السيارات الاوربى و الكورى فى الخليج

**akram2010** · 02-05-2009 11:43 AM

عارف الاروبى فاشل ليه يالحبيب فى الخليج لاتوكيل ولاغيرة العربيات نفسها فشلت فى العمل فى هذة الاجواء وال مصر اصبح جوها مقارب للخليج مع ارتفاع الحرارة. السيارات الاروبيه بتسخن وتكييف تعبان يسخنها اكثر ومع الزحمه والسرعات البطيئه تولعها اكثر دة ناحيه. وبعدين فى الخليج النفطى يعنى معاهم فلوس جربوا السيارات دة وسكتها توكيل فقط بصراحه محدش فاضى يروح لتوكيل وذبح التوكيل فى مصنعيات وقطع غيار اصلآ باليورو يعنى لفوق وسيب السيارة وخدها بكرة وبعد اسبوع محدش فاضى يا اخى الناس عايزة تروح لاقرب ميكانيكى يصلح العيب وياخد بعضه ويروح عمله او بيته وما يدفع مبالغ كبيرة فالسيارة وسيله للتنقل مع رفاهيه ولكن لاتكون بيت اخر يضاف لمصاريف البيت ودة الكلام العملى .

**Ahmed Selim** · 02-05-2009 02:31 PM

تكييف العربيات الأوروبى مش زى اليابانى والكورى..........أقل فى الأداء

بس العربية ككل أحسن من اليابانى والكورى.........و عن تجارب مش تجربة واحدة.......و منها تجارب فى قطر كمان يعنى مش فى مصر بس........و قريب قوى هتلاقى العربيات الكورى اللى أنت مبسوط بأنعدام التكنولوجيا فيها بقت مليانة تكنولوجيا........زى السيراتو الجديدة كده.........و ساعتها مش هيبقى فى حل قدام الميكانيكية اللى على قدهم غير أنهم يعرفو الدنيا بقت ماشية أزاى أو يروحو بلادهم........

بالمناسبة.....أغنياء الخليج معظم عربياتهم أوروبى
من الى بى أم 700 الى مرسيدس S الى رولز .......طبعاً مع بعض العريبات اليابانى العالية زى اللكزس و أنفينتى......
واللى بيركب أوروبى صعب أنه ينزل منه يركب يابانى أو كورى......و خصوصاً لو مهتم بعربية فيها كماليات كتير و عاوز ثبات عشان السرعات.
الكلام العملى بالنسبالك قد لا يكون عملى بالنسبة لغيرك.

بالمناسبة......أخويا كان معاه c180 فى قطر و بعد ما باعها جاب مرسيدس برضه.

**M.Moustafa** · 06-05-2009 11:48 AM

المشاركة الأصلية كتبت بواسطة akram2010

عارف الاروبى فاشل ليه يالحبيب فى الخليج لاتوكيل ولاغيرة العربيات نفسها فشلت فى العمل فى هذة الاجواء وال مصر اصبح جوها مقارب للخليج مع ارتفاع الحرارة. السيارات الاروبيه بتسخن وتكييف تعبان يسخنها اكثر ومع الزحمه والسرعات البطيئه تولعها اكثر دة ناحيه. وبعدين فى الخليج النفطى يعنى معاهم فلوس جربوا السيارات دة وسكتها توكيل فقط بصراحه محدش فاضى يروح لتوكيل وذبح التوكيل فى مصنعيات وقطع غيار اصلآ باليورو يعنى لفوق وسيب السيارة وخدها بكرة وبعد اسبوع محدش فاضى يا اخى الناس عايزة تروح لاقرب ميكانيكى يصلح العيب وياخد بعضه ويروح عمله او بيته وما يدفع مبالغ كبيرة فالسيارة وسيله للتنقل مع رفاهيه ولكن لاتكون بيت اخر يضاف لمصاريف البيت ودة الكلام العملى .

