الموضوع: كيفية ركن السيارة

قم بإيقاف السيارة بمحازاة السيارة التي ستكون أمامك تماماً عن طريق محازاة الجزء الأمامي للسيارتين(لأنه من الممكن أن تكون سيارتك غير مطابقة في الحجم للسيارة التي ستكون أمامك )

معنى كده لو عربيتى اقصر من اللى جنبى وعملت اللى انتا بتقول عليه
يبقى هخبط العربيه اللى جنبى

المشاركة الأصلية كتبت بواسطة elrasy

المحاذاة بتكون بين الجزء الخلفى للسيارتين (الشنطة يعنى)
وتكون المسافة بين العربيتن حوالى متر,,, لو المسافة بينك وبين العربية اللى محاذى عليها اقل من متر يبقى تخلى عربيتك راجعة لورا شوية,, دة هيخليك الركنة اسهل و ادق

ونشكر صاحب الموضوع على شرحة الجميل

يا زعيم المحازاة لو بالجزء الخلفي والسيارة الأمامية صغيرة ( هاتش باك ) هيبقى فيه إحتمالية للإصطدام بها في الرفرف الأمامي لسيارتك لأنك كدة دخلت لمكان الركنة بدري علشان كدة اؤكد أن المحازاة عن طريق الجزء المامي ( الكبوت ) أو العجل الأمامي

المشاركة الأصلية كتبت بواسطة elrasy

طيب لو انا اللى عربيتى هاتش باك ماروتى مثلا, وهركن خلف عربية بيجو 7 راكب هيكون اية الوضع

فكر فيها كدة هتلاقى الاسهل انى احاذى الجزء الخلفى,,

وفى الاول والاخر موضوعك جميل وانت اجمل:k49:

أحمد باشا فوزي

إنت تكسب ...

والله أفحمتني

وطبعاً إنت الأجمل

المشاركة الأصلية كتبت بواسطة agwaa

السلام عليكم

أنا حبيت أسرد لكم هذا الموضوع للإفادة لمن أراد والإستفادة أيضاً ممن عندهم معلومات أكثر وفي النهاية يتحقق الصالح العام

وعلى فكرة هذه المعلومات ليست من إجتهادي ولكنها معلومات أكاديمية بحتة أنا شخصيا تعلمتها في مدرسة المرور التابعة لمحافظة القاهرة ....

كفاية رغي وتعالوا ندخل في المفيد ....


عند ركن السيارة بين سيارتين

1. يجب التأكد من أن المسافة بين السيارتين كافية لسيارتك وتتأتى لك ذلك بالممارسة مع الوقت ولكن في البدايات يمكن معرفة ذلك بالوقوف بسيارتك بجوار المكان الذي ستركن فيه ثم النزول من السيارة للتأكد من أن المكان مناسب وكافي لسيارتك
2. قم بإيقاف السيارة بمحازاة السيارة التي ستكون أمامك تماماً عن طريق محازاة الجزء الأمامي للسيارتين(لأنه من الممكن أن تكون سيارتك غير مطابقة في الحجم للسيارة التي ستكون أمامك )
3. قم بكسر عجلة القيادة ( الدركسيون ) على آخره إلى الناحية التي ستركن فيها بمعنى لو أنك ستركن في الناحية اليمين إكسر الدركسيون على آخره إلى الناحية اليمين ( كل هذا وسيارتك متوقفة تماماٌ بجوار السيارة الأمامية )
4. إبدأ بتحريك سيارتك للخلف حتى تصبح السيارة في وضع 45 درجة بين السيارة الأمامية والسيارة الخلفية ثم توقف
5. قم بكسر الدركسيون على آخره إلى الناحية الأخرى ( إلى الناحية اليسار في مثالنا هدا )
6. أكمل تحريك السيارة للخلف ستلاحظ أن السيارة بدأت تأخذ الشكل الصحيح بين السيارتين

