عايد في الحرفيين !!!

**ELzanatti** · 10-05-2009 10:06 AM

السلام عليكم,
انا المفروض اعمل صيانة ال 70,000 كم و سعر التوكيل 2000 جنية وتشمل تغير الاتي:
1- سير الدينامو
2- ,, الكاتينة
3- بلي الكتينة؟؟؟؟؟ (مش فاهم)
4- زيت+فلتر

بصراحة انا مستغليها فهل ممكن اعمل الصيانة عند عايد في الحرفين؟ مع العلم ان انا معرفش تكلفة تغيير الحاجات كام عند عايد.
انا قصدي لو عايد ارخص اعملها عندة؟ ياعني حيركب نفس النوع الي في التوكيل؟
اسف للإطالة.

**khalid_adel** · 10-05-2009 03:18 PM

انت جيت عند اهم واخطر صيانه للعربيه كلها وتقول تعملها عند عايد حرام عليك طبعا الصيانه دي بالذاااااااااات لازم في التوكيل مفيهاش هزار
وانت اعتقد لسه في الضمان متضيعوش كده
وممكن تأجل الصيانه دي لحد 75 او 80 عادي مش مشكله

**khalid_adel** · 12-05-2009 02:46 PM

طب بص ياسيدي بص في الكتالوج بتاعك كده وشوف تغيير السيور دي امتي
تاني حاجه انا بقولك لااااااااااازم التوكيل عشان ظبطه الصبابات والكتينه انا اعرف لو فرقت سم زياده ولا ناقص يبقى الموتور حيجيب صبابات
عشان كده انا بقولك دي بالذات لان ليها ظبطه وقفله بجهاز (اداة شغل ) ولو حصل حاجه يبقى عليهم طبعا اما عايد انت كده بتجازف بالموتور وكمان حتخرج 100% من الضمان فحرام عليك
اعقلها وتوكل

**teto007** · 13-05-2009 09:20 PM

انا كمان لسة جايب سوبارو 1998 بس فى حاجات ممكن افيدك فيها
الصيانات المهمة زى تغير المساعدين او الكبالن او الحاجات اللى عايز شغل كتير و فك و تركيب دي يفضل انك تعملها في التوكيل لكن تغير الزيوت و سير الكاتينة و الحاجات البسيطة دية ممكن تعملها بارة علشان التوكيل بيكون مبالغ فيها و فى قطع غيار ممكن تشتريها من برة و التوكيل يركبهالك بردو حتوفر معاك (عايد فى الحرفيين و هشام فى الضاهر ) وعندهم قطع غيار استيراد كمان وكمان فى الوكالة احسن و ارخص

**ELzanatti** · 17-05-2009 02:22 PM

انا روحت يوم الجمعة لعايد وعملت الصيانة و بصراحة ممتاز سواء في التعامل او الجودة او الثمن.
عندة كل حاجة ممكن تتخيلها للسوبارو اي نوع و اي موديل.
طبعا المكان مش زي التوكيل فالنظافة بس انا مش هبات فية. انا غيرت سير الكتينة عندة اصلي و مختوم.
انا رأي ونصيحة التوكيل اي كلام فعلا و خاصا م/كريم الموجود في فرع المعادي.
الفاهم بيبان و المش .... بيبان

**mtsalheen** · 17-05-2009 06:24 PM

سلام عليكم
حد معاه نمرة تليفون عايد

**khalid_adel** · 17-05-2009 06:47 PM

0127745312
بس انا عندي الرقم ده من سنه واكتر يعني ممكن يكون غيره ؟؟
وانا كنت كلمته كذا مره اسأله اقوله عندك كذا يقولي اه اقولو بكام يقولي بس لما تيجي بس فزهقت منه يعني لو كلمته حيقولك اه موجود بس تعالى ومش حيريحك