أنا حاسس انى راكب عربيه تانيه غير التريوس اللى انتوا بتتكلموا عنها

السلام عليكم و رحمة الله و بركاته :satelite:. أنا بصراحه متابع المنتدى بقالى كتير و بصراحه من المنتديات الجميله اللى فادتنى بمعلومتها فى العربيات فربنا يباركلكوا. بالنسبه لموضوعى أنا عندى عربيه تريوس 2x4 موديل 2008 :B4_048:و هى اتوماتيك بصراحه سحبها مش عاجبنى خالص حاسس انها بطه فى الطريق و لما بحاول اديها بنزين عشان تجرى بتاخد وقت طويل اوى فى التجميع و صوت موتورها يعلى جدا فمش عارف ليه كده بصراحه و حاجه تانيه برده بحس انها بتجيب 120 بصعوبه جدا:confused: و بتاخد وقت طويل على ما تمشى على ال 120 دول و مجهود اكبر لما توصل ل 140 :whtauwant:اما اكتر من كده فصعب اوى انها تجيبوا:ask:. طبعا ده غير كمان لو فاتح التكييف بحس انى عمال بحرق فى الموتور مش بدوس على دواسة عربيه عشان تمشى. انا حاسس ان مشكلة العربيه ديه مشكله فرديه و فى عربيتى بس.بس مش قادر احدد ايه السبب مع العلم انى بعمل الصيانه فى مواعيدها و فى التوكيل و موددتهاش فى اى حته بره الصيانه. يا ريت يا جماعه اللى عندوا تفسير او نصيحه يقولهالى لأنى هبتدى اكره العربيه و افكر فى واحده تانيه:k30:. معلش انا طولت عليكوا:Zb_sor1[1]: و شكرا جزيلا للأهتمام.

طب متشوف البنزين حط 92 او غير البنزينه
ومدام الصيانه تمام يبقى إن شاء الله حاجة بسيطه وهيطلع بنزين

ده رد كنت عملته من فترة بسيطة فى موضوع اتعمل للاستفسار عن التيريوس "التيريوس عربية تقيلة، سواء ال7 راكب او ال5 ال 4*4 تقيلة وزنا و تقيلة اداء (وزن ال 5 راكب 1160 كجم)..... وده فى رأيى مش عيب لان النوع ده من العربيات مش بتاع شد وجرى و حرق و الكلام ده..... ولما بتكون كمان اوتوماتك ده بيزود احتياج العربية انك تديها راحتها فى الاداء.... هذه السيارة مش للجرى و الشد و الحرق و الكلام ده....."
انا عربيتى 4*4 اوتو...... و بحس بنفس اللى انت بتقول عليه لان زى مانا قولت العربية دى تقيلة و مش بتاعة شد و جرى و حرق..... ولانى من مدرسة القيادة الهادية، فلا احس بمشكلة مع اداء السيارة......

السيارة بشكل عام جيدة، وكانت عند حسن ظنى لانى عارف انا عايز منها ايه، وهى دى اهم نقطة، انك تحدد انت عايز ايه من العربية، علشان الواحد ميختارش اختيار يحسسه بالاحباط لو مكانش عند توقعاته......
التيريوس فى رأيى سيارة عائلية تتميز بقوة البنيان مع الاداء الجيد، لكنها ليست انسب اختيار لمن يهوى الجرى و الشد لانها عالية و موتورها مش مصمم لكده......

