دي سماجة..ولا الناس بقت كده؟؟

**derfo** · 10-05-2009 03:55 AM

السلام على الجميع
النهاردة وانا ماشي في امان الله بعربيتي ورا عربية لا نسر ماشية ببطء شديد قوي والدنيا ليل في طريق داخل المدينة حدث موقف غريب. انا شايفه سماجة بس ممكن يكون روشنة او تصرف كول أو شطارة من صاحب العربية او هي دي بقت اخلاق معظم الناس اليومين دول. الأخ لأنه ماشي ببط اديته كلاكس مرة واحدة مش اكتر. فوجئت انه هدا جدا ووشغل البخاخات بتاعة الزجاج الأمامي ورش العربية بتاعتي ميه. البخاخات كانت جايبة ورا عربيته حوالي تلاته متر. انا صراحة اتصدمت واستغربت. قلت ياواد تشتم ..تيت تيت تيت تييييت ولا ترعشله ولا تمشي وتستغرب بعدين؟ مش فاكر غير اني رعشتله واستغربت لأني مافهمتش ايه اللي حصل ده...لو حد فاهم يفهمني ولو مكاني وحصل كده تعمل ايه؟ الخوف لا يطلع بعد كده رش بحاجات تانية ولا زيت فرامل ولا مية نار...

**Terrible_DaRsH** · 10-05-2009 04:00 AM

ادعى له هو و امثاله ان ربنا يشفيهم من مرض انفلوانزا السفالة اللى انتشرت فى البلد ..

**derfo** · 10-05-2009 04:12 AM

اه والله عندك حق؟ وانا شايف أن انفلونزا السفالة دي اخطر من انفلونزا الطيور والخنازير. موت اخلاق ...

**Ahmed Samy** · 10-05-2009 04:31 AM

هو تلاقيه بيغلس عليك علشان تكلكسله يقوم راشش عليك علشان يفرح الأمورة اللي راكبة جمبه و يوريها انه واد مش متربي

و طبعا هو مش محتاج اثبات ....

الهيافة كلت كل حاجة في عقول الشباب ده

**derfo** · 10-05-2009 04:38 AM

فعلا...تقريبا كانت الأمورة راكبة جنبه. بس قولولي ياجماعة.. مش كان واجب ازنق عليه وانزل اديله قلمين يفوقوه..ولا الواحد يعمل ايه بس في ناس مش فايقة لنفسها؟؟

**amrico** · 10-05-2009 04:55 AM

عيل هايف

وفي ناس بتغير اتجاه الرشاشات للجناب على فكرة لمزيد من الهيافة وقلة الأدب عشان يعاكس البنات اللى ماشية في الشارع

**kingtefa** · 10-05-2009 05:35 AM

ههههههههههههههههههههههههه ههههههههههههههههههههههههه ههههههههههههههههههههه
و الله فكرتونى بموقف يموت من الضحك كنت ماشى على البحر انا و ابن خالى و كان فى شاب مستظرف نفسه و فرحان بالأمورة اللى راكبة جنبه و هى حاسه ان مفيش منه اتنين فى السواقة و هو شاكله مأجر العربية
المهم الواد نفسه يشد مع اى نملة
و طبعا انا و ابن خالى لما بنبقى مع بعض بعربياتنا بتطلب تهييس بس مش شد
و المعلم ده كل ما ييجى يسحب نروح انا و ابن خالى كاسرين عليه سنة صغيرة بحيس ميلبس و فجأة راح جى جنب عربية ابن خالى راح مزنق عليه عشان يدخل فى الجزيرة
رحت انا جاى ادامه و مهدى خالص و عديت ابن خالى
يوميها الواد ده اتروق بصراحة مننا.

**aratux** · 10-05-2009 09:40 AM

كله بسبب الأمورة
إمبارح برضه فى شارع ماياخدش غير عربية واحدة, و الأفندى ماشى قدامى على الأول تقريبا و انا هاتجنن
فجأة لاحظت إن فيه واحدة جنبه مش سايباه يركز فى السواقة خالص
طبعا فضلت منور العالى لغاية ما دخل فى شارع جانبى

حاجة تقرف

**NaviGator_13** · 10-05-2009 11:22 AM

هو طبعا غلطان مفيش شك
بس حضرتك ملقتش غير انك تمشى وراه وتكلكس وتضرب نور

**SeiffoZ** · 10-05-2009 12:17 PM

المشاركة الأصلية كتبت بواسطة kingtefa

ههههههههههههههههههههههههه ههههههههههههههههههههههههه ههههههههههههههههههههه
و الله فكرتونى بموقف يموت من الضحك كنت ماشى على البحر انا و ابن خالى و كان فى شاب مستظرف نفسه و فرحان بالأمورة اللى راكبة جنبه و هى حاسه ان مفيش منه اتنين فى السواقة و هو شاكله مأجر العربية
المهم الواد نفسه يشد مع اى نملة
و طبعا انا و ابن خالى لما بنبقى مع بعض بعربياتنا بتطلب تهييس بس مش شد
و المعلم ده كل ما ييجى يسحب نروح انا و ابن خالى كاسرين عليه سنة صغيرة بحيس ميلبس و فجأة راح جى جنب عربية ابن خالى راح مزنق عليه عشان يدخل فى الجزيرة
رحت انا جاى ادامه و مهدى خالص و عديت ابن خالى
يوميها الواد ده اتروق بصراحة مننا.

شاطر فعلا

الموضوع: دي سماجة..ولا الناس بقت كده؟؟

LinkBack

أدوات الموضوع

عرض

دي سماجة..ولا الناس بقت كده؟؟ - انشر الموضوع فى :

-

-

-

-

-

-

-

-

المواضيع المتشابهه

حد جرب الناس دول ????

الناس اللى بتسال ليه الناس لسه بتنزل التحرير , هما فاضيين و لا ايه

شوفو الناس المحترمة الى بتحترم انسانية الناس عندهم سحب جيتا 977

ليه كل الناس ؟

الناس دى صيع

الكلمات الدلالية لهذا الموضوع

المفضلات

المفضلات

ضوابط المشاركة