ربنا يباركلك فيها .. ومتنساش تقرا المعوذتين كل ما تبتدي سواقة الصبح .. وبالنسبة للتوكيل ما فيش حاجة اسمها ببلاش تقريبا .. تحياتي ليك ..
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
سلام عليكم ورحمه الله وبركاته
حبيت اشارك الاخوه بتفاصيل صيانه ال 40 ألف كيلو للانسر بومه موديل 2008 ( 1300 مانيوال )
العربيه كانت عامله تحديدا 40800 كيلو وكنت لسه مشتريها من واحد بقالى اسبوعين بس فكانت فرصه للصيانه الدوريه وتظبيط بعض الملاحظات
الصيانه كانت يوم الثلاثاء 5/5 فى مركز خدمه قليوب
اولا الطريق للمركز كان بالنسبه لى سهل لانى دايما بسافر على الطريق ده فعارف هو فين بالظبط
ربنا كرمنى بواحد الصبح قالى عربيتك شكلها تحفه وهى واقفه ايه ده يا اخى رهيبه
فربنا كرمنى وانا داخل مركز الصيانه فى بوابه حديد مفتوح نصها ومقفول النص التانى وانا بدخل الحمد لله الباب الشمال اللى ورا كله اتحك فى البوابه واتبهدل
دى كانت اول عين للعربيه المهم على الباب اخدو رقم العربيه وكنت ثالث واحد فى الصيانه ووصلت المركز الساعه 7 ونص صباحا
الموظفين فى المركز وصلو الساعه 8 بالظبط وخلال 10 دقايق كان الكل بدأ فى العمل وده شئ عجبنى جدا الصراحه لانى توقعت ان هناخد فتره على ما يبداو شغل
اولا بتدخل مكتب الاستقبال تسلم الرخصه للمهندس وتقوله على الصيانه يشرح لك ايه اللى هيتم ويتكلف كام ( اسعار قطع الغيار فقط )
بتخرج تستنى جنب العربيه لحد ما يجى الدور عليك من مهندسين الاستقبال يستلم منك العربيه ويكتب ورقه كدا اسمها محضر دخول فيها توضيح لحاله العربيه خارجيا ويشوف اذا كان فيها عده واستبن وخلافه ويطلب منك تشيل منها اى متعلقات
وبعد كدا يجى واحد يكيس كرسى السواق وياخد العربيه يدخلها الصيانه
بعد كدا دخلت استراحه العملاء وهى مكان مكيف بكراسى مريحه وتلفزيون يعنى كويس للانتظار
لو فى اى ملاحظات على العربيه بيتصل بيك المهندس فى الاستراحه ويقولك ايه المشكله ولو حتى كنت خرجت برا بينادى عليك فى ساحه الانتظار
معلش طولت عليكم بس حبيت اشرح كل اللى بيتم علشان الناس اللى مجربتش مركز الخدمه قبل كدا
دى تكاليف الصيانه اللى عملتها
سرفيس 40000 : 145 جنيه
بوجيهات : 90
فلتر هواء : 185
فلتر بنزين : 460
تغيير فلتر بنزين ( مصنعيه ) : 50
فلتر زيت : 50
تيل أمامى : 385
تغيير تيل أمامى : 40
زيت موبيل : 210
تنظيف رشاشات : 50
ظبط المحرك : 50
مستلزمات تشغيل : 3.5
+
181 جنيه ضريبه مبيعات
= 1900 جنيه تقريبا
طبعا تكلفه رهيبه للصيانه بس الواحد مش بيتعلم ببلاش
فى ناس هتقولى ازاى تكلفه رهيبه وانت مغير حاجات كتير
هقول ان اسعار قطع الغيار الاصليه اللى انا مقتنع لا جدال انها الافضل 1170 جنيه والباقى كله مصنعيات وضريبه مبيعات
يعنى كل الفيلم ده لو اشتريته وعملته برا مكنش عمل معاى كل التكلفه دى نهائى
يعنى مثلا التوكيل معملش اى حاجه الا واخد مصنيعات عليها بعنف ومع ذلك واخدين 145 جنيه سرفيس !!!! اللى هى ايه مش عارف
نسيت اقول كمان ان العربيه بعد ما خلصت صيانه متغسلتش وقالولى لو تحب تغسل ليها تكلفه لوحدها ملهاش علاقه بالصيانه
اثناء الصيانه المهندس قالى ان الكلاكس وفلتر التكييف محتاجين تغيير
قولتله طيب تتكلف كام قالى الفلتر ب 330 والكلاكس ب 125
طبعا قولتله شكرا وجبت من برا الكلاكس ب 40 والفلتر محترم جدا جدا جدا ميفرقش عن الاصلى حاجه ابدا ب 60
----
حركه كمان زعلنتى بس واضح انى كنت انا الغلطان فيها
طبعا الخبطه بتاعت الباب اللى برا بعد ما هديت واستعوضت ربنا فيها دخلت الورشه ابص عليها براحه اكتشفت انها تطبيقه بس على البارد وكل ده مجرد دهان بس على الباب مفيش غير بس خربوشين قد عقلتين صباع بالعدد