السلام عليكم و رحمة الله و بركاته
زي ما الاخ الفاضل قالك انك لازم تكون عارف انت عايز العربيه دي ليه و هتعمل بيها ايه و طريقة القياده بتاعتك شكلها ايه.
انا عربيتي تيريوس 2008 4*4 اير باج و اه بي اس وطبعا لو طالع و جنبي اي عربيه تاني بتبقي طلعتي اتقل شويه عشان الاتوماتيك و عشان وزن العربيه بس موضوع انها بتجيب 120 بالعافيه او اكتر انا مش معاك فيها لانك المفروض تدي العربيه راحتها هتلاقيها بتمشي بسلاسه و بتجمع بسرعه انما موضوع الحرق و الجري ده يبقي لازم يكون تفكيرك ابعد ما يكون عن التيريوس لانها مش عربيه مصممه لكده و اعتقد انك عمرك ما شفت عربيه برادو او لاند كروسر او حتي همر بيتعمل بيها الكلام ده لانها كلها عربيات تقيله و فئه مختلفه في الشكل و المضمون و الاستخدام عن السيارات السيدان.

دي مش مشكلة فردية في التريوس بتاعة حضرتك...

إحنا عندنا في الشركة حوالي 8 عربيات 2008 و 2009....و كلهم نفس الحال...

يا جماعه انا متشكر جدا لردودكوا بس انا مش بجرى بيها بالدرجه اللى انتوا متخيلنها. انا ساعات و انا مسافر ببقى عايز اطلع من عربيه نقل و لا حاجه بتاخد وقت طويل اوى على ما تطلع منهاو فى وجهة نظرى ده خطر لأنى السرعه فى رد الفعل ساعات بتبقى هيا الأامن. و خصوصا لو بعدى عربيه او ببقى مزنوق بين عربيتين. لكن انا مش بتاع جرى و لا حاجه بس على الاقل احس ان فى رد فعل لدواسة البنزين. و تانى شكرا جدا يا جماعه على اهتمامكوا و لو حد عنده رأى تانى يا ريت يقولوا.

اقتباس:

---

المشاركة الأصلية كتبت بواسطة Mohamed said

يا جماعه انا متشكر جدا لردودكوا بس انا مش بجرى بيها بالدرجه اللى انتوا متخيلنها. انا ساعات و انا مسافر ببقى عايز اطلع من عربيه نقل و لا حاجه بتاخد وقت طويل اوى على ما تطلع منهاو فى وجهة نظرى ده خطر لأنى السرعه فى رد الفعل ساعات بتبقى هيا الأامن. و خصوصا لو بعدى عربيه او ببقى مزنوق بين عربيتين. لكن انا مش بتاع جرى و لا حاجه بس على الاقل احس ان فى رد فعل لدواسة البنزين. و تانى شكرا جدا يا جماعه على اهتمامكوا و لو حد عنده رأى تانى يا ريت يقولوا.

---

ده من المواقف اللى كلنا بيتعرض لها، وانا طريقى على الدائرى دايما و تملى بحتاج اعمل كده، بس هنا اللى هيساعدك اكتر من العربية هو الهدوء فى الاقتراب ممن تريد تخطيهم و تنبيههم الى رغبتك فى ذلك ثم التنفيذ بهدوء ايضا و حرص...... رأيى ان كل دى افعال تحكم انت اللى بتعملها مش العربية...... خلى بالك ايضا ان التخطى بسرعة كبيرة بالاعتماد على الشد بالعربية ممكن يسبب ربكة لمن تتخطاهم و رعب ليس له مبرر، وكلنا ايضا للاسف نتعرض له بدون داعى ممن ليس لديهم ذوقيات القيادة.........

غريبة فعلا طيب عندك زر مع الجير اللي هو الفتيس وهو زر سوبر درايف احيانا باحتاجة في حالة التجاوز وخصوصا لما تكون السيارة اللي باجاوزها سريعة وصدقني الزر ده بيخليها توصل ل 140 في ثواني معدودة لدرجة اني اللي جالس جنبي بيقول باحس انا بتنطلق بضعف سرعتها سيارتي 4*4 مش عارف سيارتك فيها السوبر درايف ولا لأ

ان لم اكن مخطئا -ولو الوضع كذلك برجاء التصحيح- كل السيارات الاوتوماتك بها زرار الاوفر درايف، وده بيماثل الحرق على الغيارات فى المانيوال، و الهدف هو اعطاء السيارة سرعة و عزم اقوى من الاحوال العادية...... لكن ما هو الثمن؟ الثمن هو العمر الافتراضى للموتور الذى يتم "عصر" هذه القوة الزائدة فى الاداء منه، لذلك ده مش حل مستديم.....

