بخصوص تغيير زيت الموتور.

**yahyaelsirafy** · 17-05-2009 04:02 PM

مستحيل تغير موبيل 1 على 3000 بس ... ده بيعيش 8000 ... و على فكرة 8000 بس مش 10 الاف زي ما الناس بتقول ...
و السفر الكثير أحسن للعربية و يطول عمر الزيت لأن المحرك بيكون مرتاح في السفر عن وسط البلد...
و حكاية ان الزيت خفيف ده امر عادي لأن الزيت ده لزوجته 5w-50 يعني لما بيكون بارد بيكون خفيف و لزوجته بتزيد مع الحرارة...
خلي عينك على مؤشر الحرارة عندك و خلي ودانك مع صوت المكنة و تأكد انها ناعمة...
و افحص حالة المحرك ممكن يكون لا قدر الله فيه مشاكل ....

**MohamedGafar** · 17-05-2009 04:26 PM

إستعمل زيوت شل! هى أفضل بمراحل من موبيل 1 حتلاقي صوت الموتور هدي جدا عن الأول.

**rabbat5** · 17-05-2009 11:35 PM

كذا مرة و انا بغير الزيت أسألهم ايه الأحسن للعربية الزيت اللى بيعمل مسافة كبيرة 10 آلاف كم و كده كلهم يقولولى لا الزيت اللى بيعمل مسافة كبيرة بتكون لزوجته قليلة و مناسب للعربيات الجديدة أما العربيات القديمة نسبيا فغير مناسب ليها و المواتير القديمة اللى بتاكل زيت بتاخد الزيت اللى بيعمل الف كم.

**yahyaelsirafy** · 29-05-2009 12:48 AM

لا علاقة للزوجة الزيت بالمسافة اللي بيعيشها ....
زيوت تخليقية و بتتحمل مسافة كبيرة و خدمة شاقة.... و زيوت معدنية و قدرتها على التحمل اقل ...
اتبع نصائح الصانع في الكتالوج و سيبك من علامة mobil 1 recommened....
دي تجارة ...
انا بحط موبيل 1 عشان هو احسن فعلا لكن لو حطيت زيت معدني من نفس الفئة اللي بيوصي بيها الصانع فمافيش اي ضرر ...
و توصيات الصنايعية في الزيوت ليها وجه اقتصادي بالدرجة الاولى... بمعنى ان المكنة اللي بتاكل زيت ليه احط فيها زيت ب 230 جنيه و هيتحرق في المكنة ... لا انا اجيب زيت ب 60 حنيه يتحرق احسن من ابو 230 ... دي الفكرة مش اكثر ....

**tananybasha** · 29-05-2009 02:49 PM

طيب سؤال هل يوجد علاقة بين سرعة سخونة الموتور و حالة الزيت - انا بحط شل اصفر و ماشى عليه 4000 كم و بقالى يومين بحس ان حرارة العربية فوق الطبيعى و دورة المايه عندى الحمد لله زى الفل و لا بتنقص غير كل شهر مقام 350 مل على أقصى تقدير