فسألت مهندس السمكره والدهان على الخبطه شافها وقالى دى فين قولتله من الباب بتاعكم فضحك وقالى طالما عندنا احنا ولا يهمك هنعملهالك دى بسيطه متشيلش هم هما هيمسحو الدهان وتترد على البارد
ولا اتكلم معاى هتتكلف كام ولا اى حاجه
فوجئت بعد استلام الفاتوره انهم ضافو 100 جنيه على رد الباب ومسح الدهان
طبعا دخلت له تانى اسأله قالى امال هنعملها ببلاش ؟
سكت ومكنش فى خلق انى اتكلم معاه كتير لكن لقيت الخرابيش زى ما هى رجعت له تانى وطلبت منه انه يعالجها بكمبوند والراجل مشكورا عملها
الصيانه خلصت تقريبا الساعه 1 الظهر
-----------------
اسف لو كنت طولت عليكم واتمنى ان الموضوع يكون مفيد لملاك العربيه
رقم العضوية : 30267
تاريخ التسجيل : 17Jan2009
المشاركات : 75
النوع : ذكر
الاقامة : S0hag
السيارة: Lancer
السيارة[2]: Lancer
دراجة بخارية: لا
الحالة :
ربنا يباركلك فيها .. ومتنساش تقرا المعوذتين كل ما تبتدي سواقة الصبح .. وبالنسبة للتوكيل ما فيش حاجة اسمها ببلاش تقريبا .. تحياتي ليك ..
:k38: . . CoMpLeTed Mind 4 UnLimited Mad Man
Myth سابقا
رقم العضوية : 16043
تاريخ التسجيل : 09Aug2008
المشاركات : 264
النوع : ذكر
الاقامة : Assiut-♥-Alexandria
السيارة: LANCER SPORT 1.6
السيارة[2]: PEUGEOT 505 GTI 2.0
دراجة بخارية: لايوجد
الحالة :
ألف مبروك ياأستاذ احمد على العربيه ربنا يكفيك شرها ويديك خيرها
بالنسبه للخبطه قدر الله ومشاء فعل ديه اهون واخف من اى حاجة تانيه
بالنسبة للصيانه هى فعلا صيانة الأربعين ألف مكلفه بس هتخليلك العربيه كأنها فى حالة الزيرو
وبعدين لو كنت جبت قطع غيار من بره ورخيصه كانت ممكن تبهدلك العربيه وتصرف قد الى صرفته مرتين
بالنسبة لموضوع الباب الحديد بتاع التوكيل انا مش عارف هما مش بيرضوا ليه يفتحوه على الاخر
ده فعلا اسمه استهبال فى ناس كتير مابتخدش بالها وهى بتلف او بتدخل بالعربيه بزاوية
وخصوصا الى لسه جايب العربيه جديد ولسه ماخدش على أبعادها كويس
والرجاء من الاستاذ الفاضل طارق زويل يناقشهم فى الموضوع ده
وشكرا
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
الله يبارك فيك يا Myth
ربنا يحفظنا بقا من الحسد واهو ربنا ستر والله بحاول اداوم دايما على الاذكار علشان الحكايه دى
وموضوع ابو بلاش ده طلع خودعه
الله يبارك فيك يا باشا
فعلا والله انا اول ما شوفت الخبطه قولت الحمد لله كويس انها جت على قد كدا لانى من ساعه ما خرجت وسمعت الكلمتين دول حسيت ان هيحصل حاجه
والباب فعلا موضوع مستفز ومش انا بس اللى خبط فيه علشان حد يتخيل ان الموضوع عيب سواق هو انا اه غلطان لكن فعلا انا كنت لسه مش حافظ العربيه والدخله يادوب على قد العربيه بالظبط لو دخلتها بالطول اساسا لازم تقفل المرايا او تدخل على اقل من مهلك - وانا هناك مثلا عربيه باجيرو واحد من الصيانه خبطها برده وهو خارج بيها وواحد تانى كان داخل بعربيته بعدى عربيته اتحكت برده فى الباب من قدام فمش عارف ايه الهدف من كدا ما ربنا موسعها وفى باب تانى يفتحوه
ياريت فعلا البشمهندس طارق مشكورا يكلمهم فى النقطه دى
قطع الغيار انا مقتنع تماما انها لا يعلى عليها بس انا اقصد حاجه تانيه
حضرتك لو لاحظت اسعار قطع الغيار اللى تم استبدالها عندى 1170 جنيه والباقى كله كان عباره عن ضريبه مبيعات ومصنعيات وسرفيس اللى هو مشوفتش حاجه منه ابدا
يعنى مثلا اسعار المشروبات والماكولات فى استراحه التوكيل اضرب فى 2
مع ان توكيلات كتير قوى المشروبات فيها فى الاستراحه مجانا !!!
