اشترى سزوكى سوفت ولا فيات 131احسن ؟؟ ولية ؟؟

**bmw323** · 09-05-2009 09:31 PM

بص هو حضرتك هتختلف فى الاستخدام من شخص لأخر يعنى لو شخص هيستخدم العربية أستخدام عادى يبقى السويف لأنها أريح وأنعم
أنما لو عربية للبهدلة والشغل يبقى ال131 بتستحمل وقطع غيارها بـ3 تعريفة لاكن بردو تيجى أن السويفت مكيفة (مش كل السويفت) والجو بقا محتاج تكييف
وإن شاء الله ربنا يوفقك للأحسن

**HOSAMSAMSOON** · 09-05-2009 11:04 PM

المشاركة الأصلية كتبت بواسطة michohat

السوزوكى ليها برضه ميزة انك تقدر تجيب قطع غيار اصلية جديدة ودى العيب الوحيد اللى ف ال131 من وجهه نظرى

المشاركة الأصلية كتبت بواسطة محمد فريد

سوزوكى قطعا
والجديد شديد يا معلم

المشاركة الأصلية كتبت بواسطة BASKOTA

بالاضافة لانها موديلات التسعينات وده افضل

المشاركة الأصلية كتبت بواسطة Fadi Ezzat

السوزوكى سوفت احسن ياباشا لانها موفرة فى البنزين اكتر بكتير من 131
وكمان ناعمة اوى فى سحبها
وقطع غيارها موجودة بردة زى 131

شكرا لكل الى شاركم بالتعليق
بس عايز الفت نظركم ان طالب المقارنة انسة عضوة جديدة فى المنتدى و لسة بتتعلم سواقة
لو بنتكلم بموضوعية
مميزات السوفت عن 131
1- توفير فى البنزين حتى عن موتور 131واحد كامة 1300
ودة بسبب اختلاف الدفع من كبالم فى السوفت الى كارونة فى ال131 ودة طبعا بيوفر بنزين اكتر لصالح السوفت
2- قطع الغيارمتوفرة اصلية نسبيا عن 131
والكلام دة فى بعض قطع غيار 131 الغير دورية (لزوم العمرة والى فى الغالب كل الناس بدور على الاصلى علشان العمر الافتراضى للعمرة )وباقى كل القطع متوفرة و كمان فية كتير من قطع غيار الدوجان و الشاهين بتركب لل131
مميزات 131عن السوفت
1- ثبات كتر على الطريق
2- قطع غيار ارخص عامة
3- اوسع و اكبر و صالون اكبر
4- صاج محمل و اقوى
5-عالية عن الطريق اكتر
6- سهولة الصيانة وقلة الاعطال و المشاكل
7-موتور قوى و معمر
بالنسبة لموضوع ال25سنة للتاكسى
انا شايف ان اى عربية قبل انتاج سنة 2000سعرها اتاسر بالكلام دة

**kamsaf55** · 10-05-2009 02:09 AM

المشاركة الأصلية كتبت بواسطة HOSAMSAMSOON

100%:k49:

لو ممكن ننسي تاريخ الصنع لانه واقع لايمكن تغييرة ومش شرط اساسي وكمثال تشتري 128 موديل 2000 ولا اونو 90 اكيد اونو حتي لو 1000 سيسي وانا ثبت كمان المصنع والسي سي اي خدمة فده مش شرط
لكن من الاخر
لو محتاج متانة وقوة خليك في القديم ولو محتاج اكسليريشن وسحب يبأ خليك في الجديد ومش فرقه معاك البنزين
لان المفروض ان 131 يتحطلها 90 مش 80 ولو كان 80 كان هيبأ البنزين كمان في صالح 31

**HOSAMSAMSOON** · 10-05-2009 08:18 PM

المشاركة الأصلية كتبت بواسطة bmw323

طيب طالما انسة يبقى السوفت لأن شكلها احسن من ال 131 لأن ال131 شكلها رجالى شوية متنفعش مع انسة يعنى

شكرا على ردك و اهتمامك
بس اسمح لى اختلف معاك
اى حد بيتعلم جديد فرصة الاخطاء بتكون اكتر وربنا يحفظ الجميع 0000الخبطات كمان:k40:
علشان كدة انا شايف ان الانسب 131 بجانب مميزتها و الى من اهمها تكلفة قطع الغيار
على الاقل فى الفترة الاولى من تعلم السواقة