انا راجت تقريبا معظم مشاركات حضرتك وهتفق معاك في كل اللي انت قولته ان الهيونداي هيا احسن سيارة في العالم عشان ثابتة وعشان بتتصلح عند اي حد ومفهاش تكنولوجيا وخاربيط كتيرة.

سؤالي بقى لحضرتك انت الازيرا قولت عليها في اي مواضيعك انها عربية تحفة يا ترى معدل بيعها في السعودية نفس معدل بيع الالنترا وهل هيا بنفس التكنولوجيا بتاعت الالنترا وهل اي ميكانيكي ممكن يشتغل فيها ولا لازم تروح التوكيل؟

طيب بلاش الازيرا يا ترى ايه اخبار التوسان، السنتافي، الجينيسيس

ولا هيا ليه اساسا هيونداي بدات تتجه انها تعمل عربيات فخمة وبتكنولوجيا عالية؟ هل عشان اصحابها هيدوها لاي ميكانيكي عادي.

يا سيدي الفاضل حضرتك هنا السوناتا سعرها يعتبر ارخص من الاوكتافيا، يا ترى هيا مش منتشرة نفس انتشار الاوكتافيا ليه؟؟

هرد على حضرتك باجابة واحدة اركب السوناتا الفل كامل واركب الاوكتافيا الفل كامل وانت هتعرف السبب.

ارجوك يا اخي الفاضل تحرى الدقة قبل ما تكتب مشاركة

**akram2010** · 07-05-2009 11:58 PM

سوناتا ولا اسكودا تعالوا يا اخونا وشوفوا الخليج .... الاسكودا ماحدى ياخدها والسبب لو تقراء الوكيل كتب فى مصر فى جريدة الاهرام بتحذير ان هذة السيارة لابد ضبطها على اجهزة خاصه بالتوكيل مرتبطه بالانترنيت مع الشركه الام ؟؟؟ واى سيارة جايه من الخليج لابد من دفع 7000 ج مقابل اى كشف وللدخول فى ضمان الشركه دة غير مصنعيات . السوناتا والازيرا سعادتك سيارة تحفه بمعنى الكلمه هى المشكله فى مصر فيما يبدو يا اخى الخوف من كل ماهو غريب مع انى اقسك لك بالله العظيم ان مبيعات السوناتا والازيرا بحمد اله ممتاز ولعلمك العميل الخليجى دفيع وما يهمه يعنى الاسكودا امامه وتوكيلها سفارى بالرياض حتى اكون صادق معاك لاترها الا ضئيل جدآ واظن المشكله لافلوس ولاغيرة المشكله حتى السعوديه هذة السيارات الاروبيه من رينو او اسكودا او بيجو حتى معقدة واى عطل فيها مكلف جدآ وسيبك من الفلوس فى الخليج الاهم ان العميل يدفع غالى وما يجد سيارة تبريدها جيد وتسخن منه فتلاقى نفسك تكنولوجيا بدون اى مقابل حقيقى لرفاهيه الراكب... وعلشان كدة الهيونداى بدون تحيز بلع السوق فالموضوع سيارات وشركه ثبتت جودتها فى الطرق الشاقه كالخليج .
والله على ما اقول شهيد

العضو الفاضل
برجاء عدم التطرق لموضوعات جانبية تحيد عن هدف الموضوع الأصلى حرصاً على الأستفادة الكاملة للأعضاء المهتمين بالموضوع و أن كان لك وجهة نظر تريد توضيحها بعيداً عن هدف الموضوع يرجى التكرم بأنشاء موضوع جديد بها.
شكراً لحسن تعاونك
_______________________________________
مشرف القسم

**chato_eg** · 08-05-2009 12:29 AM

العضو " akram2010 "....
المشرفين تفضلوا بنقل مشاركات الخارجة عن سياق الموضوعات إلى موضوع جديد فى قسم المقارنات...
حضرتك ممكن تطرح وجهات نظرك و آراءك بمنتهى الحرية فى الموضوع ده
http://www.nilemotors.net/Nile/showthread.php?t=73764

و بدون إفساد لصلب الموضوع و الذى عنوانه " تفاصيل لرينو المغربية " و ليس "فلتذهب السيارات الأوروبية إلى الجحيم "...
من حقك تقول " فلتذهب السيارات الأوروبية إلى الجحيم " و لكن فى المكان المخصص لذلك حتى تعم الفائدة....و شكرا لتفهمك...

