ريحة بنزين

**emadkamel** · 10-05-2009 12:51 PM

معايا شاهين 2004 كاربراتير، 1400 سى سى

لاحظت الفترة اللى فاتت اثناء التسخين الصبح بريحة بنزين قوية جدا ...."اعتقد" انها طالعة من الشكمان ... وكانت بتروح مع الوقت

النهاردة وانا ماشى بقيت شامم البنزين طول الوقت جوه العربية لما كرهت نفسى .... حد عنده فكرة ده يبقى ايه؟

حاجة تانية مش عارف ليها علاقة وللا لأ .. استهلاك البنزين خزعبلى ...7-8 كيلو للتر ... هل ده طبيعى؟

**sab3aawy** · 10-05-2009 01:30 PM

منظومة البنزين فيها تنك وعوامة وماسورة رايحة وماسورة راجعة وفلتر وطرمبة وخراطيم من الفلتر الى الطرمبة ومن الطربمة الى الكاربراتير ومن الكاربراتير الى ماسورة الراجع، وبالطبع الكاربراتير، انت محتج تبص على ده كله قطعة قطعة وتشوف البنزين بيخر منين، التنك والعمواة واول المواسير بيبانوا بسهولة من الشنطة لو شلت فرش جدار الشنطة، وباقى المكونات كلها بتبان من الكبوت ، والماسورتين قد يستلزما فك الكنبة وجزء من فرش الأرضية وهى مسألة ليست صعبة بس خليهم للآخر لو معثرتش على خرران من حتة تانية، اسلم طريقة للبحث هى انك تدور العربية وتاخدها لفة لحد ما الريحة تطلع وتنزل تشوف الخرران فين

وعموما تابعنا بالأخبار، بس متخليش عفركوش يلعب فى البنزين :)

**emadkamel** · 13-05-2009 09:59 AM

يا باشا منورنا "ومعقدنا" دايما

انا هاعمل اللى قولت عليه فى اقرب وقت ان شاء الله واكلمك اقوللك الاخبار

وبصراحة عفركوش برئ من القصة دى لانه مابيوصلش للدواسه ... هو تخصصه يلعب فى عداد "عمرى" انا

**ابو حسين** · 13-05-2009 08:11 PM

المشاركة الأصلية كتبت بواسطة sab3aawy

منظومة البنزين فيها تنك وعوامة وماسورة رايحة وماسورة راجعة وفلتر وطرمبة وخراطيم من الفلتر الى الطرمبة ومن الطربمة الى الكاربراتير ومن الكاربراتير الى ماسورة الراجع، وبالطبع الكاربراتير، انت محتج تبص على ده كله قطعة قطعة وتشوف البنزين بيخر منين، التنك والعمواة واول المواسير بيبانوا بسهولة من الشنطة لو شلت فرش جدار الشنطة، وباقى المكونات كلها بتبان من الكبوت ، والماسورتين قد يستلزما فك الكنبة وجزء من فرش الأرضية وهى مسألة ليست صعبة بس خليهم للآخر لو معثرتش على خرران من حتة تانية، اسلم طريقة للبحث هى انك تدور العربية وتاخدها لفة لحد ما الريحة تطلع وتنزل تشوف الخرران فين

وعموما تابعنا بالأخبار، بس متخليش عفركوش يلعب فى البنزين :)