ايهما افضل جين 2 ام كيا سيراتو

**night_phoenix** · 07-05-2009 06:33 AM

ايهما افضل جين 2 ام كيا سيراتو
وما قصه مغالاه سعر التوكيل في بروتون

**Ayman_52** · 07-05-2009 07:08 AM

اكيد حضرتك تقصد -النيو سيراتو-

مش هفيدك فيها كتير.... بس اللى اعرفه ان الاوتو منها بـ 116,000 (من كونتاكت كارز)

نيجى بقى للجين الاوتو الكامله بــ 90.900 ...ودلوقتى ممكن تخلص فيها بــ 88000

______________________
فاولا عندك فرق حوالى 28000

______________________

الجين بقى ...

مميزات الجين .... شكلها الخارجى والداخلى المميز .. فيها كل وسائل الراحه والامان اللى مش موجوده فى اى سياره اخرى وبنفس تمنها .... موتور بسم الله ماشاء الله عليه جامد جدا ....صاج قوى .... ثبـــــــــــــــــــــــ ــــــــــــــات:k49:

عيوبها .... فيها بعض من عيوب التقفيل...

بس مو 2009 قلت ...بس لازالت موجوده..

وما قصه مغالاه سعر التوكيل في بروتون

مغالاه فى ايه بالضبط؟؟؟

لو سعرها ...دا مافيش عربيه بتمنها فيها نفسى مميزاتها ...والتمن اللى بتتباع بيه برا هو نفس تمنها فى مصر...مش زى بعض التوكيلات

ولو قصد حضرتك على قطع الغيار ... هى اينعم احنا بنقول عليه غالى ...بس مقارنه بباقى التوكيلات يعتبر اقلهم ...

-------------------------
وحضرتك خدلك لفه فى بروتون وهتلاقى مواضيع كتيره فيها تجارب ملاك الجين....

_________________________
وبخصوص الافضل دى اللى حضرتك هتحكم بيها ...لما تشوف مميزات وعيوب كلا السيارتين وتشوف اى واحده منهم هتناسبك
_________________________

وشوف حضرتك عاوز تسال عن ايه...وانا تحت امرك فى اى استفسار

تحيـــاتى...

**Mahmoud_405** · 07-05-2009 10:45 AM

انا كنت في نفس الحيره والله بين السيراتوا والجين 2 2009 .
النيو سيراتوا احسن من الجين 2 (في الشكل والنوتور والتقفيل والوسع والمواد الخام) بس هل تستاهل 28000 فرق بنها وبين الجين 2 الاتوماتك الاجابه لا طبعا لان الجين 2 عربيه حلوه ومش ققل من الكوري تقريبا نس مواد الخام و شكلها جميل ويتاخد عربيه فيها ابوشنز وامان باقل سعر عكس الكوري.(الي بيبع قلل الابوشنز باغلي سعر يعني بيبع بالسمعه لانها بقالها فتره في السوق والبروتون لسه عليها شويه لما تاخد ثقه الناس ساعتها حتتباع اغلي من الكوري.
من الاخر لو انت عايز عربيه عائليه وشكلها حلو و تقدر علي سعر ها وتشتري دماغك من عيوب التقفيل وتوكيل محترم يبقي السيراتو ولو عايز عربيه شبابيه وتوفر الفرق وهتستحمل عيوب التقفيل البسيطه بس الغبيه يبقي هات الجين 2 .

**eng_mh1980** · 07-05-2009 12:49 PM

معظم الابشن في الاثنين واحد بس السيراتو اغلي بكتير

**أبومعاذ** · 07-05-2009 02:25 PM

المشاركة الأصلية كتبت بواسطة eng_mh1980

معظم الابشن في الاثنين واحد بس السيراتو اغلي بكتير

لا الاوبشن مش واحد
الالجين 2 كاملة مانيوال ب 85 و النيو سيراتو ب 95 ومن غير كاسيت ولا اير باجز ولا فرامل abs ولا EBD ولا سنسور بارك ولا فوج لايتس كان ناقص يشيلو الدريكسيون