انا مقبل على شراء عربية الشهر اللي جاي ان شاء الله بس محتار بيت الانترا مانيوال وبين اللانسر مانيوال 1300 سي سي ؟؟
فيا ريت توجهوني للاختيار الانسب بحيث ان انا عايز عربية تعيش ويكون فيها امان ويكون ماتورها قوي..........
عرض للطباعة
انا مقبل على شراء عربية الشهر اللي جاي ان شاء الله بس محتار بيت الانترا مانيوال وبين اللانسر مانيوال 1300 سي سي ؟؟
فيا ريت توجهوني للاختيار الانسب بحيث ان انا عايز عربية تعيش ويكون فيها امان ويكون ماتورها قوي..........
والله أنا فى نفس حيرتك ومش عارف أختار مين بس أنا مزود عليهم الأوبترا ومش عارف أخنار اى واحدة فى التلاته
و الله يا استاذ طارق الحاجات الي حضرتك عايزها دي متوفرة في الالنترا
موتور اقوي من الالنسر ال 1300 و دة طبعا حيفرق معاك في موضوع التكييف و السحب و كدة مع العلم ان ال 1300 حيوفر بنزين اكتر و خصوصا لو جوة البلد و مفيش مشاوير سفر كتير
و الالنترا الناس بتقول عليها كويسة و بتاخد جوايز عالمية و بتعيش
عايز تجيب لا نسر هات 1600 تبقي راكب لانسر فعلا
أقرص على نفسك شويه و هات الانترا أتوماتك............أتوماتك عشان البلد بقت مقرفه فى الزحمه و النترا عشان متورها أقوى حتى من الانسر ال1600 و مش هتحس ان الأتوماتك خانقها خالص و ما تقلقش خالص من ناحيه العمر الإفتراضى لأن الانسر ليست أفضل منها زى ما إنت فاكر من الناحيه ده و كمان الإلنترا أنعم (على فكره انا معايا لانسر 1600 مانوال) عشان متفتكرش انى متحيز للإلنترا و لا حاجه بس كلامى ده عن تجارب ناس كتير جدا بس نصيحه هاتها وكيل(غبور) عشان الضمان و تضمن انها كورى عشان سمعت ان فى منها هندى دلوقتى و حاجات غريبه كده.
أه فى حاجه كمان ........... فرامل الانسر البومه كلها 1300 و 1600 فيها عيوب و فرامل الإلنترا أحسن و على ديسكات من ورا..... يعنى مبتترجلشش.
لو مصمم على الانسر يبقه تجيبها ال1600 مانوال زى بتاعتى و تكون وكيل مصريه مش خليجى عشان يبقه فيها فرامل ABS و نصيحه عشان تحس ان العربيه فيها فرامل كويسه غير فردتين الكاوتش اللى قدام ب2 بريدجستون يابانى TURANZA GR-80 195/60/R15 Super silent بس هتتعب شويه لحد ما تلاقيهم عشان ناقصين شويه و كل دفعه بيجيبها التوكيل بتتسحب علطول خصوصا المقاس ده بتاع الانسر و تانى حاجه ما تركبش أى تيل حتى لو من التوكيل غير الSUMITOMO الأخضر اللى بينزل فيها من بلدها و ده موجود فى التوكيل + نوع تانى كويس بردو و عمره أطول و لكن بيبوظ الطنبوره و يخلى العربيه تغربل معاك مع استخدام الفرامل و تحتاج تخرط الطنابير كل شويه و أوعى تركب أى تيل من السوق............ غير كده هتلاقيها عربيه كويسه جدا و هتعجبك و ما تجيبهاش اتوماتك عشان بتكنولوجيا CVT و رغم أداؤه الممتاز جدا و لكنه مش HEAVY DUTY و مش هيستحمل المرمطه كتير خصوصا لو بتحب الشد و القرص على العربيه و ما بيتصلحش و بيتغير كله و تمنه فى التوكيل 30000 جنيه و استعمال حوالى 8000 جنيه وإنت و حظك...........أعرف ناس غاوين شد و حرق كتير حرقوا الفتيس الCVT و غيروه استيراد و لكن لو سواقتك عاديه هيعيش معاك........عشان كده بقولك النترا اتوماتك......انا عربيتى مبسوط منها جدا بس عاوز أركب اتوماتك فهختار النترا اتوماتك لأنها من و جهه نظرى أفضل اختيار فى الأتوماتك تحديدا فى العربيات المتاحه فى الفقه ده دلوقتى و يخدمه الموتور القوى بتكنولوجياCVVT زى التويوتا VVT-i
مافيش مقارنة بين النترا ولانسر ..لو عاوز شكل واناقة تبقى النترا ولو عاوز سيارة اعتمادية وقوة تحمل وسرعة اعادة بيع يبقى لانسر 1600 لان ال1300 بطيئة فبيعها وسحبها ضعيف مع التكييف لكن بدون تكييف هايلة
النترا طبعا يا باشا
النترا بدون كلام ... تكنولوجيا أعلى من اللانسر بكتير
عفشة ناعمة - موتور قوى - شياكة وفخامة من الداخل والخارج
بس حاول تجيب الأتوماتيك لأن البلد معدتش مستحملة المانيوال
لانسر يبقى 1600
لو هتقارن ال 1300 بالالنترا يبقى الالنترا احسن
هات لانسر 1600 اوتوماتيك عربيه خدمه شاقه وجامده جدا