باسات سي سي 2010 الجديدة كلياً - عنوان الفخامة والأبداع (صور تفصيلية)

**Islam Amer** · 13-05-2009 04:19 PM

شكراااجدااا

علي الصور الجميله والتحفه

**hogo_9i** · 13-05-2009 07:47 PM

فيه حد خد باله من الصورة رقم 5 فيه ايه الشكل الجديد فى الباسات شكلة دفع خلفى (كارونة) صح ولا انا فاهم غلط ؟؟؟؟؟؟؟

**enas75** · 13-05-2009 09:07 PM

دفع خلفي ولا امامي تفتكر تفرق
ان شاالله دفع جانبي ....انا موافقه بس احوش فلوسها كمان حلانتاشر سنه
علي فكره انا عرفت ...ان فيها باركنج سنسور ....شوفتو التقدم

**enas75** · 13-05-2009 09:09 PM

لا ولسه فيه اعضاء بيتخانقو ويقولك ياباني.....ومعرفش ايه احسن من ايه
يجيو يشوفو العربيات اللي بجد.......

**ashouhdy** · 14-05-2009 08:05 PM

المشاركة الأصلية كتبت بواسطة enas75

لا ولسه فيه اعضاء بيتخانقو ويقولك ياباني.....ومعرفش ايه احسن من ايه
يجيو يشوفو العربيات اللي بجد.......

الجيلى برقبتها !

**Bossy_Fadl** · 14-05-2009 09:26 PM

بسم الله ما شاء الله

عربيه مالهاش حل في الحياة

مش فيها غلطة

من بره وهم

و ال Interior بيعقد

ربنا يرزقنا جميعا

ميرسي لحضرتك علي الصور

**volkeswagin** · 15-05-2009 02:13 PM

المشاركة الأصلية كتبت بواسطة Anxs111

هي طبعاً عربيه حلوة . هي مش بديل ال-passat العاديه . passat cc نازلة في شريحه تنافس مع Eclass أو سيارة luxury

هى فعلا العربيه شريحه تانيه

بس مش عشان تنافس الE CLASS

لان الباسات العاديه بالمتور الجديد بتعدى المرسيدس بالمواتير الكبيره دى

عشان الحوار مش حوار اسعار اصله عشان الاسعار عندنا تقسيمتها غريبه عشان المتور

انما هى شريحه تانيه وسط

ما بين الباسات العاديه اللى هى ب 300 الف مثلا

وما بين الفيتون اللى هى بحوالى 3 مليون

**emadkamel** · 15-05-2009 09:18 PM

المشاركة الأصلية كتبت بواسطة snakeson2

\صدق اولاتصدق انا لسة شايف واحدة من اسبوع قدام السراج مول كانت نمر جمرك . انا كنت ماشي وراها ومش مصدق انها فعلا في مصر !! شكلها تحفة جدااااااااااااااااا!

اه دى بتاعتنا فى الشغل

رئيس مجلس الادارة جايب واحده جديدة من شهر..... ونمر جمرك ..... بكل بساطة .. وهم !!!

**AshTurbo** · 25-02-2010 02:15 AM

الأربعاء، 24 فبراير 2010 - 21:07

طرحت شركة "فولكس فاجن" الألمانية للسيارات سيارة "سي سي" الأكثر قوة ضمن سلسلة سيارات "فولكس فاجن" في الشرق الأوسط.

وتحمل السيارة الجديدة محرك يولد قوة مقدارها300 حصان، بسعة محرك تبلغ 3.600 سي سي، وست أسطوانات وحقن مباشر للوقود ليبث القوة في السيارة الكوبيه التي تتميز بدرجة عالية من الراحة.

ومن بين أكثر محركات البنزين اقتصادية في استهلاك الوقود ضمن فئته، يكون محرك سي سي V6 4Motion محدد إلكترونياً بسرعة 250 كيلو متر في ساعة، بمعدل استهلاك للوقود يبلغ 10.1 لتر.

وتم تزويد طراز "سي سي" الجديد بالجيل الجديد من نظام القيادة دفع رباعي بشكلٍ دائم، بالإضافة إلى نظام التعليق التلقائي وناقل الحركة الفاعل المزود بقابض مزدوج DSG.

تفتكروا سعر النسخة 3600 سي سي هيبقى في حدود كام في مصر وهل هينزلوا نسخة أقل من كدة ؟