الموضوع: إيه أحسن زيت هيدروليك (فتيس أوتوماتيك)

النهاردة توكلت على الله و رحت اغير زيت الفتيس و زيت الموتور و فلتر زيت الموتور
زيت الموتور موبيل اكس اتش بى و فلتر انجليزى
زيت الفتيس زى ما انا قلت قبل كدة شل بتاع الاتوماتيك سعر الكيلو 25 جنية
كنت جايب 4 لتر و حطيطهم كلهم
الاحساس بعد التغيير حسيت ان النقلات ارتاحت اكتر
و هقولكم على حاجة مش هتصدقوها : انا لما اشتريت الفتيس فى 4/2/2010 طبعا غيرت زيت الفتيس عند عبد الله اوبل و لما رحت اسيوط قعدت الف شوية يعنى بالكتير حوالى 1000 كم لقيت الزيت النازل لونة اسود محمر بس بصراحة مش عارف هو غيرلى نوع اية
المهم حطينا الاربعة لتر زيت و حتى المقاس كان كويس على 3 لتر و انا حطيت الكليو الرابع علشان نقطع الشك باليقين و الزيادة تطلع من الفايظ بتاع الفتيس لانى بصراحة معنديش استعداد اغامر و اخاطر بالفتيس الجديد اللى كلفنى 1900 جنية بشوية نقص زيت
و قريت العداد الكيلو مترى الكبير لقيتة عامل 111511 كم و ان شاء الله هغير زيت الفتيس على 10000 او 15000 كم لانى فى الشهر بعمل بالكتير 1000 كم يعنى بكدة الزيت هيقعد معايا سنة او سنة و نص
و لو جدت حاجة هبلغكم
و شكرا