الموضوع: آسعار اللانسر الشكل القديم 2008 .....!!!

أنا كنت ناوى أشترى لانسر بس بعد الأسعار دى تغوووووووووووور اللانسر ، دول بيستهبلوا ، العربية لما تغلى الف ولا الفين بنقول دى غليت ودول يغلوها 6000 جنيه ، ليه يعنى ، الظاهر كدة ان اللانسر بدأت فى السقوط. :x

اللى يشتريها غلطان
و غلطان فى حقنا كلنا كمان
عشان كده يبقى بيساعد الوكيلو المستوردين ينهبونا زيادة
العربية هى هى و الزيادة فى كرشهم و من دمنا
هما من كتر الفلوس اللى كسبوها السنتين اللى فاتوا زاد جشعهم
اعذرونى بس الاستغلال ينرفز

انا فعلا سألت عن ال 1300 موديل 2008 لقيتها عند الوكيل ب 93.5 الف
وعند مجدى شاهين خليجى ب 92 الف - فيه حد عنده فكرة عن اى اختلافات
فى موديل 2008 بالنسبة للخليجى او المصرى تبرر الزيادة دى خاصة انى ناوى اشترى قريب
وللا ده فعلا جشع ليس له مايبرره برغم انخفاض سعر الدولار عالميا

وللا ده فعلا جشع ليس له مايبرره برغم انخفاض سعر الدولار عالميا

بيتهيألى كده خلاص بالنسبة للانسر 2008..خرجت من المنافسة بالشكل القديم والجديد.

بس المشكلة ان فعلا اللانسر كانت بسعرها القديم منافسة جدا -لكن اظن انها مازالت منافسة لفئة ال1300 لانى بصراحة عايز اركب يابانى- واقرب المنافسين لها هى الياريس ( لكن شكلها مش قد كده وفراغها الداخلى اصغر من اللانسر) او النيسان صانى ودى فيه شكاوى كتير من تقفيلها وسعر اعادة بيعها - فكده للاسف بألاقى نفسى برضه بأفكر فى اللانسر - رغم ارتفاع سعرها الغير مبرر - واظن ان الوكيل والتجار درسوا السوق وحللوا المعروض وبكده رفعوا السعر على امل يلاقوا حد بيفكر نفس تفكيرى ده - ياترى انا صح وللا غلط؟؟؟

انصح لا
لأن سعرها مبالغ فيه جدا مقارنة بـ مثيلاتها في السعر وليس مقارنة بأمكانياتها

وان متاكد انها هتنزل نزله مش كويسه

لو عاوز ياباني انصحك شوف الأفينسيس او استنى الكورولا الجديده او السيفيك
انا من رايي انهم احسن من اللانسر خصوصا ان شكلها وحش جدا من الخلف

العربية هى هى والله أعلم
و اخوانا اللى فى الخليج ممكن يؤكدوا ان سعرها هناك زى ما هو
ده افترى صرف
أخ "أبو عبدالله"
افنسيس و كورولا و سيفيك
الراجل بيتكلم على عربية أقل من كل دول باكتر من 30000
انا شايف ان فى الفئة دى اوبترا يمكن تكون الأفضل بس الموضع ده محتاج مناقشة و تفكير