الله يطمنكوا
ده انا كنت عامل موضوع اسأل فيه عن السحب واداء العربيه
http://www.nilemotors.net/Nile/showthread.php?t=72995
وكانت الردود ان السحب عادى ومش ضعيف

اقتباس:

---

المشاركة الأصلية كتبت بواسطة Hosam_Optrawy

الله يطمنكوا
ده انا كنت عامل موضوع اسأل فيه عن السحب واداء العربيه
http://www.nilemotors.net/Nile/showthread.php?t=72995
وكانت الردود ان السحب عادى ومش ضعيف

---

هو فعلا مش ضعيف و لا حاجة..... كل الحكاية ان العربية محتاجة تاخد راحتها فى الاداء...... و الصراحة ده بالنسبة لى ميزة مش عيب لانى من النوع المتأنى فى قيادته و بالتالى هدوء اداء العربية متماشى مع هدوء اسلوبى فى القيادة...... انا مش شايف ان ده مشكلة خالص..... هى فين اصلا الاماكن و لا الطرق فى بلدنا دى اللى تخليك تبقى عايز الاداء الرياضى العنيف لاى سيارة......

اقتباس:

---

المشاركة الأصلية كتبت بواسطة mahora

هو فعلا مش ضعيف و لا حاجة..... كل الحكاية ان العربية محتاجة تاخد راحتها فى الاداء...... و الصراحة ده بالنسبة لى ميزة مش عيب لانى من النوع المتأنى فى قيادته و بالتالى هدوء اداء العربية متماشى مع هدوء اسلوبى فى القيادة...... انا مش شايف ان ده مشكلة خالص..... هى فين اصلا الاماكن و لا الطرق فى بلدنا دى اللى تخليك تبقى عايز الاداء الرياضى العنيف لاى سيارة......

---

انا مش قصدى الاداء الرياضى العنيف ولا حاجه
انا قصدى الاستجابه والسحب وسرعة التجميع
يعنى مثلا وانا دايس الدوسه العاديه العربيه بيبقى ليها سرعه تجميع معينه
التيريوس بقى مقارنه بالعربيات ال 1600 السيدن هتبقى ايه ؟

يااخواني الحاجات دي بتفرق احساسها من شخص لأخر
والفيصل هو الأرقام
التيريوس الدفع الرباعي مانيوال بتعمل من صفر الى 100 كم في 12.4
والأتوماتيك منها نفس الموديل بتعمل في 14 ثانية

يعني 12.4 مهياش ضعيفة خصوصا ان احنا بنتكلم عن دفع رباعي وليس امامي فقط
يعني الامامي اكيد هينزل على الأقل 1.5 كمان

اقتباس:

---

المشاركة الأصلية كتبت بواسطة أبو عبدالله

يااخواني الحاجات دي بتفرق احساسها من شخص لأخر
والفيصل هو الأرقام
التيريوس الدفع الرباعي مانيوال بتعمل من صفر الى 100 كم في 12.4
والأتوماتيك منها نفس الموديل بتعمل في 14 ثانية

يعني 12.4 مهياش ضعيفة خصوصا ان احنا بنتكلم عن دفع رباعي وليس امامي فقط
يعني الامامي اكيد هينزل على الأقل 1.5 كمان

---

أعتقد يا أبو عبد الله التريوس ال 2*4 دفع خلفي مش جر امامي....انا فاكر إني قريتها كذا مره...

