:S_thum1[1]:_ عليه الصلاه وأفضل السلام.........
عرض للطباعة
عايز اشكركم جدا علي الافادة و خصوصا باشمهندس سمير
ربنا يكتر من امثالكم
ياياشا الله يخليك ......ومشكور على المرور الطيب
السلام عليكم .. ازيك يا ا سمير . هو انا يا باشا عندي حساس الشكمان ده في الفيكترا ولا لا ؟
شوف يا أخويا : فادى ......المفروض بيكون موجود فى معظم العربيات الحديثه ( أن لم يكن معظمها ) وذلك بهدف ضبط نسبة الهواء للبنزين للوصول الى الحريق المثالى 14.7 : 1 ..وعموما ممكن تبص على نهاية فرن الشكمان ( بيكون موجود فى منطقة صاجة الفرن ) لو لقيت صباع راكب وعليه سلك كهربى يبقى ده الحساس ...........................وممكن ترفع صوره للمنطقه دى عندك ونشوفها سواء لو تحب .........
مشكور يا باشا وربنا يديم الاخوه والمحبه بس انا كده معنديش حساس شكمان لان منطقه الفرن دي انا حافظها وعارف شكل الحساس بس كنت فاكر انه مستخبي في حته تانيه . منتظرك ان شاء الله في دمياط علي اتفاقنا ومعاك تليفوني .
بأذن الله ......يبقى عربيتك مفيش فيها علبة بيئه ......بتكون فى منتصف الشكمان ( أكيد معندكش .....تمام كده )اقتباس:
منتظرك ان شاء الله في دمياط علي اتفاقنا ومعاك تليفوني .
مشكوووووور والله يعطيك الف عافيه
دايما كده .....كلك زوق يا أخويا : أبو حسين ....وأدعو الله أن يباركلنا فى الناس الزوق اللى زى حضرتك .....بجد والله
موضوع فى غاية الاهمية ومجهود فى غاية الروعة الف شكررررررر
الله يخليك ......وأشكرك يا أستاذ / حسام
جزاك الله خيرا يا هندسه
مواضيعك عجبانى جدا من اكتر المواضيع اللى بحب اقراها فعلا انت والمهندس سبعاااااوى
ليا اضافه بسيطه بس على الموضوع بتاع حساس الاكسجين
الحساس ده اساسا اساس عمله يا هندسه زى ما درست انه محطوووط هنا علشان يحافظ على الكاتلايسزر( اللى بيسموها علبه البيئه) العلبه دى مسؤله عن تحويل غاز اول اكسيد الكربون السام الى ثانى اكسيد الكربون
والعلبه دى غااليه جدااااااا واقل نسبه كربون فى العادم بتخلى العلبه دى تبوظ
فعلشان كده حطينا حساس الاكسجين علشان لو حصل والحريق فى غرفه الاحتراق معدل البنزين والاكسجين فيه غير صحيحه يبعت اشاره للكنترول يصححها
ولاااااحظ كمان ان الحساس ده اصلا مش موجووود فى عربيات اللى موتروها ديزل حتى لو عربيات ركوب من بى ام دبيلو او بيجو او اى موديل تانى
والسبب انه اصلا كده كده معروف انه من نواتج محرك الديزك هوا وجوود بواقى كربون كثير فعلشان كده ملوش فايده الحساس هنا ولا كمان بيحطوا علبه بيئه يعنى
واكرر تانى جزاك الله خيرا
اخوك ميكانيكى
[quote][جزاك الله خيرا يا هندسه
مواضيعك عجبانى جدا من اكتر المواضيع اللى بحب اقراها فعلا انت والمهندس سبعاااااوى
/quote] الله يخليك يا أخى .......وشكرا لزوقك [quote]وخد المقطع ده أقراه برضه ............فيه معلومات كويسهاقتباس:
catalyst monitor oxygen
sensors
three–way catalytic converters are used to control emissions
of hydrocarbons (hc), carbon monoxide (co), and
oxides of nitrogen (nox). The catalyst within the converters
promotes a chemical reaction. This reaction oxidizes
the hc and co present in the exhaust gas and converts
them into harmless water vapor and carbon dioxide. The
catalyst also reduces nox by converting it to nitrogen. The
powertrain control module (pcm)/engine control module
(ecm) can monitor this process using the bank 1 sensor
1 and bank 1 sensor 2 sensors. These sensors produce
an output signal which indicates the amount of oxygen
present in the exhaust gas entering and leaving the three–
way converter. This indicates the catalyst’s ability to efficiently
convert exhaust gasses. If the catalyst is operating
efficiently, the bank 1 sensor 1 sensor signals will be more
active than the signals produced by the bank 1 sensor 2
sensor. The catalyst monitor sensors operate the same
way as the fuel control sensors. The sensor’s main function
is catalyst monitoring, but they also have a limited role
in fuel control. If a sensor output indicates a voltage either
above or below the 450 mv bias voltage for an extended
period of time, the pcm/ecm will make a slight adjustment
to fuel trim to ensure that fuel delivery is correct for
catalyst monitoring.
