دا موضوع مهم جدا معظمنا بيوقع فيه
لو جاتلك مكالمة موبايل مهمة وانت سائق حتعمل ايه
- ترد و تخلى بالك من المرور و الخالفات
- ولا تكنسل
- ولا تشوف حته تركن فيها و ترد على الموبايل
عرض للطباعة
دا موضوع مهم جدا معظمنا بيوقع فيه
لو جاتلك مكالمة موبايل مهمة وانت سائق حتعمل ايه
- ترد و تخلى بالك من المرور و الخالفات
- ولا تكنسل
- ولا تشوف حته تركن فيها و ترد على الموبايل
انا بفتح السبيكر بتاع التليفون و بتكلم عادي
لما بيبقا معايا حد من أصحابى ويكون الى بيتكلم دة يعرفه بخليه يرد عليه
يأما بركن على جنب لو المكالمة هطول
ده بيتوقف على
الحالات الى مش هرد
الطريق ذاحمه جدا ولازم تركيز
الو داخل على لجنه
الحالات الى هرد
لو الطريق هادى ومفهوش حد والجو جميل وبديع
او اشغل الاسبيكر
الهاند فرى دايما بتكون فى العربية وبمجرد لما اركب اشد الحزام و اعلقها علشان كتير بتجيلى مكالمات وان سايق وفى حاجات مينفعش ماردش على الرقم اللى طلبنى خاصة فى الشغل .
لو المكالمة من حد مهم بركن على جنب و أرد
لو المكالمة من حد من حبايبي , بطنش لغاية ماوصل و أبقى أكلمه !
لو فى احتمال المكالمة تتأجل بأجلها..... لو مهمة برد بس من الاسبيكر مش بحط التليفون على ودنى.....
لازم ارد طبعا هو القانون ده معمول لينا ده هما عندهم شوية ورق فاضى مستحرمين يرموه ام كاتبوا عليه احلامهم
انا عندي كاركيت في العربية لذلك لو معايا حد من اهلي مش هارد :)
لكن لو لوحدي او معايا اصحابي عادي بقي بأرد
لو من نمرة غريبة او حد مهم بركن
لو من حد عادى بنفض لحد ما اوصل واكلمه
اولا على طول الهاند فري تكون مرميه في العربيه
و اول حاجة ادور العربيه و احط الهاند فري في الموبايل و اربط الحزام و ساعات لو المشوار طويل احطها في ودني
لو مش موجودة ساعات كتير بركن لو الموضوع محتاج تركيز او هيطول
لو على طريق صحراوي و فاضي برد عادي
بس بجد اريح حاجة موضوع الهاند فري
بتسوق بحريه و مفيش مشاكل و مش خايف من الامين و مركز في المكالمه و ايديك الاتنين ملكك
كل المميزات
مش هرد خالص
اكنسل او اطنش خالص
وبعدين ابقى اتصل انا بالمتصل
ده اامن وافضل
انا بتنرفذ لما الاقى العربيه اللى قدامى فيها شخص
بيتكلم فى الموبايل واتعرضت لمشاكل كتير بسبب كده
انا بصراحه برد عالطول وبخلى بالي من المرور و اللجان
بأستعمل سماعة بلوتوث بصفة دائمة لو سايق مسافة طويلة
جوة البلد البلوتوث فى جيبى وجاهزة للاستعمال
لو نسيتها او مش مشحونة بأركن و ارد
أنا معايا البلوتوث وبشغلها وإعلقها في وداني أول ما أدور العربية وأشد الحزام وكل ما ألاقي حد سايق وماسك الموبايل بأجري وراه وأحذره
على فكرة أنا بحب الحزام جداً وكنت بشده قبل ما المرور يخليه إجباري لدرجة إن الناس كانت بتستغرب مني هو ده خواجة ولا إيه
لو المكالمة مهمة اوى بفتح الاسبيكر واتكلم عادى لو مش مكالمة مهمة بستنى لما اوصل واتصل باللى كلمنى
هرد و اتكلم بسماعة الbluetooth...
مبردش ولما باوصل ابقي اتصل بالي كلمني او لو كانت مهمه بقف علي جنب
زمان كنت بركن وارد
انما دلوقتي من اول مبركب بحط الهاند فري فودني ومحدش بيكون واخد باله
لو الطريق كويس مش زحمة ورابكة هرد بس مش هطول هختصرلو زاحمة هاقول نتكلم بعدين عشان الطريق
هههههههههههه ده أحلى حاجة عملوها الموبيل بنزل من بيتنا المشوار اللى رايحة عادتا بكون بحكى فى الموبيل لغاية موصل عشان الزهق وطبعا اول مكون معدى على اشارة ولا لجنة ... طيب ثوانى معايا وارمى الموبيل فى مكان الجراب بتاعة اعدى اخد الموبيل واكمل كلام :) يا إيما بفتح السبيكر فى الدقيقة ديه وبس على كدة
انا حسب الطريق لو فاضى برد وامسك التليفون عادى او اشغل ال speaker اما لو فى حتة زحمة بسيبوا يرن او اقفلة وابقى اكلم بعدين
لو فى مكان فاااااااااضى زى الرحاب مثلا برد وامشى عادى
انما فى قاهرة المعز بركن وارد برحتى
ولو معرفتش اركن بكلمهم بعدين اصل الدنيا مش حتطير
مرة انا فاكر كنت ماشى على كوبرى واخويا اتصل رحت رادد عليه وعادى كله تمام بحط الموبايل مكانه ببص قدامى لقتنى نزلت من على الكوبرى ومكمل فى سكتى عااااااادى جدا ( الى غاظنى جدا انى مش فاكر انى كنت ماشى على الكوبرى ونزلت ولفيت ) يعنى من اول ما رديت لحد ما قفلت كل داااااااااااا انا والله مش فاكر ايه الى حصل زنقت حد ولا عديت حد والله مش فاكر خااااااااالص وكمان ببص لقتنى ناقل على نقلة غير الى كنت عليها اول ما رديت يعنى انا نقلت وكمان مش فاكر يا نهار ابيض
من ساعتها وانا اخدت عهد على نفسى لو اوباما كلمنى وانا سايق حقف عشان كدة مينفعش
برود لا ني حاطط السماعة البلوتوث في العربية اصلا
عمري ما هارد و انا سايقه لان الفكرة مش فكرة سماعه بلوتوث او اني افتح السبيكر.