ياريت حد يأكدلنا المعلومة

بس العربية فعلاً بطيئة ... مش موضوع إحساس من شخص لأخر....ده موضوع تجارب و مقارنات... اللي هي بتكون الفيصل في الأخر

اقتباس:

---

المشاركة الأصلية كتبت بواسطة NaderNabil

أعتقد يا أبو عبد الله التريوس ال 2*4 دفع خلفي مش جر امامي....انا فاكر إني قريتها كذا مره...

ياريت حد يأكدلنا المعلومة

بس العربية فعلاً بطيئة ... مش موضوع إحساس من شخص لأخر....ده موضوع تجارب و مقارنات... اللي هي بتكون الفيصل في الأخر

---

ايوه صح فعلا انا نسيت في وسط الكلام فعلا العربيه دفع خلفي وليس امامي

بس الأرقام برضه بتعمل نوع من عدم بعد الأحساس للناس اللي بتقرا الكلام

يعني مثلا اكيد بالنسبة لعربيتك مثلا هيبقى في فرق كبير اكيد
بس القصد ان الناس تبقى عارفه من الأرقام احنا بنتكلم فين لأن ممكن واحد يفهم من الكلام ده ان العربيه مثلا زي الأسبرانزا على سبيل المثال تقريبا بتاخد 15 ثانية او اكتر تقريبا

كل ده كلام جميل يا ابو عبدالله لكن انا عايز اعرف العربيه ليه مش بترضى تجيب اكتر من 140 كم/ساعه و لو بتفكر تجيب 150 بحس انى الموتور خلاص بيشحر و بيقولك كفايه شيل رجلك من على البنزين. و الله يا جماعه انا مش بحب امشى بسرعه عاليه بس زى ما تقولوا الواحد بيبقى عايز يعرف قدرات عربيته ايه. انا عمرى ما افكر انى اجرى بالعربيه على 160 او 170 لكن نفسى مثلا احس انى العربيه بتجيبهم اصلا مش مهما ادوس بنزين العربيه مش عايزه تطلع عن 140-150 . دانا ساعات بدوس على الدواسه لاخرها خالص و لا حياة لمن تنادى. مش دى برده حاجه تزعل . تحس انى بقى فى شك فى ثقتك بالعربيه. بس . هو ده كل اللى انا بتكلم عليه لكن ميمنعش ان العربيه ليها مميزات تانيه كتير و لذيذه جدا فى سواقتها لكن زى ما قلت فى وسط المدن مش على طرق سفر. وشكرا للجميع للاهتمام بهذا الموضوع.

يا باشا متنساش ان العربية عالية و بالتالى مقاومة الهواء ليها اكبر بكتير من السيارات السيدان..... لذلك مهما كان شكل لعربية ايروديناميكى الا ان ارتفاعها عن الارض بيمنع الوصول لسرعات عالية بدون ما تعوم....... وده ينطبق على كل العربيات العالية مش التيريوس بس.....

اقتباس:

---

المشاركة الأصلية كتبت بواسطة Mohamed said

السلام عليكم و رحمة الله و بركاته . أنا بصراحه متابع المنتدى بقالى كتير و بصراحه من المنتديات الجميله اللى فادتنى بمعلومتها فى العربيات فربنا يباركلكوا. بالنسبه لموضوعى أنا عندى عربيه تريوس 2x4 موديل 2008 و هى اتوماتيك بصراحه سحبها مش عاجبنى خالص حاسس انها بطه فى الطريق و لما بحاول اديها بنزين عشان تجرى بتاخد وقت طويل اوى فى التجميع و صوت موتورها يعلى جدا فمش عارف ليه كده بصراحه و حاجه تانيه برده بحس انها بتجيب 120 بصعوبه جدا:confused: و بتاخد وقت طويل على ما تمشى على ال 120 دول و مجهود اكبر لما توصل ل 140 :whtauwant:اما اكتر من كده فصعب اوى انها تجيبوا:ask:. طبعا ده غير كمان لو فاتح التكييف بحس انى عمال بحرق فى الموتور مش بدوس على دواسة عربيه عشان تمشى. انا حاسس ان مشكلة العربيه ديه مشكله فرديه و فى عربيتى بس.بس مش قادر احدد ايه السبب مع العلم انى بعمل الصيانه فى مواعيدها و فى التوكيل و موددتهاش فى اى حته بره الصيانه. يا ريت يا جماعه اللى عندوا تفسير او نصيحه يقولهالى لأنى هبتدى اكره العربيه و افكر فى واحده تانيه:k30:. معلش انا طولت عليكوا:Zb_sor1[1]: و شكرا جزيلا للأهتمام.