العربيه خلصت ورموهالى برا من غير غسيل ولا اى حاجه ولما سألت قالى الغسيل حساب لوحده
طبعا حركه عيب قوى قوى يعنى امال انا دافع 140 جنيه سرفيس بتوع ايه بقى
اذا كان واخدين 3.5 جنيه مستلزمات اللى هى يعنى شريط لحام وخلافه
وواخدين مصنعيات برده غاليه قوى
فالدرس اللى بقول انى اتعلمته هو انى اشترى قطع الغيار من التوكيل اللى هى مهمه ومينفعش فيها التقليد واركبها برا عن حد نضيف وهياخد نص اللى دفعته فى التوكيل وهبقى مبسوط وكله تمام والعربيه مازالت فى حالتها الاصليه
فى حاجات هايفه مش مستاهله تكون اصليه زى الكلاكس اللى كان ب 125 وفلتر التكييف اللى لقيته ب 330 دول جبتهم من برا وزى الفل
رقم العضوية : 11105
تاريخ التسجيل : 20May2008
المشاركات : 118
النوع : ذكر
الاقامة : jnujnjun
السيارة: kkmnknk
السيارة[2]: kmnknkjn
الحالة :
اولا الف مبروك على العربيه وربنا يديك خيرها ويكفيك شرها
ثانيا انت اتفاجئت انك دفعت المبلغ ده بس لو حضرتك متابع المنتدى ودخلت على مواضيع الصيانه كنت عرفت ان صيانه 40و80 صيانه تقيله
والواحده فيهم بتتكلف حوالى 2000 جنيه
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
الله يبارك فيك يا فندم وجزاك الله خيرا على الدعوه الجميله دى
والله انا كنت فعلا متابع هنا وعرفت متوسط سعر الصيانه
وكمان اتصلت وسألت قبل ما اروح + لما روحت هناك سألت تانى
بس اللى بيقولك دايما بيكون على اسعار قطع الغيار لكن المصنعيات كانت صادمه شويه لانى دفعت تقريبا 600 جنيه بين مصنيعات وضريبه مبيعات فى شويه حاجات اسف لو قولت انها هايفه واى صنايعى يعملها
تغيير تيل وتغيير زيت وتغيير فلاتر وشكرا انا معملتش اى حاجه مهمه
للأسف المشكله اننا بنمشى ورا كلام التوكيل لما يقولو انها صيانه كبيره ومهمه مع انك لو سألت اى حد شغال فى الموضوع هتلاقيها حكايه سهله قوى
رقم العضوية : 12954
تاريخ التسجيل : 15Jun2008
المشاركات : 34
النوع : ذكر
الاقامة : cairo
السيارة: lancer
السيارة[2]: opel vectra
الحالة :
مبروك للاخ احمد على العربية و انا معاه ان مبلغ المصنعية مباغ فيه و اظن بردو قطع الغيار لو هاتجبها من بره و اصلى هاتكون ارخص من التوكيل لاكن انا راى الشخصى انك بتشترى عربيتك بالفلوس الزيادة دى على الاقل ضامن ان اللى هايشتغل فى العربية فاهم هو بيعمل ايه وبتكون ضامن بنسبة كبيره ان اللى اتعمل فى العربية هو الصح بعيدا عن فتاوى الميكانيكية و لعبهم
رقم العضوية : 1085
تاريخ التسجيل : 21Jun2007
المشاركات : 355
النوع : ذكر
الاقامة : Alex
السيارة: Lancer
السيارة[2]: 132
دراجة بخارية: no
الحالة :
إنت متردد شوية بدليل أكيد كنت عارف التفاصيل دى كلها قبل ما تروح التوكيل لكن ساعة الدفع بتراجع حساباتك تانى وممكن حاجة صغيرة جدا ممكن تخليك تحس بالمبلغ الى انت دفعتة
وده فى وجه نظرى عيب من مركز الصيانة الذاى
يعنى العميل فى الغالب بيبقى عارف تكلفة الصيانة لكن لم يجى على حاجة بسيطة التوكيل لم يفعلها وبضايق العميل زى موضوع غسيل العربية يعنى ايه عربية تدخل التوكيل وما تتغسلش بتحسس العميل انى فلوسة مدفوعة فى الهوى
وده يخلى العميل يفكر فى مستوى
سؤال ممكن اعرف سعر عربيتك كام وموديل السيارة والكماليات
المفضلات