**HOSAMSAMSOON** · 10-05-2009 08:20 PM

المشاركة الأصلية كتبت بواسطة kamsaf55

لو ممكن ننسي تاريخ الصنع لانه واقع لايمكن تغييرة ومش شرط اساسي وكمثال تشتري 128 موديل 2000 ولا اونو 90 اكيد اونو حتي لو 1000 سيسي وانا ثبت كمان المصنع والسي سي اي خدمة فده مش شرط
لكن من الاخر
لو محتاج متانة وقوة خليك في القديم ولو محتاج اكسليريشن وسحب يبأ خليك في الجديد ومش فرقه معاك البنزين
لان المفروض ان 131 يتحطلها 90 مش 80 ولو كان 80 كان هيبأ البنزين كمان في صالح 31

كلام حكم وفى المفيد

**HOSAMSAMSOON** · 11-05-2009 07:57 PM

المشاركة الأصلية كتبت بواسطة MSofy

شوفو يا جماعة 131 بتستهلك بنزين شوية عن السوفت بس هى افضل للخدمة الشاقة وتتحمل اى ظروف بس لو قطع غيرها تعمر شوية

انا حقدم معدلات عمر قطع غيار 131 عن تجربتى الشخصية مع العلم انا ساكن فى مصر الجديدة خلف موبيل صلاح سالم وشغلى فى القرية الزكية قبل كارتة مصر اسكنرية الصحراوى
اسطوانة و دسك و بلية الدبرياج=خمس سنين
تيل فرامل =اكتر من سنة و نصف
طرمبة مياة =اكتر من 100الف كم
مستر عمومى =اكتر من سنتان
مستر ضفضعة =اكتر من اربع سنين
كتاوت نور دينمو=اكتر من سنتان
سير كاتينة =كل 35الف كم
سير دينامو =انا مشفاكر امتا كنت مركبة اصلا
العفشة =حسب الاستعمال و الطرق (انا شغال مهندس وجزء كبير من شغلى فى المواقع و المدقات )سنتان فى المتوسط
العجل =زى اى عربية حسب الاستهلاك و كم
الزيت والفلاتر =المواعيد الدورية
كل الكلام دة وبنشتكى من ان قطع الغيار الاصلية مشموجودة
طب والله الحمد للة على سعرها الموجودة بية و بتعمل كل الشغل دة
على فكرة
انا عامل دفتر فى العربية متابع فية حركة الصيانة و الزيت و معدل استهلاك البنزين
وكل الكلام دة مسجل عندى واى حد يحب يشوف الدفتر دة انا تحت امرة

**HOSAMSAMSOON** · 11-05-2009 08:06 PM

المشاركة الأصلية كتبت بواسطة Hallisa

انا اخترت ال 131
وبصرااحه انا متحيزه ليها
وكمان بالمقارنات اللى موجوده على ما اعتقد ال 131 تكسب
جامده وتستحمل وكبيره وعاليه عن الارض وعلى فكره ممكن تمشى بناتى يعنى لو اتدلعت شويه :)
بس مساله قطع الغيار اللى مش اصليه انا اول مره اعرفها
كماان يا جماعه موضوع تكهين العربيه ده حاجه تقلق
يعنى فعلا لو جت والتكهين حصل
يبقى ضاع العمر يا ولدى D:
يا ريت لو حد يعرف موضوع التكهين ده او حجات مؤكده منو يفيدنا
وميرسى يا باشمهندس حسام على الموضوع الجامد ده

السادة اعضاء المنتدى و كل من شارك مشكورا فى الموضوع
احب اقدم الى سيادتكم العضوة صاحبة الموضوع و المقارنة

-

-

مشاهدة نتائج الإستطلاع: اقترح من بين العربيتين اشترى اية ؟؟؟ ممكن

الموضوع: اشترى سزوكى سوفت ولا فيات 131احسن ؟؟ ولية ؟؟

LinkBack

أدوات الموضوع

عرض

-

دة سبب اختيارى لل131 -

131 بردة انسب -

ممتاز -

131بالمعدلات -

العضوة صاحبة الموضوع -

المواضيع المتشابهه

فيات 132 1600 سي سي السلام عليكم انا عايز اشترى عريبة فيات 132 1600 سي سي (علشان الض

فيات 132 1600 سي سي السلام عليكم انا عايز اشترى عريبة فيات 132 1600 سي سي (علشان الض

الصنى ولا سزوكى اس اكس فور

سزوكى سويفت سيدان

الكلمات الدلالية لهذا الموضوع

المفضلات

المفضلات

ضوابط المشاركة