الموضوع: لاهل الخبرة .. زنة بحسها في دواسة البنزين بعد ال80

انا بردو عندى نفس المشكلة و بحسي بالزنة فى الغربية كلها

طيب ماتكشف على الشكمان ......وتطمن برضه على العليقات الكاوتش بتاعته .....يمكن يكون مع حركة العادم بيلمس العربيه من تحت ويعملك الرعشه دى فى بطن العربيه .......والرعشه بتتنقل للدواسات

المشاركة الأصلية كتبت بواسطة samirayad

طيب ماتكشف على الشكمان ......وتطمن برضه على العليقات الكاوتش بتاعته .....يمكن يكون مع حركة العادم بيلمس العربيه من تحت ويعملك الرعشه دى فى بطن العربيه .......والرعشه بتتنقل للدواسات

والله كلام منطقي بردو انا هاكشف واشوف

السلام عليكم يا جماعة
انا عربيتي تيدا 2006 و بحس فيها بنفس الزنة لما بعدي ال 80
و ما عنديش سلك واصل من دواسة الموتور لانه شغال بحساس
يا ريت حد يفيدني في الموضوع ده

المشاركة الأصلية كتبت بواسطة sab3aawy

طالما ظهور الزنة مرتبط بتعليه الكهرباء يبقى دى مشكلة فى المحرك نفسه ، ممكن يكون دليل صباب واسع، ممكن يكون جلبة كامة واسعة، ممكن تكون جلبه تاكيه واسعة، ممكن تكون احتمالات لا اول لها ولا اخر، مثل هذة الظواهر يتم التعامل معها بالتعايش والطناش، فاما انها تبقى كما هى بدون زيادة ، يبقى خلاص كأنها مش موجودة، وغالبا ده اللى هيحصل، او تستفحل وفى هذة الحاجة ندور لها على علاج ، اما بالنسبة لمسألة النعومة فى القيادة ...الخ، فانت بتتكلم على عربية عمرها 12 سنة، لازم تقبل فكرة انها لم تعد جديدة ومثل هذة القصورات مقبولة فى عمر السيارة الحالى، وهذة القصورات الغير معطلة ممكن انك تصرف عليها آلافات ولا تعثر عليها ، بل انك ممكن اثناء صرفك عليها تفسد اشياء اخرى حولها...فيه قاعدة ذهبية للتعامل مع مثل هذة الأمور، تصلح للسيارات وتصلح للبيزنس وتصلح فى الطب والاقتصاد والسياسة وكل المجالات، تقول هذة القاعدة: Never Touch A Working Machine واحيانا تقال Never Touch it until it's broken

يعنى: "طالما انها تعمل فلا تعبث بها"

والله انت معاك حق بس يمكن دا عادة فيا بحب كل حاجة تبقي مظبوطة علي الشعرة .. والمثل دا فعلا مظبوط انا حوالت اصلح حاجة قبل كدة لقيت الي كنت عاوز اصلحة متصلحش وحاجة جديدة باظت ...

المشاركة الأصلية كتبت بواسطة for_ever

السلام عليكم يا جماعة
انا عربيتي تيدا 2006 و بحس فيها بنفس الزنة لما بعدي ال 80
و ما عنديش سلك واصل من دواسة الموتور لانه شغال بحساس
يا ريت حد يفيدني في الموضوع ده

انا معنديش اعتقاد انها حاجة في الموتور لان صوته طبيعي ولو ان مرة ميكانيكي فتالي انه حاجة في الموتور بس كل الي جه علي بالي انه حاجة في العفشة بتنقل ذبذبة الموتور لجسم العربية وباذات في اسفل الكابينة فغيرت كل العافشة بالكامل وبما فيها القنطرو وقواعد الموتور بالكامل وكشفت علي ابعاد العربية بالسنتي كل دا كا سلبي بلا جدوى.. بس حكاية الشكمان دى ممكن تكون جايزة لان انا مبحسش بالذنة في جسم العربية لا في بدالات السواقة ( البنزين والدبرياج ) الفرامل لا

انا جربت موضوع اني ارخي سلك البنزين .. مفيش حاجة فرقت خالص دا كمان ياكد كلام صاحب الدواسة الي منغير سلك الالكتروني الي عنده نفس الزنة .. محدش عدي عليه العيب دا قبل كدة ؟