**Ahmed Selim** · 08-05-2009 01:43 AM

المشاركة الأصلية كتبت بواسطة Mohammed Moustafa

سؤالي بقى لحضرتك انت الازيرا قولت عليها في اي مواضيعك انها عربية تحفة يا ترى معدل بيعها في السعودية نفس معدل بيع الالنترا وهل هيا بنفس التكنولوجيا بتاعت الالنترا وهل اي ميكانيكي ممكن يشتغل فيها ولا لازم تروح التوكيل؟

طيب بلاش الازيرا يا ترى ايه اخبار التوسان، السنتافي، الجينيسيس

ولا هيا ليه اساسا هيونداي بدات تتجه انها تعمل عربيات فخمة وبتكنولوجيا عالية؟ هل عشان اصحابها هيدوها لاي ميكانيكي عادي.

محمد بيه مصطفى.......هى الأسئلة دى أجبار ولا أختيارى ؟؟؟

أصلى ملاحظ أن مشفتلهاش أجابة لحد دلوقتى.

ملحوظة بس للشيخ أكرم.....واحد صاحبى كان عايش فى قطر وكان معاه توسان أو سنتافيه مش فاكر بالظبط......مكملتش معاه سنة و باعها.....عارف ليه ؟؟؟؟
عشان تكييفها مش بيسقع العربية من ورا.......

**chato_eg** · 08-05-2009 06:10 PM

أنا أثق بالإدارة و أنها سوف تقوم باتخاذ اللازم ضد هذا العبث...
الأعضاء يتعبوا سنين فى تكوين قاعدة معلومات و خبرات تصلح لخدمة الناس سنين قادمة و من ثم يأتى أحدهم ليعبث بالمواضيع المفتوحة و ليس عن غير قصد ..بل التعمد واضح جدا من خلال تجاهل رسائل و تنبيهات الإدارة و رجاءات الأعضاء...

أنا شخصيا لا أرى جدوى من محاولة التحاور المنطقى و العلمى و العقلانى مع شخص تصدر منه هذه الأفعال التى أراها مسيئة لزملائى الأعضاء الأفاضل....

**nasroo** · 27-05-2009 02:03 PM

المشاركة الأصلية كتبت بواسطة chato_eg

و علشان الإدارة ناس ديموقراطيين...فتحوا موضوع مخصص لمناقشة آراء العضو...بل موضوعين...
هذا الموضوع و موضوع المقارنة بين ال I30/ Megane ...فى هذه اللينك http://www.nilemotors.net/Nile/showthread.php?t=73764

و العضو تجاهل الموضوعين و لم يشارك بهما و أصر على إفساد الموضوعات المفتوحة بقسم رينو....
و الدليل المشاركو رقم 26 فى الموضوع فى هذا اللينك
http://www.nilemotors.net/Nile/showt...?t=2757&page=3

احب اصحح معلومات حضرتك هو العضو ما أصرش على افساد موضوعات الرينو فقط لانكم لما كسفتوه انتقل الي الدايو بس برضه اتوضب
http://www.nilemotors.net/Nile/showt...t=77249&page=4

-

-

الموضوع: السيارات الاوربى و الكورى فى الخليج

LinkBack

أدوات الموضوع

عرض

-

-

-

-

-

المواضيع المتشابهه

هتشترى جديد او مستعمل .. يبقى استنى شويا - تخفيض الجمارك على السيارات الاوربى فى 2011

السيارات الكورى

دخول السيارات من الخليج الي مصر ( سؤال في الجمارك )

الكلمات الدلالية لهذا الموضوع

المفضلات

المفضلات

ضوابط المشاركة