الصين خربتها ولا صلحتها(البلد طبعا).......
:11:الصين ......
انا شايف ان الصين مش فالحة قوى غير عندنا.........
احنا الشعب الوحيد اللى مظبط الاقتصاد الصينى..........
مافيش حاجة الا وصينى .........
ا-سوق الكمبيوتر,,,,,,,
الكمبيوترات بقت صينى.....الشاشات صينى.......الهاردات صينى ......المازر بورد صينى.......الرايتر... او السى دى روم صينى.....الرامات..كارت الشاشة ..كارت اللان...كارت الصوت.....البروسيسور.....المرو حة اللى على البروسيسور صينى.....الباور صبلاى.....الكيسة الخارجية ......الماوس والكى بورد والسماعات....كلة فى كلة بقى صينى .....الفلاشات .....الاسطوانات....كل مايتعلق بالكمبيوتر بقى صينى....
-سوق السيارات,,,,,,
العربيات بقت بتتقفل فى الصين.....كبرى شركات العربيات بقت بتقفل فى الصين......البى ام دبليو......بقى فى منها بيتقفل فى الصين.....الفيات بقى فى منها بيتقفل فى الصين......تويوتا فى منها بردة تقفيل صينى......وعربيات كتييير .............
الى جانب السيارات الصينى نفسها ........الى جانب 99%من الاكسسوارات اللى بتتباع للعربيات بقت صينى وحتى قطع الغيار .....كل الاكسسوارات اللى موجودة فى شارع احمد سعيد ومحلات الكماليات......فوانيس ولمبات وليدات .......استيكرات كلة صينى فى صينى.............الفواحات ......المعطرات.........كل حاجة بقت صينى......الموتوسيكلات الصينى ....التعبانة كل شاب معاه الفين جنيه يجرى يشترى موتوسيكل صينى لحد مابقو عاملين زى الصراصير فى الشارع ......ومتوسيكلات تعبانة وخسارة فيها الفلوس........
-سوق الموبايل,,,,,,
الموبايلات بقت صينى ......نوكيا بقى صينى ....سونى ايريكسون بقى صينى.....الكاتيل......الموبايل بانواعة بقى صينى .......دة غيرالموبايل الصينى اللى اتفوق على السوق وجاب سوق الموبايل الارض.......كروت الميمورى صينى....البطاريات صينى....الوشوش بتاعة الموبايل صينى .......الاكسسوارات صينى....الشواحن صينى....قطع الغيار بتاعة الصيانة الشاشات والسماعات والايسيهات صينى......الفلاتات صينى....كلة صينى فى صينى......
انا الموبايلات الصينى ......مأثرة عليا انا شخصيا.........
ودى تجربتى.........
انا شغال فى مجال الموبايل بقالى 8 سنين.......
من وانا فى اعدادى تقريبا........ الحمد لله كنت بكسب كويس وما كنتش شايل هم الشغل بعد التخرج........دلوقتى مجال الموبايل بقى خلاص فى الباى باى .....والسبب الصين ......
هى السبب......دلوقتى الموبايل الصينى بقى بينزل بحاجتة كلها ........(انا هافهمك القصة .....مثلا انت نزلت اشتريت موبايل N70 مثلاااااا......بتعمل ايه بعد ماتشترى الموبايل.....
الموبايلدة مثلا بينزل بكارت 64 كارت صغير.....بتروح على بتاع الكروت بتشترى منة كارت واحد جيجا او حسب متطلباتك.....بتشتريلة جراب علشان تحافظ عليه.......ولو انت من النوع المحافظ قوى وبتحب موضوع(الفابريكا )(زى العربيات)
هاتشترى وش جديد وتشيل الاصلى علشان لما تييجى تبيع التليفون ......يبقى جديد..... وبعدين بتروح على بتاع البرامج والنغمات تملا الكارت وبتاع.........تييجى بقى بعد كام يوم تلاقى الموبايل نزلة فيرس وابتدى يهنج وبتاع......تيجيلى انا بقى:Y_hi_3[1]:هاروح عاملك سوفت وير للموبايل او افرمتة ......
شوف انت عديت على كام واح شوف كام واحد استرزق من ورا مو بايل واحد...........شوف كام واحد هايقدر يدفع ايجارة ويكسب...
الموبايل الصينى بقى حرمنا من كل دة......
بينزل بحاجتة كلها....... بطاريتين وبقى بينزل بجراب.....
وكارت واحد جيجا.......وكل حاجة......يبقى انت هاتشتريه وتروح على البيت........وكل دول مش هاتعدى عليهم ومش هايكسبو حاجة.......
المستفيد فى الموضوع دة مين اللى بيبيع ويشترى .....
هاتقولى ازاى مكسب جهاز مثلا زى N73 مكسبة 20 جنيه فى الجهاز الواحد لما تبيعة زيروووووو
وهاتبقى مجمد فلوس فى جهاز واحد بس وهاتبقى البترينة مش مليانة وفاضية ....
لكن الجهاز الصينى الواحد مكسبة مش اقل من 50-100 جنيه
وبتمن الN73ممكن تشترى 4 اجهزة...........
فمن ساعة الموضوع دة واحنا بنخسر جاممممممممممممممد
علشان كدة انا بدور على شغل تانى.....
ومش عارف حتى اخطب ولا اعمل اى حاجة........والبنت خلاص اتخنقت وقرفت ومش عارف حتى اروح اتقدملها .........
ودة حالى وحال كل الشباب.......الا القليل اللى اشتغل بالواسطةوبتاع بابى ومامى........
فكرت والله انى ابيع العربية ال127 الغلبانة........اللى جيبتها زمان ايام ما كان فى فلوس وشغل وحركة........
بس للاسف هاخسر فيها ما لايقل عن 10000 جنيه فحرام جداااااااا
قولى بقى ليا حق اتخنق ولا ما تخنقش....................فكر قبل ماتجاوب......
واخيرا ....اتمنى ان الادارة ماتمسحش الموضوع......
لان الموضوع مهم جداااااااا........وبينبهنا لحاجة خطيرة جدا.....الصين تقريبا يا جماعة محتكرة لاقتصاد البلد.......
يارب يكون كلامى خفيف على المشرفين.........