الموضوع: محركات فيات .. ضعيفه ام قويه ؟

مواتير فيات ال 2 كامه , كانت اعجوبه ميكانيكيه فى السبعينات ... لما تتميز بيه من قوه و سلاسه كبيره

مثلا الموتور ال1600 , بقدره حصانيه 96 حصان
و ال2000 بقدره حصانيه 112 حصان .

ارقام خرافيه فى وقتها !

المشاركة الأصلية كتبت بواسطة mezo73

انا كان معايا من كام سنة قبل الموبيلات وسهولة التصوير للعربية لو كنت اقدر اصورها دلوقتي كانت تحفة
127 توب الماني موتور 1050 سي سي 70 حصان 2 باب كانت لونها برتقالي دواخل فابريقة موديل 81 موافقة استيرادية
اولاموتور 8 صباب عادي جدا مش 2 كامة مثلا بس اوعي حد يفكر مجرد تفكير انو يشد معايا لانو مش هايقدر يكمل اساسا
وبالمناسبة دي يمكن هاقول بعض العربيات اللي الناس ممكن تكون مش فكراهاوكانت انتاج الماني وعملت طفرة
127 توب
128 سي ال
128 ابارث
128 ثري بي
124 اسبشيال
124 رالي
131 2000 سي سي وكان في منها تيربو و 2 باب بس
ريتمو تيربو
وفي الموديلات الاحدث( مش الماني)
اونو تيربو
ريجاتا
ارجنتا
ماريا
برافو
برافا
كروما
تمبرا 2000 سي سي تيربو(برازيلي)
وياريت الوكيل يرجع ايام الفيات تاني زي زمااااااااااااااااااااااا ااان

ياريت والله ديه تاكل السوق اكل و محدش يبقي ليه عين يفتح بقه عن العربيات ديه

المشاركة الأصلية كتبت بواسطة i_Am_Legend

يا باشا دة انا بعربيتى ال127 الايطالى وموديل 74 و900 سى سى بجيب بيها 120.......وكمان 4 غيار.......
والتانى عندى بيجيب 55-60 فى كدة فى الدنيا .........

و الله يا باشا عربيتك اصلا في التصنيع تكتسح الشيري كيو كيو و الشيفروليه سبارك و الماتيز و الماروتي و الكلام الفاضي ده هي بس بيبقي ناقصها كاسيت علي فرش حلو و بتبقي عربيات حلوة جدا (دلعها يعني)

و انا بالأونو مش هقول اكتر من انها 1000 سي سي و موتورها خفيف حاجة بسيطة بس طلقة انا لما بشد بسقط التاني و انا علي 50 لغاية 70 وبنتش علي ال 3 لغية 100 و ده طبعا حرق بس و الله صوت الموتور مش بينعر ولا يترج زي الكوري اللي فرحانين بيه ده

المشاركة الأصلية كتبت بواسطة فادى

فيات يعتبرها البعض أفضل شركة تصنع المحركات فى العالم, و هذه السمعة مأخوذة من عدد كبير من الابتكارات و الانجازات على صعيد تصميم المحرك, و عن تجارب السائقين التى أجمعت أن المحركات الايطالية سواء كانت فيات أو الفاروميو أو فيرارى هى الاكثر عصبية و قوة و الأفضل على صعيد متعة القيادة, و هو احدى اهم العوامل التى أعطت للسيارات الايطالية سمعتها الرياضية المتفوقة.
لذا فان محركات فيات فوق مستوى الشبهات, كما أنها الأكثر التزاما بالمعايير الأوروبية الصارمة من حيث الاقتصادية و الانبعاثات الضارة.
فيات توفر سياراتها بعدد كبير من المحركات التى تلبى مختلف المتطلبات, فلو تطلب السائق محرك اقتصادى للمدينة فان محركات ال8 صباب هى الأفضل على هذا الصعيد (محركات ال8 صباب أفضل من ال16 فى المدينة), و لو اراد محركا رياضيا فهناك سلسلة التى جيت المزودة بشاحن هواء, و لو اراد محركا للطرق السريعة فهناك محركات ال16 صباب و التى جيت,
و كلها محركات اعتمادية بفضل طريقة تصنيعها المبتكرة و التى تدعى fire, و هى طريقة تصنيع مميكنة تعتمد على الروبوتات ابتكرتها فيات لتحسين اعتمادية المحرك(لمن لا يعرف, تعتبر مصانع فيات هى مصانع السيارات الاكثر ميكنة فى العالم).
و ليس هناك أكثر من أن يشهد رئيس الولايات المتحدة بالتفوق التقنى لشركة فيات, و هو ما فعله اوباما عندما أشاد بتكنولوجيا فيات و أتاح لها امتلاك 20% من كرايزلر, لتستطيع كرايزلر الاستفادة من محركات فيات التى لا تعجب البعض هنا!!
و عن تجربة شخصية, و بعيدا عن أى أسباب تقنية, فان محركات فيات لها طابع خاص مختلف عن أى محرك أخر.

+1111111
ومين قال ان فيات مواتيرها ضعيفه ومين قال ان مش ليها السبق فى اضافات المواتير اللى اخدتها الشركات الاخرى

المشاركة الأصلية كتبت بواسطة ash_rsi

+1111111
ومين قال ان فيات مواتيرها ضعيفه ومين قال ان مش ليها السبق فى اضافات المواتير اللى اخدتها الشركات الاخرى

و قد ايه الى فاهمين ان مواتير فيات من الافضل المواتير على مستوى العالم ... و فى ناس فاكره ان فيات مانتجتش غير ال128 و ان عربيات فيات بتسخن و انها ماركه بتعمل عربيات رخيصه المفروض تكون فى تمن الصينى ؟؟؟؟

فى ناس فاهمه كده بجد مش بهظر ... !!!

ياسادة محركات الفبات منافضل المحركات في العالم وباعتراف خبراء السباقات في العالم زي جاي كروفت وده عمل كتاب لتعديل محركات الفيات 2كامةووصلة 600 حصان وطبعا ماننساش ان الانشيا الايفيليوشن بطلة العالم في الراليلت 6سنينكانت مجهزة بنفس المحرك 2000س س 2كامةوبشاحن توربيني وكانت بتجمع 100 كم في اقل من 5ثوانيوقدرتة في حدود 600 حصانوبعزم دوران خيالي48كجموالعزم دة محدش وصل قربة بمحرك من 4 اسطوانات غير كزورث في فورد