عايش في الخليج حاليا) علشان كنت عايز اشتري سيارة جديدة في حدود 100 الف ..
نصيحة مني احتياجاتك من السيارة والمبلغ اللي انت محدده عوامل علشان تختار نوع السيارة .. انا اشتريت سيراتو الشكل القديم قبل سفري للخارج وكانت الحقيقة ممتازة جدا جدا جدا وجربت سواقة الجين تو مع اصحاب لي وكانت ممتعة برضة جدا جدا جدا .. لكن بالنظر الى الظروف في مصر وخصوصا مسالة التوكيل واعادة البيع تخلي الكفة بتميل ناحية السيراتو .. ونصيحة مني لو مش فارقة معاك نوع السيارة ومعظم سواقتك داخل المدن وليس السفر هات تويوتا ياريس