الفكرة بالاساس انو المخ بيكون مشغول عن الطريق بالكلام.
انشغال المخ او اليد بالموبايل سيان
بل يمكن انشغال المخ اقوي بكتير
العمر مش بعزقة
و ما راح ضيع حياتي او حياة حد بريء او حتي اخد مخالفه عشان مكالمة كان ممكن ارد عليها لما اطلع من العربيه او استني اما ارن علي جنب.
منشان هيك انا اخترت الاختيار التالت
"تشوف حته تركن فيها و ترد على الموبايل "
و هاد في حالة اذا كانت المكالمة مهمة
و اذا مش مهمة ما راح رد.
هرد لأن فى كاركت
فى الاول قبل ما اجيب سماعه البلوتوث كنت برد لو المكالمه مهمه جدا، واطنش لو غير كده او اركن لو امكن ومعايا وقت
الحمد لله بعد السماعه برد عادي خالص ومش بحس باي عطله
ال DVD عندي فيه بلوتوث وسايبه مفتوح على طول واول ما بركب العربية لو المشوار هايخد اكتر من 5 دقايق بفتح البلوتوث وبيعمل ارتباط اتوماتيك
وبيذيع على سماعات العربية لو في حد معايا بحول المكالمة على الاسبيكر الداخلي لان ابسط حقوق المتكلم انك تعرفة ان في حد غيرك بيسمع المكالمة
ولو الدنيا لبش والمكالمة هاتطول بشغل السماعة اللي سايبها في العربية وبتعمل ارتباط اتوماتيك برضه على التليفون مباشرة وباكمل المكالمة عادي
اشوف حته أركن فيها و أرد على الموبايل و في الطرق السريعة باستعمال بلوتوث
الهاند فرى يا باشا,,,,,,
الحمد لله العربيه عندي متوصلة بلوتوث على موبايلي اوتوماتيك اول ما اركب
والفون بوك او نمرة المتصل بتظهر على شاشة كمبيوتر العربية
يعني اذا جتني مكالمة ارد من زرار الملتي فنكشن في الدركسيون
واسمع واتكلم من سماعة العربية من غير ما اشيل ايدي من على الدركسيون..
دلع يعني بس امان برضه..ههههه..الحمد لله
لا ..ده الاجمل كمان..
اذا عايز اعمل اتصال..
عندي طريقين..
اما عن طريق زراير الملتي فنكشن في الدركسيون
اقلب في الفون بوك الظاهر على الشاشة واتصل..
يا اما..وده الاسرع..اني اطلب الرقم اللي عاوزه او الاسم بصوتي
والكمبيوتر يطلب الرقم..
أنا كنت أستعمل سماعة بلوتوث للأذن و اضبط الموبايل على automatic answer فبمجرد أى أحد يتصل بى بعد رنة واحدة السماعة تفتح على طول و أتكلم عادى بدون الخوف من شرطى المرور أو الركن على جنب و بمجرد أنتهاء المكالمة و الطرف الأخر يقفل السماعة هى كمان تقفل. الموضوع بسيط خالص و عملى جدا.
حاليا العربية مجهزة ببلوتوث و مجرد ضغط على زرار Multifunction steering wheel المرسوم عليه السماعة البلوتوث يسمح بسماع المتكلم فى سماعات العربية و الكلام عادى
أنا الحقيقة بارد .....
مش بارد عكس سخن قصدي أرد ههههه
بس تقدر تستعمل الأولانية لأني باتكلم من التليفون
بس ناوي أتوب و أجيب كار كيت Parrot
متتاجل لحد ما اعرف اقف وارد ولا هى غرامة مش اكتر ولا يمكن مكالمة موبيل تحرق الدم
يبقى غرامة وحرق دم
لو معايا سماعة البلوتوث أرد فى أى وقت
لو مش معايا والطريق مفتوح ( طريق سفر ) أرد عادى من التليفون
لو الطريق مزدحم أطنش المكالمة ، وبعدين يحلها ربنا .
لو زحمة نص نص أركن على جنب وأرد براحتى