الموضوع: محركات فيات .. ضعيفه ام قويه ؟

المشاركة الأصلية كتبت بواسطة i_Am_Legend

يا باشا دة انا بعربيتى ال127 الايطالى وموديل 74 و900 سى سى بجيب بيها 120.......وكمان 4 غيار.......
والتانى عندى بيجيب 55-60 فى كدة فى الدنيا .........

و الله يا باشا عربيتك اصلا في التصنيع تكتسح الشيري كيو كيو و الشيفروليه سبارك و الماتيز و الماروتي و الكلام الفاضي ده هي بس بيبقي ناقصها كاسيت علي فرش حلو و بتبقي عربيات حلوة جدا (دلعها يعني)

و انا بالأونو مش هقول اكتر من انها 1000 سي سي و موتورها خفيف حاجة بسيطة بس طلقة انا لما بشد بسقط التاني و انا علي 50 لغاية 70 وبنتش علي ال 3 لغية 100 و ده طبعا حرق بس و الله صوت الموتور مش بينعر ولا يترج زي الكوري اللي فرحانين بيه ده

ياسادة محركات الفبات منافضل المحركات في العالم وباعتراف خبراء السباقات في العالم زي جاي كروفت وده عمل كتاب لتعديل محركات الفيات 2كامةووصلة 600 حصان وطبعا ماننساش ان الانشيا الايفيليوشن بطلة العالم في الراليلت 6سنينكانت مجهزة بنفس المحرك 2000س س 2كامةوبشاحن توربيني وكانت بتجمع 100 كم في اقل من 5ثوانيوقدرتة في حدود 600 حصانوبعزم دوران خيالي48كجموالعزم دة محدش وصل قربة بمحرك من 4 اسطوانات غير كزورث في فورد

طبعاً محركات فيات قوية جداً ويعتمد عليها وشوفوا ال 128 اللى موديل 73 و76 و78 ولسه ماشية فى الشوارع وكمان ال 131 وال 132 وال 125 وال 124 ومين فينا ما إتعلمش السواقة إلا على عربيات الفيات ، والعدل إن الماركة ديه لا تقارن إلا بفولكس فاجن أو بيجو ورينو بس ، ولا يمكن مقارنتها حتى باليابانى مع إحترامى لكل عشاق اليابانى لأن دى أزواق

محركات فيات جبارة الشاهين انا كنت بجيببيه على التانى 70 على 4000

أضف الى ذلك بعض المعلومات التى يجهلها معظم الناس فى مصر :

- أفضل مواتير تربو ديزل هى مواتير فيات, و دى ليها شهرة عالمية.
- أكثر مصانع السيارات المميكنة فى العالم والتى تعتمد كلها على الروبوتات فى التصنيع و التجميع, و التصميم يعتمد على برامج كمبيوتر متقدمة, و الشركة الوحيدة التى استطاعت تصميم الفيات برافو وتنفيذها فى 16 شهر فقط لذا فان مصانع فيات هى الأكثر ميكنة و تقدما فى العالم بين مصانع السيارات.
مثلاً العربية الباندا أختيرت كأكثر سيارة إعتمادية فى المانيا بلد الأودى والمرسيدس و البى ام !!
مثال أخر العربيات التى جيت سواء اللى مواتيرها 120 أو 150 أو 180 هى نفس الموتور بس التغيير فى التربو والكاتاليزر وبرمجة الكمبيوتر وزيادة عن ذلك فى شركة فى ألمانيا إسمها جى تك بتبيع كيت ب 7000 يورو يوصل العربية ل 245 حصان وعلى فكرة الكت ما فهوش أى تعديل للموتور هو هو بس تعديل فى مضخة البنزين وتربو أكبر وكاتاليزر ومجموعة الشكمان أسبور وبرمجة الكمبيوتر ecu)) .

ما فيش حمل على الموتور لأنه مش معمول من هواه ديه شركة محترمه وبتدى ضمان كمان واللى بتعمله فيات - إيطاليا طبعاً مش مصر إنها بتعدل الموتور ال 150 لحد 185 بزيادة فى السعر 2500 يورو عن طريق تغيير التربو والكاتاليزر وبرمجة الكمبيوتر. والتعديلات اللى قولت عليها الموتور يستحملها لأنها معموله ومتجربة فى اوروبا اكثر من سنه . وبعدين أنا ذكرت الموضوع عشان أبين إن ده مؤشر على مدى قوة الموتور فى ظروف التشغيل القصوى ما بالك فى ظروف التشغيل العادية بدون تعديل ومع القرص والنحر فى الموتور هايستحمل أى سؤ إستخدام وده مش بأنصح بيه طبعاً .