ملاحظات هامة

• يجب التأكد من أن وضع العجل الأمامي معتدل بعد ركن السيارة وقبل النزول من السيارة وذلك لأنك عند التحرك بالسيارة فيما بعد لا تدري وضع العجل في أي إتجاه وذلك لتلافي الإصطدام الغير متوقع بسيارة مجاورة إن وجدت أو الإصطدام بالرصيف أو بأي شىء آخر العجل كان مكسور ناحيته
• يجب التأكد من عدم وقوف العجل على حجر أو شيء بارز لأن ذلك سيؤدي إلى تلف الكاوتش وخاصة إذا كان الكاوتش من النوع التيل
• يجب للأهمية القصوى التأكد من وضع عصاية الفتيس على وضع السكون ( عدم التعشيق أو المور ) وذلك لتجنب الإصطدام بالسيارة الأمامية أو الخلفية عند إعادة تشغيل السيارة مرة أخرى

وفي إنتظار آرائكم وإستفساراتكم ومداخلاتكم

م/ أحمد يوسف

المشاركة الأصلية كتبت بواسطة elrasy

طيب لو انا اللى عربيتى هاتش باك ماروتى مثلا, وهركن خلف عربية بيجو 7 راكب هيكون اية الوضع

فكر فيها كدة هتلاقى الاسهل انى احاذى الجزء الخلفى,,

وفى الاول والاخر موضوعك جميل وانت اجمل:k49:

طب لو عكسنا الوضع يعني سيارتي بيجو 7 راكب وهركن خلف سوزوكي ماروتي وحازيت بالجزء الخلفي ولما أرد الدركسيون وأنا راجع هيحصل إيه ...
طبعاً هتتخبط سيارتي البيجو في الماروتي ..صح ولا لأ

المشاركة الأصلية كتبت بواسطة agwaa

طب لو عكسنا الوضع يعني سيارتي بيجو 7 راكب وهركن خلف سوزوكي ماروتي وحازيت بالجزء الخلفي ولما أرد الدركسيون وأنا راجع هيحصل إيه ...
طبعاً هتتخبط سيارتي البيجو في الماروتي ..صح ولا لأ

الكلام ده صح, و كمان كلام الاستاذ الراسي صح بخصوص العكس,

ازاي يبقى الكلامين صح في رأيكوا؟؟؟؟!!!!

اقولكو انا ازاي:

في الحالة الاولي كانت العربية اللي هاتركن اقصر من العربية الامامية فكان لزاما المحازاة من الخلف, اما في الحالة الثانية فالعربية اللي هاتركن هي اطول من العربية الاماميةو بالتالي ماينفعش اعمل محازاة خلفية بس مش عشان العربية اللي امامي اقصر اعتبروا انه ما فيش عربيات و انه جدار او حاجز طبيعي ليس له اول, فكيف ستركن, و كمان ان لو حازيت عربيتي البيجو ال7 راكب على اول العربية الماروتي, انا هاكون اهدرت جزء كبير من المسلحة اللي المفروض اركن فيها, ده على اعتبار انها على قدي بالظبط,


امال ايه الصح في الموضوع ده؟؟!!! انا اقولكوا

ركن اي سيارة يعتمد على طولها هي و ليس طول السيارة التي امامها, يعني لو هاركن ورا عربية نص نقل, اظبط عربيتي على اولهاطبعاً كلام مش منطقي,

الصح في الموضوع ده اني انسى خالص ايه هي العربية الللي قدامي لاني مش كل مرة اركن فيها لازم يكون قدامي عربية, المفروض اني اقف بشكل يتناسب مع طول عربيتي, يعني الطبيعي ليينا كلنا ان معظم عربياتنا بيتراوح طولها من 3.5 متر الى 4 او 4.25 متر, يعني كل ما كانت عربيتك قصيرة يبقى تظبطها على الخلف افضل ( و تكون قريب من السارة الامامية او الحاجز اللي امامك باقصى قدر - تقريبا من 30-40 سم) و كلما زاد طولها عن الطول الطبيعي اظبطها على الخلف برضو لكن زود المسافة بينها و بين السيارة الامامية او اي كان الحاجز الامامي, (بالعرض) عشان تاخد ملف مستريح) و انت بتعكس الدريكسيون

و ده خلاصة ما توصلت انا اليه, و برضو نحب نسمع آراكم و تعليقاتكم