الهوندا عربيه جميله
مره كنت واقف على طريق دمياط بورسعيد بالعربيه واقف بين الاتجاهين عشان الف الا تجاه عكس الاتجاه اللى انا فيه
ومستنى العربيات اللى جايه عشان الف .... المهم .. ايه اللى جاى ؟
جاى عربيه نقل وجمبها هوندا سيفيك ملاكى بورسعيد سايقها راجل كبير ماشيين على حوالى 80 كيلو وفجاه
الراجل بتاع الهوندا راح مايل على العربيه النقل وعينكو ماتشوف الا النور
طبعا العربيه النقل شاطتها من ادامها ولقيت الهوندا طارت فى الجو طارت بجد اترفعت من ع الارض كتير وخبطت فى العمود وصدت فى العربيه النقل نفسها بس فى صندوقها اه والله
انا مكنتش مصدق عنيه
ونزلت الهونداعلى واقفه على الاربع جنوط وركنت العربيه وجريت ع الهوندا انا والناس اللى كانو موجودين بس قبل مانوصل الهوندا نزل الراجل ومعاه واحد تانى يجرو من العربيه عارفين بيجرو ليه ؟
شنطة العربيه فيها دولارات والعربيه لما اتخبطت فى الشنطة الشنطة اتفتحت فنزلو يجرو يلمو الفلوس
الخلاصه ايه بقى ... ان الراجل واللى معاه نزلو ميه ميه ماشاء الله يعنى العربيه دى تمااااااااااااااااام والامان فيها عالى جداااااااا
المفضلات