لو طريق زى المحور و لا الدائرى و لا الصحراوى فاضى بدون رادار و لا لجان...... هتعمل ايه؟
هتجرى و لا برضه هتلتزم بالسرعة القانونية؟
لو طريق زى المحور و لا الدائرى و لا الصحراوى فاضى بدون رادار و لا لجان...... هتعمل ايه؟
هتجرى و لا برضه هتلتزم بالسرعة القانونية؟
حالياً و مستقبلاً سوف ألتزم بالسرعه القانونيه ..
كفاية انك :
توصل مستريح و فى أمان ...
ماتكونش قلقان كل ما تدخل على لجنه مرور ...
بحاول اكون ملتزم على قد مقدر
وربنا يسلم
همشي علي من 100-120 ودة طبيعي بالنسبة لي
يعنى 140 يبقى كويس اوى بصراحة.
شريط اغاني لمطرب او مطربة انت بتحبة + التكييف على الدرجة اللي انت بترتحلها + كباية نيسكافية على مزاجك او سيفن اب +الاستمتاع بالمناظر اللي حاوليك..... يبقى قمة متعة السواقة .. خليك رايق
حتوصل حتوصل ... مش فارقة في اد ايه ... المهم توصل بالسلامة
وسيبك انت السواقة متعة مش سربعة
حسب الحاله النفسيه وظروف القياده...
يعني لو مزاجي حلو والطريق فاضي 90 / 100 وشريط أم كلثوم. واقفل القزاز واشغل التكييف ومع نفسي... ولو معايا حد بنقعد ندردش لحد مانوصل.
لو مستعجل او عاوز أوصل بسرعه أو الطريق زحمه أو حالتي النفسيه مش متظبطه. يبقي أغاني أجنبي
وامشي 120 / 130 أقصاها لما اقرص 135 بس مركز جدآ مع الطريق.
بصراحة لو المود رايق هجرى واعمل كل اللى انا عاوزه بس يبقى الطريق فاضى ومش على حساب الناس
بحب جدا التزم بالسرعة حتى لو السرعة المقررة 120 زي طريق السخنة برده بمشي 95 او 100 بالكتير
فالتأني السلامة وفي العجلة الندامة
بس ماتقوليش على المحور او الدائري تبقى السرعة المقررة 60 والتزم بيها
دي بتبقى صعبة شوية
طبعا هجرى ......دة اكيد
هى السرعة القانونية دى اسمها سرعة
ودة برضو بيرجع للعربية نفسها
فى عربيات ال 100 كم \س بالنسبة لها انتحار
وفى عربيات ال 180 بالنسبة لها عادى جدا
انا لغاية 140 او 150 شغال
ممكن اجيب 180 مثلا دقيقتين تلاتة وارجع تانى 140 150
عشان مش بحب التهور
والله على حسب مستعجل ولا لا نعسان ولا لا حالة الطريق طبعا واحيانا حالتي المزاجيه بس من يوم ما جبت التمبرا وانا ما بزودش عن 120 واحيانا قليله جدا 140
140 احلى سرعة ، ولو الواحد مركز يبقا 160 ، وممكن أكتر بس ينزل تانى على طول
بمشى بين 140 و 160 وممكن لثوانى فقط 180 وانزل تانى
لو زي مابتقول فعلا الطريق فاضي ومافيش رادار ويسمح بالجري هجري طبعا
يعني مثلا لما يكون طريق سرعته القانونيه 90 ولا 100 لكن هو يسمح بأكتر من كده يبقى تمام همشي على 120 - 140 ولو مستعجل اوي هقفل العداد
زي طريق راس غارب الغردقه كانت سرعته 100 وحاليا 110 ... بس كنت مستعجل وخدته كله على 160 - 170 لأنه يسمح بالجري
بس برضو الموضوع يعتمد على كذا حاجه :
1- حالة الطريق
2- حالة العربيه
3- حالتي انا ( فايق ومركز ولا تعبان ) ( مستعجل ولا لا )
4- حمولة العربيه
لو المناظر على الطريق حلوة همشى براحة أستمتع بيها و لو طريق زراعى ساعت عصارى دا عايز مشى على 40 بالكتير 50 لأنه بجد مريح للأعصاب جدا
صحراوى و ما فيهوش حاجة أو مناظر بتتكرر يبقى أستمتع بالعربية إنى أجرى بيها
أكيد 160 170 ولو العربية تجيب اكتر كنت جبت دة مفيش ردار ياعم هههههههههههههههههههه
يا عم العمر مش بعزقة
و ماله لما امشي على مهلي
و برضه كده كده هوصل ( إن شاء الله )
و بعدين الواحد بيقلق من المخاطر المفاجئة
فردة كاوتش
فرامل تضرب
و ربنا يستر
حسب الغزاله ممكن 100 او 120 وممكن اكتر
السؤال اجابته معروفة من غير استطلاع
همشي على قد خبرتي مع السواقة .... 100 كم/س
120 لو مستعجل فعلاً و الطريق يسمح .. اكتر من كدا لأ ...
