يا جماعة انا عندى مشكلة فى الفليشيا انها بتسخن بعد ال 100 بس لكن جوة البلد عادى جدا حتى مع التكييف, افيدونى افادكم الله و شكرا.
عرض للطباعة
يا جماعة انا عندى مشكلة فى الفليشيا انها بتسخن بعد ال 100 بس لكن جوة البلد عادى جدا حتى مع التكييف, افيدونى افادكم الله و شكرا.
روح لواحد بتاع رادياتير يكشفلك على الدوره كلها
روح اكشف على دورة المياة كلها اكيد فية حاجة بايظة
وتكلفة الكشف بسيطة مش كتير
حوالى 30 جنية
هو الغلط بنسبة 65 فى المية فى الردياتير
علشان اما المحرك بتاعك سرعتة بتزيد الشغل بتاعة بيزيد معاة وبتزيد الطاقة
فالردياتير عندك علشان مش مظبوط مش بيقدر
يبردة كويس
لكن على السرعات المنخفضة
المحرك بتاعك بيبذل شغل وطاقة اقل من الردياتير مايقدرش يستحملها وهو
فى الحالة دى فبيقدر يبرد المحرك
شكرا جزيلا يا اخوانى على ردودكم
عزيزى السائل
موضوع السخونه على السرعه العاليه فقط مرتبط بثرموثتات الكوع
لان على السرعه العاليه لما تكون الثرموثتات مش شغاله مش بتسمح للمياه الساخنه اللى فى المحرك بالنزول الى الرادياتير بسرعه ليتم تبريدها و رجوعها مره اخرى للمحرك و بتزيد حرارة المرحك و تعلى زى مابيحصل معاك و ده بيحصل بس على السرعه العاليه بسبب ارتفاع جهد المحرك اما على السرعات البطيئه فدرجه مرور المياه بيكون بسيط و ثرموثتات الكوع حتى لو عطلانه مش بتأثر عليها يعنى بتسمح بمرورها لكن بكمية قليلة على قد مالموتور محتاج المشكله بس لما جهد الموتور يعلى و يحتاج لمرور المياه بسرعه اكبر وقتها مكان مرور المياه من ثرموثتات الكوع اللى غالبا لما باظت على اتساع ضيق ثبت هذا الإتساع (الثمرموثتات فى الكوع بتتسع و تنكمش على حسب درجة حرارة المياه لتسمح بمرور المياه بمقدار مناسب زى البوابة كده تسخن تتمدد تفتح مجال للمياه تبرد تنكمش تضيق مجرى المياه و هكذا)
نصيحتى لك اكشف على ثرموثتات الكوع اولا ثانيا اكشف على خراطيم المياه و الرادياتير و لاحظ اى تسرب من المياه بعد ركن العربيه فتره لما تبرد يعنى علشان لو فيه تسريب و هى سخنه هايطلع على شكل بخار و مش هاتلاقى تسريب ميه اسفل السياره لكن لما تبرد المياه تنقط مش تتبخر
اذا كانت ثرموثتات الكوع تعمل و ده مشكوك فيه يبقى ارتفاع الحراراه ده سببه عيب فى وش السلندر و لما الجهد يعلى على الموتور يبتدى وش السلندر يبخر المياه اللى بتجرى جواه بدل ماتبرده و يتبادل معاها الحراراه و يفقد المياه اللى فيه فترتفع درجه الحراره قوى زى مابيحصل عندك
اتمنى اكون افدتك
بس ثرموثتات الكوع مش موجود الميكانيكى شاله (وش السلندر لسه جديد)
نفسي الميكانيكية تبط فتاوي وااله بيدمروا العربيات --- مايسيبوا كل حاجة علي اصولهااقتباس:
بس ثرموثتات الكوع مش موجود الميكانيكى شاله
طيب هو شاله ليه .. كان مضايقه فى ايه الثرموثتات مع انه بعيد تماما عن وش السلندر ؟؟ عموما رجعه تانى و شوف العربيه هاتتظبط ازاى و غير الثرموثتات راجع على كل وصلات وخراطيم الميه و غير اللى مقطوع منها او بينفس .. لما تتظبط دورة المياه و كل اجزائها من ثرموستات و غيره مستحيل العربيه تسخن منك
انا علي فكرة كانت عربيتي بتسخن علي السرعات العالية بردو و رحت للميكانيكي ظبطلي التكيهات و مبئتش تسخن