---

السلام عليكم:w6266d

عزيزي هيا فكرة بسيطة جدا بس اعتقد ان هيا السبب فيما تشعر به :049:
ببساطة انت بتقل رجلك علي البنزين و اكيد العربيه مبقلهاش معاك كتير
التريوس لما تحتاج انها تسحب لامس دواسة البنزين بس ما تضغط عليها بقوة - و دا في الياباني بشكل عام - لان الموتور لما تكبس له بنزبن بيحصل له حاجة زي التهنيج لثواني و دا طبعا بيحسسك بالشلل :dzey:و بعطي عندك انطباع انها ما تسحب
جرب تلامس دواسة الوقود برجلك لما تحتاج تسحب و ان شاء الله الموضوع بيظبط معاك:unhappy:

اقتباس:

---

يا جماعه انا متشكر جدا لردودكوا بس انا مش بجرى بيها بالدرجه اللى انتوا متخيلنها. انا ساعات و انا مسافر ببقى عايز اطلع من عربيه نقل و لا حاجه بتاخد وقت طويل اوى على ما تطلع منهاو فى وجهة نظرى ده خطر لأنى السرعه فى رد الفعل ساعات بتبقى هيا الأامن. و خصوصا لو بعدى عربيه او ببقى مزنوق بين عربيتين. لكن انا مش بتاع جرى و لا حاجه بس على الاقل احس ان فى رد فعل لدواسة البنزين. و تانى شكرا جدا يا جماعه على اهتمامكوا و لو حد عنده رأى تانى يا ريت يقولوا.

---

أنا عندي نفس مشكلتك بالضبط و نفس طريقة سواقتك و بصراحة أكتر للأسف أنا بدأت أكره العربية دي

ححاول اجرب اللى انت قولتوا يا استاذ ضياء 2008 و يا ريت :ask: يكون هو ده السبب( ان العيب فيا انا ) اهو ممكن اغير من نفسى:36_9_4: لكن العربيه اعتقد انها صعب تغير من نفسها:36_1_31:.

اقتباس:

---

المشاركة الأصلية كتبت بواسطة Mohamed said

ححاول اجرب اللى انت قولتوا يا استاذ ضياء 2008 و يا ريت :ask: يكون هو ده السبب( ان العيب فيا انا ) اهو ممكن اغير من نفسى:36_9_4: لكن العربيه اعتقد انها صعب تغير من نفسها:36_1_31:.

---

يا ريت تقولنا يا استاذ محمد بعد ما جربت تدوس براحة علي دواسة البنزين ايه اللي حصل معاك

انا اصلا من النوع اللى دوسته على البنزين خفيفة و متدرجة، و حاولت اركز معاها زى ما قال اخونا العزيز و محستش بفرق يذكر......

سلام عليكم ورحمة الله وبركاته
اول مشاركه ليا لان الموضوع شدنى جدا لان اليومين دول بشترى عربيه فنفس حدود التريوس وبودع عربيتى الشاهين --- امبارح خرجت بتريوس Glx وفعلا حسيت سحب العربيه تقيل جدا جداااااااااااااااا والشاهين بتاعتى 1400 بتسحب اكتر منها وعلى العلم انا مش غاوى جرى ولا بكسر ال 100
بس وانا بتفرج ع المعارض لفتت نظرى الاسبرانزا التيجووووو ياريت لو حد يفيدنى بريئه ضرورى لان فعلا العربيه شكلها فوق الممتاز وذهبت لمركز الصيانه قابلت واحد كان بيعمل كشف دورى سالته اخبارها ايه وهيا ولا التريوس ---- قاللى لا طبعا التيجووووو ثبات محاور رهيب وعائليه و 2000 سى سى
ممكن حد يفيدنى النهارده؟

