لمالكى التريوس بلاس

**hamdyelmanasterly** · 07-05-2009 12:44 PM

السلام عليكم......
انا بفكلر اجيب التريوس..... بس عيز اعرف عيوبها ايه لانى بقارن بنها و بين الأى 30...
من فضلكو عايز رأيكو بسراحة و بسرعة.............. و شكرا

**Imhotep** · 07-05-2009 01:08 PM

اهلا بيك يا ا/حمدى......
ده رد كنت لسه عامله من شوية عما تسأل عنه:
"ده رد كنت عملته من فترة بسيطة فى موضوع اتعمل للاستفسار عن التيريوس "التيريوس عربية تقيلة، سواء ال7 راكب او ال5 ال 4*4 تقيلة وزنا و تقيلة اداء (وزن ال 5 راكب 1160 كجم)..... وده فى رأيى مش عيب لان النوع ده من العربيات مش بتاع شد وجرى و حرق و الكلام ده..... ولما بتكون كمان اوتوماتك ده بيزود احتياج العربية انك تديها راحتها فى الاداء.... هذه السيارة مش للجرى و الشد و الحرق و الكلام ده....."
انا عربيتى 4*4 اوتو...... و بحس بنفس اللى انت بتقول عليه لان زى مانا قولت العربية دى تقيلة و مش بتاعة شد و جرى و حرق..... ولانى من مدرسة القيادة الهادية، فلا احس بمشكلة مع اداء السيارة......

السيارة بشكل عام جيدة، وكانت عند حسن ظنى لانى عارف انا عايز منها ايه، وهى دى اهم نقطة، انك تحدد انت عايز ايه من العربية، علشان الواحد ميختارش اختيار يحسسه بالاحباط لو مكانش عند توقعاته......
التيريوس فى رأيى سيارة عائلية تتميز بقوة البنيان مع الاداء الجيد، لكنها ليست انسب اختيار لمن يهوى الجرى و الشد لانها عالية و موتورها مش مصمم لكده......"

**askoda** · 07-05-2009 02:56 PM

No way to compare two cars not from the same category

**Mohamed said** · 08-05-2009 01:45 AM

هو فعلا رأى الأ ستاذ مهورا صح لأنها فعلا تقيله فى الجرى لكن هى عربيه لذيذه جدا من حيث وضوح رؤية الطريق امامك و بتخليك تتوقع اى مفاجات و انا شايف انها ميزه حلوه جدا للامان . ثانيا ملهاش دعوه بالمطبات خاااااااالص يعنى اطلع اصعب مطب و انت مطمن. لذيذه فى قيادة وسط البلد. لكن فى السفر مرهقه شويه لأنى عفشتها نشفه و بتسمع فى ضهرك طول ما انت سايق. و كمان سحبها ضعيف و اعتقد ان اخرها 140 كم و بعد كده خطر لانك بتحس بسرعتها كانك ماشى 200. لكن فى المجمل هى عربيه جميله عائليا لكن سرعة استجابتها بطيئه و ده اللى انا بعانى منه. و لك منى كل التحيه