الموضوع: شرخ في تانك البنزين الفيبر للكليو

محمد......إن شاء الله خير

أنا كلمت الميكانيكي إمبارح وقالي عمره ما فكها قبل كدة للأسف والعفشة الي ورا كلها لازم تتهد......بس هو بيؤكدلي وبيطمني إن المشكلة كلها في الكاوتش العازل (Rubber Seal ) بتاع صامولة الطلمبة وممكن يكون مش راكب كويس في مكانه.....حتى قالي إن الريحة بتطلع لما يفول بس

المهم هو عنده الـSpecial Tool بتاع صامولة الطلمبة....روحله وهو هايبصلك عليها ويعملهالك وإن شاء الله خير

السلام عليكم،،
أنا فعلاً مش عايز أفك التنك لصعوبة فكه وتركيبة والواحد مش ضامن أية ممكن يحصل في العفشة، أنا فكرت أن الميكانيكي ألي ربطها يفكهالي وأنا أشتري أي مادة للصق البلاستيك من كارفور مثل ماقال الأخecybrarian وأحاول أنا أغطي التشققات وأربطها مرة تانية وأفول بنزين وأشوف وأن شاء الله خير.
وأشكرك يا عمور علي أهتمامك بالموضوع وسؤالك (صفات وحوش الرينو) لكن لو الحكاية دة لم تنفع هروح عطول لمحمد الشرقاوي طالما أنه فاهم الموضوع وواضح أنه ميكانيكي كويس وبيفهم في زمن لا يوجد بة صنايعي بيفهم أبداً.

كيمو باشا،،،
لا للأسف أنا شوفت شروخ دقيقة جداً بجوار الصامول،و أنا سألت علي التنك وجدت واحد في بورسعيد بـــ1750جم كامل بالطلمبة لو لم تنفع حكاية اللحام لا قدر الله هشتريه.

إن شاء الله تيجي سليمة ومتحتجش تغيره،، إبئة طمنا عليك بالنتجة عشان الكل يعرف معلومة جديدة.
بالتوفيق

أن شاء الله لما أعلاج المشكلة هذه سوف أوافي الكل بما تم، للأستفادة من التجربة القاسية.
أنا منتظر لما تانك البنزين يفضي شوية علشان مليء بالبنزين وبإذن الله هروح لمحمد الشرقاوي كما وصف لي أخي عمرو عمارة جزاه الله ألف خير.

أمس أفرغت السيارة من البنزين أستعداداً للحام التنك وفتحت الطلمبة فوجدت حوالي نصف لتر مياه وشوائب في القاع فسحبتهم بسرنجة ونظفت التنك من جوه بقطعة قماش مبللة بالبنزين النظيف، لكن من الداخل لم أري الشقوق الواضحة من الأتجاه الخارجي للتانك فأنا معرفتش كدة التسريب من فين لكن قمت بسد الشقوق من الخارج والداخل أيضاً ويوم الجمعة أن شاء الله هركب الطلمبة وفول وأشوف الدنيا فيها أية خير أن شاء الله.