شكراً
على حسب حالة الطريق والعربيه ...لو كله تمام بجيب من 140 -190 بس طبعا ببقى ماشي على 140 منتظم وال190 لفترات قليله ...بس اهم حاجه قبل السفر الكشف على كاوتشات العربيه ...
السائق المحترم هو اللي أسلوب سواقته و سرعته لا تتأثر بخلو الطريق أمامه .
التحضر هو إنك تلاقي الطريق فاضي قدامك و متجريش .
غير إن السواقة و الطريق فاضي بالراحة مع موسيقي بتحبها دي قمة المزاج .
100 كم/س
120 لو مستعجل فعلاً و الطريق يسمح .. اكتر من كدا لأ ...
هجرى بالسرعه اللى انا اكون متحكم فيها بالعربيه تحكم كامل و عارف ان ظروف الطريق تستحملها سواء فى ردار او لأ
دول السرعتين اللي أنا ملتزم بيهم على الدائري
لما يكون الطريق فاضي تمام
بأمشي زي التوقيع و هو 90 و لا أزيد عن ذلك .
و لما يكون الطريق مشغول و الدنيا زحمة
بأخد يميني ....... و أمشي على سرعة 70 أو 75 حسب الزحمة .
http://i41.tinypic.com/34shyis.jpg
طبعا حجرى طالما الطريق يسمح ذى طريق السخنة
والجرى يفرق على حسب الطريق اللى ماشى فية حتى لو فاضى
يعنى المحور كفاية اوى 120
مصر-اسكندرية اخرو 140 عشان تكون ماشى رايق مش متوتر
السخنة الجديد قفل عداد :))))))
[QUOTE=MoToRiZeR;832377]
التحضر هو إنك تلاقي الطريق فاضي قدامك و متجريش .
QUOTE]
الجملة دى من تأليفك و لا اقتباس يا عزيزى MoToRiZeR ؟
انا بضحك معاك طبعا......
ان شاء الله هلتزم بالسرعه القانونيه
مش علشان لجنه و لامرور
لكن علشان اوصل بسلام
السرعه فوق 100ك/س العربيه هى اللى بتتحكم فيك
مش انت اللى بتتحكم فيها
لو فرقعت عجلة كاوتش هتعمل ايه
لو لقيت مطب مفاجئ
لو فوجئت بحادث امامك او سياره عطلانه
لو حاجات كتير ؟؟؟؟؟؟؟؟؟؟؟؟؟؟
لو معايا عربية كويسة ساعتها همشى فى رينج 170 - 210 فى طريق سفر :) مش ققل ومش اكتر من كدة ( السرعة الأولى ديه لو طريق مش تمام زى اسكندرية - السرعة التانية لو طريق عين سخنة ... غردقة ... حتت فى طريق الساحل وهكذا ) وعلى فكر انا عكس الناس اللى بتقول ان السواقة متعة وانتة ماشى هادى فى طريق سفر ده الواحد بيحس انة بيتشل وهو راجع بليل على فى طريق اسكندرية
لو حد فيكم هايفكر يجري يجب عليه اتباع الخطات التالية:-
1) اكشف على العربية قبل المشوار وخصوصا الكاوتش والفرامل (بس ياترى تقدر تكشف على الشارع وتتأكد من خلوه من المفاجاءات الجميلة والغير جميلة)
2) لو كنت راجع البيت تذكر انك ممكن اهلك واحشينك او اولادك وعاوز تشوفهم ولازم توصل ليهم بأقصى سرعة (بس برضه حاول تتخيل وضعهم لما يجيلهم اتصال (لاقدر الله) عن مكروه حصل ليك)
3) لو عندك عربية جديدة يبقى تمام أوى ABS EBD Airbags يبقى تجري زي مانت عاوز (بس برضه مش كل العربيات اللي حواليك عندهم الحاجات دي والمشاة معندهمش Airbags)
4) متأكد ان مفيش رادار يبقى إشطة افتح في السرعة ماهو مفيش حد هايعاقبك (تذكر انه يقال عن الشعب المصري انه مايجيش الا بال.... على قفاه:beatdeadhorse5:)
واسف للإطالة
==========
ع ــــــــــــــ م ـــــــــــــ رو
==========
ياة لو كان عندنا العلامة دى :biggrin24: :
http://i4.photobucket.com/albums/y12...e/untitled.jpg
هى الصراحة تستدعى انى اقول هجرى اكيد بس ده كان زمان
لكن دلوقتى اقول فى التانى السلامة