الموضوع ده هايجنني قريته في كذا كتاب عن اصول القيادة الوقائية

يقولك لما تكون ماشي علي سرعة كبيرة ... ماتمورش و تسيب العربية تهدي ... لأن ده خطر طب خطر ليه .. مش فاهم ؟

الصح ان الواحد ينزل للغيار الأقل ...يعني من الرابع أنزل للثالث .. عمري ما بعرف أعملها دي ... العربية بتعمل ععععنننننن أو ماتاخد التالت.

و كمان يقولك لو انت سايق علي منزل .. برضك ماتمورش و تدوس فرامل لان ده هاسيبب سخونة في الفرامل ... الصح أنك تنزل للغيار الأقل

في الحقيقة انا مقتنع بالنقطة دي ... من كام يوم كنت نازل اركن في جراج كارفور ... و المنزل كان رهيب .. الفرامل مكانتش مساعدة فيه خالص .. هل ياتري لو كنت نزلت و انا ع الأول من غير فرامل كان ده هايبقي أصح .. بس برضه حاسس اني لو دخلت المنزل و انا ع الأول العربية هاتجري مني ...

صح الكلام ده ولا أيه
و ياريت لو حد بيعمل كده فعلا يقولي أزاي انقل للغيارات الأقل من غير مالعربية تنحر كده ...