merci gedan lehadretak
عرض للطباعة
merci gedan lehadretak
مشكور بجد... بس ياريت لو حد يعرف أكتر عن الشركة المصرية للتأمين التكافلي لأن قلبي مش مستريح!!!
عندى سؤال لو شركة التامين قدرت العربية هلاك كلى وصرفت للمستفيد مبلغ اقل من قيمة التعويض المتفق علية فى الوثيقة فما هو الحل
هل ارفع قضية على شركة التامين ام ماذا
الاول تشوف الوثيقة فيها ايه
عادة بيكون اللى هيتصرف القيمة السوقية للعربية
يعنى العربية تمنها كام فى السوق قبل الحادثة
لان ما ينفعش عربية تشتريها ب 70000 تاخد نعويض اكتر من كدة
تانى حاجة
تشوف فيه اهلاك كام % لكل سنة
الغلطة اللى بتحصل مننا
مثلا
اول سنة امنا ب 100000
تانى سنة بنعمل التامين بنفس المبلغ
لكن الشركة تخصم نسبة
تعتبر فيها ان تمن العربية او قيمتها السوقية قلت وتعتبر ان العربية تمنها 90000 مثلا
وده اللى مالك العربية ياخدهم
ده اللى بيحصل عادة
طيب لو الكلام ده اتعمل فعلا
فيه سكتين شكوى
شكوى جوة الشركة
لادارة التفتيش عندهم او المدير العام بتاعهم
وشكوى فى هيئة الرقابة على التامين
اى استفسار انا فى الخدمة وارجو ان اكون وضحت
لو الكلام ده احنا عملناه
أنا أؤيد الشكوى في هيئة الرقابة على التأمين، وغالبا هيطلبوا منك انك لما تستلم الشيك بتاع قيمة العربية إنك تكتب على المخالصة إنك متحفظ على القيمة، وبعدين بتروح للهيئة تشتكي الشركة...بس هنا الأفضل إنك تاخد الشيك وتكتب التحفظ وبعدين تشتكي علشان فلوسك ما تقفش كلها.
وأنا بقترح على حضرتك تكلم هيئة الرقابة على التأمين حالًا وتستفسر منهم عن الخطوات بالظبط في حالتك:
جهات الاتصال:
25798315
19053
insurance@efsa.gov.eg
حد يا جماعة عنده فكرة عن شركة اسكان للتأمين (شركة تأمين تبع بنك الاسكان والتعمير)
وموجودة في المنيل
حد عنده تجارب معاها ؟؟
سواء جيدة او سيئة...بطيئة /سريعة في اصدار الشيكات...عندهم مشاكل في تقدير الحوادث لا قدر الله ؟؟
عشان فييه ناس نصحوني بيها بس التجرية خير برهان طبعا
وشاكر للاهتمام
عنوان المركز الرئيسي
76 ش الملك عبد العزيز آل سعود - المنيل - القاهرة
أرقام التليفونات
(202) 225320999
رقم الفاكس
(202) 225325123
الموقع الالكتروني
www.iskanins.com