الحمد لله و انا بشكر رواد المنتدى الكرام على مشاركاتهم المتميزه
انا رحت امبارح التوكيل قابلني و استلم مني العربيه م / احمد رجب ( شخصيه محترمه و متعاونه لابعد حدود ) و اخد مني كل الملاحظات و الشكاوي بالنسبه للعربيه ( بس الغريب انه محسش بدهشه لما قلتله ان باب العربيه فتح و انا ماشي!! )
بعد انتظار 4 ساعات داخل صاله الانتظار الخاصه بالعملاء تخللهم زيارات خاطفه لقسم الصيانه للاطمئنان على العربيه جم وقالوا العربيه خلصت وهي فعلا خلصت
اولا: بالنسبه لمقبض الباب محصلش فيه اي تغيير يذكر , نفس المشكله فيه زي "دقره" او تعليقه , وكان تعليقه ان مقبض باب السواق كده !!!!!!!!
مسكت نفسي بالعافيه و سألته طب ممكن نشوف عربيه تانيه ولو فيها نفس المشكله انا مش حتكلم ....!!!
وفعلا شفنا 3 عربيات 2 كانوا بيعملوا صيانه و واحده في صالة العرض لقينا فيهم نفس الموضوع...!!!! طبعا ما استريحتش الا لما فكوا المقبض وعملوا بعض الصيانه ( تزييت و رشوه بسبراي) لكن مفيش فايده
ثانيا: بالنسبه لموضوع الباب اللي اتفتح و انا ماشي قاللي احنا ظبطنا "ريجلاش الباب" و ان شاء الله مش حتتكرر تاني
واخيرا: العفشه
بقت انشف من الاول
بالاضافه لاصوات طقطقه في المطبات ما كانتش موجوده في الاول
يا جماعه انا عايز اوضح حاجات مهمه
- انا مش من النوع الموسوس اللي يعد يتلكك للعربيه عشان يطلع اي حاجه وخلاص بس انا شاري عربيه زيرو "و ده لأول مره في حياتي" فكنت اتمنى عربيه مفهاش الكلام ده
- انا حطيت نيترجين تاني يوم ماستلمت العربيه , هو ما فرقش في العفشه حاجه خالص
الحمد لله
المفضلات