امتى اعرف ان فلتر المكيف لازم يتغير ؟ارجو الافادة وشكرا
عرض للطباعة
امتى اعرف ان فلتر المكيف لازم يتغير ؟ارجو الافادة وشكرا
فى حدود معرفتى
اولا من عيوبه االتكييف لايعطى درجة برودة كويسة
والفنى بيعرف ده بعد الكشف على بعض الاشياء منها بيشوف كبس الكمبروسور وطبعا بيظهر امامه من خلال جهاز بيركبه بيبقى موجود فيه امبير وبيزود بنزين ويشوف بيدى كام على السرعة العاليه وعلى السلانسيه
كمان بيقيس الشحن بتاع الفريون ويشوف اذا كان مظبوط ولا غير مظبوط لان النقص مش كويس وكمان الزياده مش كويسة
فى مرة من 5 سنوات كان معى لانوس وطمعت وقلت للفنى انت مش هاين عليك تحط فريون ايه البخل ده فقال الزيادة غلط قلت زود على مسؤليتى فى الحقيقة الراجل لم يتاخر وزود فريون بعد ذلك وجدت التكييف يشتغل 3 ثوانى ويفصل ما بيلحقش يشتغل
فقال لى شفت الزيادة مش كويسة ازاى
طبعا فرغ الفريون الزيادة هذا على سبيل المثال
اذا وجد الفنى ان هذه الاشياء مظبوطة بعد التشييك على ماسورة بيقولوا عليها الراجع
بيبتدى يشك فى الفلتر وبيسال الزبون انت غيرتها قريب وبناء عليه بيفك الفلتر لو كان تالف لما تنفخ فيه تجده مسدود زى فلتر البنزين لما بيبوظ بالظبط مابيطلع هواء
وفى هذه الحالة لابد من اعادة شحن فريون كامل ودى مكلفة اذا كان من النوع الموصى به اللى بيقولو عليه مش مضر بالبيئة بيسموه134 اما النوع التانى فهو رخيص كنت باشحن بيه 132 من ييجى عشر سنين وده مابينفعش لشحن الدايوا والسيارات الحديثة
اذهب لفنى فاهم وهو يشيك ليك على التكييف والسبب هايعرفه ممكن يكون هناك شئ خلاف الفلتر زى الاكسبنشن مثلا او الكويل ودول موجودين داخل الصالون
ولمعلوميتك فيه فنيين لما يشتغلو فى الاشياء اللى داخل الصالون مابيفكوش التابلوه بس بيتعبوا شويه عشان المكان بيبقى مزنوق
وفيه فنيين بيشتروا دماغهم ويقول نفك التابلوه ودى بتبقى مكلفة اكتر
شكرا ليك ياباشا على الرد
جزاك الله خيرا
انا في حدود خبرتي .....اظن ان فلتر التكييف ليس له علاقه بالتبريد بل بكميه الهواء الخارجه وقوتها ...انا معايا عربيتين فيهم فلتر تكييف (نيو اكسنت ونوبيرا ) والاثنين لما بلاقي كميه الهواء اللي خارجه من فتحات التهويه ضعيفه يعني (المروحه على 3 توازي 1 في العادي ولكن نفس درجه التبريد ) بعرف ان الفلتر مسدود (بوديها عند اي حد عنده كمبريسور هواء وبنظفه ) او متقطع ومتبهدل وساعتها بغيره انا بنفسي ...وفي النوبيرا الفلتر موجود في اخر الكبوت تحت الزجاج الامامي للراكب الامامي ...وده بيتفك ويتركب عادي جدا ......والله اعلم
فلتر التكيف فى صدر العربية
فك العلبة الى على الشمال الى داخل فيها خرطومين هتلاقى الفلتر تحتها
شوف حلتة عاملة ازاى
ملحوظة الانوس مفهاش فلتر
فى الحقيقة انا مخى راح للفلتر اللى بيكون فى الحوض بتاع العربية بجانب الكمبروسر وده بيكون خاص بدائرة الفريون وفعلا مالوش علاقة بقوة اندفاع الهواء
اما اذا كان بيقصد فلتر تنقيه الهواء فهذا امره سهل وممكن ينظفه بنفسه لو عارف مكانه بيكون زى فلتر الهواء بتاع العربية وممكن فكه وتنظيفه حتى عند بتاع الكاوتش بكمروسور الهواء
اما الفلتر اللى افتكرت انه بيسال عليه فيحتاج فنى متخصص وفاهم لانه مكلف وسعره غالى ممكن يكون فى حدود اكتر من 100 جم + مصاريف شحن فريون برده اكتر من 100 جم + مصنعية
وهو الاخ عندما سال لم يذكر ماهو الفلتر المقصود ؟؟
شكرا ليكم جميعا ياشباب وجزاكم الله خيرا وعموما حصل خير انا كنت اقصد فلتر تنقية الهوا يا استاذ توشيبا بس تشكر على كل حال ياباشا بس هو فى حاجة فى الغطاء فى سلكين واصلين فى باب صندوق الفلتر فهل دول افكهم عادى وانا بافتح الباب عشان اطلع الفلتر ولا بيبقى فكهم رخم ؟
الانوس مفيهاش فلتر تكييف اساسا
:S_thum1[1]::S_thum1[1]:
مفيهش فلتر تكييف اصلا؟؟؟؟؟؟؟؟؟؟؟؟؟؟؟؟؟
انا بسأل عشان معنديش فكرة
وده عادى ولا يعتبر عيب فى لانوس
هوا ده عادى فى الانوس المتجمعه فى مصر وكمان فى عربيات تانيه برضه بتنزل من غير فلتر
عموما موضوع الفلتر ده مش اختراع يعنى بس اعتقد ان ليه فايده فى الحفاظ على المكيف بصفه عامه
وفيه ناس قبل كده كانت اقترحت حلول سهله و بسيطه و منها قص فلتر للتكييف العادى على مقاس فتحه الهواء اسفل الدرج وتركيبها
عموما الموضوع بالنسبه ليا انا شخصيا مش حاسه هيفرق كتير
تحياتى
المشكلة ان السربنتينة الداخلية حتتملى زبالة (ورق شجر على تراب الخ الخ) و لما التكييف يشتغل مية التكثيف مع الزبالة دى بتعمل ريحة معفنة فى العربية دا غير تقليل كفائة التبريد
تنضيف السربنتينة شغالانة مقرفة و بتاخد مجهود ووقت... و بالتالى يفضل انك تخلى زر الريسيكل على وضع تقليب الهوا جوة العربية قدر الامكان لمنع الاتربة و الاوساخ من الدخول للسربنتينة و خصوصا فى فصل الخريف
صحيح انت ممكن تجيب فلتر بتاع نوبيرا مثلا بس المشكلة ان مفيش مكان تركب فيه الفلتر
MMamdouh
حتلزقة فين؟؟
لو عرفت الاجابة تبقى حليت المشكلة :stink[1]:
MMamdouh
مساء الخيررررررر
موضوع الفلتر :
اللنوس فيها فلتر تكييف وده بيعمل على دائره الفريون وموجود امام السربنتينه وده سعره 150جم
اما فلتر هواء تكييف فده مش موجود فى اللنوس بس موجود فى النوبيرا وده لزمته منع الاتربه من الدخول الى الكابينه
ارجو انى اكون وضحت واللى مش فاهم يسأل:B4_039::k45::B4_039::k45::B4_039::k45::B4 _039::k45::B4_039::k45::36_1_37[1]:
تمام الانوس مافيهاش فلتر لما روحت اشحن التكييف الراجل قالى كدة برضة فى النوبيرا بس ؟؟