اقتباس:

---

المشاركة الأصلية كتبت بواسطة aboomarr

سلام عليكم ورحمة الله وبركاته
اول مشاركه ليا لان الموضوع شدنى جدا لان اليومين دول بشترى عربيه فنفس حدود التريوس وبودع عربيتى الشاهين --- امبارح خرجت بتريوس Glx وفعلا حسيت سحب العربيه تقيل جدا جداااااااااااااااا والشاهين بتاعتى 1400 بتسحب اكتر منها وعلى العلم انا مش غاوى جرى ولا بكسر ال 100
بس وانا بتفرج ع المعارض لفتت نظرى الاسبرانزا التيجووووو ياريت لو حد يفيدنى بريئه ضرورى لان فعلا العربيه شكلها فوق الممتاز وذهبت لمركز الصيانه قابلت واحد كان بيعمل كشف دورى سالته اخبارها ايه وهيا ولا التريوس ---- قاللى لا طبعا التيجووووو ثبات محاور رهيب وعائليه و 2000 سى سى
ممكن حد يفيدنى النهارده؟

---

بص انا جربت اسوق التييجو الاوتوماتيك ال 2*4
سحبها حلو اوى وموتورها 2000 سى سى 137 حصان
وطبعا فل اوبشنز جنوط وفتحة سقف وفرش جلد الخ
السعر 105
عيبها الوحيد انها طبعا صينى لكن حتى الان مظهرش فيها عيوب قاتله
وطبعا العيوب التانيه انها 2000 سى سى فاكيد استهلاك بنزين عالى + الضريبه السنويه عند الترخيص

طب ربنا يطمنك يا حسام انا هقوم اصلى صلاة استخارة كده لان مش كل يوم هنشترى عربيه وانا ميال للتيجو جدا رغم انى عارف ان هخسر فيها لو بعتها اوى عشان اول شىء انها 2000 cc وحكاية الضريبه دى لازم اسال بنفسى بكرة كام؟
المشكله ان التريوس لقطه جدا تمنها فالسوق 133 الف وصاحبها بعد 8 شهور عاوز 110 الف يعنى هيسيب حوالى 23 الف
وطبعا تعتبر فرصه بس التيجو شكلها اجمد -- ان شااااااااء الله خير وشكرا ع الرد

بصراحه يا جماعه انا محستش بفرق فى السحبه بتاعتها لما بدوس براحه من الاول:stink[1]:. لكن انا ليا ملاحظه على موضوع الدواسه ده:U_thin1[1]:. انا لما بدوس على الدواسه و العربيه تطلع مش بفضل دايس على الدواسه لحد السرعه اللى انا عايزها. :N_no[1]:لأ. انا بدوس لحد 30-40 و بعدين اشيل رجلى من على البنزين و احطها على الدواسه تانى(كأنى بنقل الفتيس فى المانوال) بس بالراحه و بحس انها بتبتدى تشد معايا احسن من انى افضل دايس من الاول على الدواسه على طول:S_thum1[1]:. هى ديه الملاحظه اللى ليا عليها. ساعات بحس ان سواقة الاتوماتيك ليها اصول :3_3_102[1]:مش مجرد انى ادوس على الدواسه لاخرها:ma(30):. يا ريت يا جماعه لو حد عنده فعلا مهارة المعامله مع العربيه الاتوماتيك بطريقه تخلى اداء العربيه أفضل يقولنا عليها و اهو يبقى افادنى و افاد اللى بيقر أ الموضوع:colsmil:. و شكرا ليكوا مره تانيه.