مصدقاية الكشف علي السيارة في توكيلها ...!!!؟؟

**hero** · 25-09-2007 09:35 AM

انا سامع من واحد ان لو السيارة لاقدر الله حصلها اي شيء ..(حادثة مثلا ) او مغيرة صاج في التوكيل ...وبعدين حد عايز يشتريها ....التوكيل بيعتبر تاريخ السيارة من اسرار العميل ..(باعتبار انه مصلحها هناك) وبيقيم السيارة علي وضعها الحالي ...يعني بعد الصيانة ..وبالتالي ما بيقولش العربية غيرت اية وعملت اية .... :roll:

يا جماعه الكلام دي صحيح ولا دي اشاعات ...علشان الناس ما تكشفش علي العربيات في توكيلاتها ..

يعني لو اخدت عربية ورحت بيها توكيل مصرية ولا تويوتا ....والعربية بتعمل صيانتها هناك ...وكانت لاقدر الله مغيرة بلاوي هناك ....هايقولوا انها غيرت رفارف ...وكانت متبهدلة ...ولمناها :lol:

ولا هايقيموها زي ماهي الوقتي .....والزبون يشربها ...

ياريت حد يطمني ....وياريت اباشمهندس طارق زويل يعرفنا اية حكاية اسرار العميل دي ....لو كان ليها وجود...

**modux** · 25-09-2007 03:05 PM

اشاعات

**eng_mkhalaf** · 25-09-2007 03:24 PM

واللة كل شى ممكن فى الزمن الجميل دة :( :( :( :( :(

**محمدايهاب** · 25-09-2007 09:44 PM

طبعا لأ أنا سمعت عن أكتر من واحد كشف في التوكيل سواء تويوتا كورولا أو ميجان أو نيسان صني

**أبو عبدالله** · 26-09-2007 03:27 PM

بس هو حضرتك الصيانات في التوكيل مبتعملشي زي بره التوكيل ما بيعملوا

يعني مفيش حاجه اسمها يغير نص والحاجات دي

كل اللي بيتعمل بيبقى زي تغيير باب , رفرف كبوت , سمكره

اما لحامات في الشاسيهات فلا اعتقد تمام ان هذا بيحصل عندهم لأنهم بيبقوا ماشيي على اسم نظام وليس مثل الصنايعيه بالخارج

ولو قدر الله حصل حاجه للعربيه هترجعلهم بها لأنك شغال بفواتير واثباتات وكده ............ فأظن والله اعلم ان ده شبه مستحيل الا لو كان توكيل ذمته واسعه شويتين

**amir** · 30-09-2007 06:47 AM

هو مش الغرض الاساسي من التعامل مع التوكيل هو ضمان جوده الاصلاح؟!!
هو الواحد لما يعمل حادثه او حاجه باظت و يصلحها عند المكان المعتمد للهدف ده يبقي عمل اللي عليه و لا ايه؟؟؟
و بعدين انتو زعلانين ليه و لا هوا مبدء القطط الفاطسه و اللي صلح حاجه في التوكيل(اي حاجه حتي الشاسيه) يبقي يبيع العربيه بتراب الفلوس مع انها المفروض انها بعد التوكيل تبقي 10 علي 10