بص يا باشا انا اشتريت العربيه ده من معلومات المكتوبه عنها فى النت و كان معايا الأفيو الكورى كنت افلت منها مع انها كانت عربيه كويسه بس لم ترضى طموحى علشان عفشتها الضعيفه و و حجمها الصغير و متورها الضعيف و قله الكمليات فيها.
كل ده كان فى دماغى المهم اعلنوا عن وصولها فى منتصف مارس و بعد كده اخدت القرار ببيع الأفيو و اخوض مغامره اللوجان و الحمد لله استلمت العربيه يوم 3/5/2009 و ركبتها من عند محمد زكى بالقطاميه لغايه حلميه الزيتون فقط حوالى 20 كيلو و ركنتها بس فى العشرين كيلو دى انا حسيت ان ركبت عربيه فلوسها اقل من امكانيتها يكفى ان اشتريت عربيه نيو سيراتو لواحد صحبى و اول ماسقتها لقيت عفشتها بتدب على عكس اللوجان عفشه بصراحه تنافس اليابانى فى نعومتها و بنصح اى واحد يشترى العربيه دى احسن من الأفيو و طبعا الأسبرانزا و الفيرنا ده غير الكمليات الكتير فيها كمليات فى عربيه اوروبى و ليس صينى مع كل الأحترام للصينى
بصراحه عربيه محترمه جدا جدا جد ا