جزاك الله خيرا
الله يخليك يا أستاذ : أحمد
فى الواقع ده تعليق جديد لسه عامله عندنا فى منتدى الدايو لأحد الزملاء فحبيت أضيفه مع هذا الموضوع للأطلاع وأبداء الملاحظات من قبل الزملاء للأفاده لنا جميعا .................................اقتباس:
أنا مش عارف رقم 8 ده جاى منين يا أبوزيد باشا .....بس شوف الجزئيه دى فى التعليق على عمل حساس الأكسجين .....معروف فى دواير التحكم الألكترونى أن أشارة حساس الأكسجين هى اللى بدخل عملية التحكم فى أستهلاك البنزين الخاصه بالمحرك فى دورة تحكم مغلقه closed loop .....لما العادم بيسخن ويبدأ الحساس يشتغل بعد مرحلة السلانسيه والتسخين اللى بعد الدواره .....أشارة الحساس بتروح لوحدة التحكم فى صورة فولت كهربى .....الفولت ده بيعبر عن حالة الحريق اللى بيمر بيها المحرك .....وبكده وحدة التحكم بتبدأ تعمل تصحيح لحالة الخليط بتاع الهواء والبنزين بالتحكم فى فترة ضخ البنزين ولرفع كفاءة وعمل علبة البيئه أيضا .........وبناءا عليه لما بتكون أشارة الحساس للوحده أكبر من 450 مللى فولت ......بيتقال أو بتعرف الوحده أن نسبة الهواء للبنزين داخل غرف الحريق غنيه rich mixture ........وكده فيه حيود عن القيمه المعياريه أو المثاليه .....اللى وحدة التحكم حتظبط الخليط اليها ....اللى هى 14.7 :1 (يعنى كل 14.7 جرام من الهواء بيلزم لهم ا جرام فقط من البنزين لحرقهم حرق مثالى ).....طيب أيه اللى بيحصل بيقه من سيناريو بين الوحده والحساس علشان نغمة الحريق يبقى العزف بتاعها تمام .......لما الوحده بتوصلها الأشاره بتاعة خليط غنى اللى قولنا عليها فوق 450 مللى فولت ........بتروح متحكمه فى الآداء بتاع حقن البنزين بتقليل نبضة الحقن أو مدته pulse widith .....فبتروح مقلله عملية الحقن ....وبتستمر عملية التقليل لحد ماتوصل أشاره من الحساس للوحده .....وتروح الأشاره قايللها ....بس لحد هنا كفايه تقليل فى البنزين.....وصلنا لحالة الفقر lean mixture ....فى حالة الفقر دى بتكون أشارة الحساس أأقل من 450 مللى فولت مش أكبر ولا تساويها ......بتبدا وحدة التحكم تاخد أجراءات تانيه بتزويد فترة الحقن ........أدى السيناريو اللى بيتم .......يعنى اللعب كله حوالين ال 450 فولت ............وعاوز أأقولك أن العمليه بتاعة عملية ضبط الخليط دى بتستمر تعلى وتنزل وهكذا دواليك من خلال التحكم فى ال pulse widith ..........مع ملاحظة أن كفاءة الأنتقال من دورة حريق غنى الى فقير والعكس بتعتمد فى الأول والآخر على كفاءة ومدى أستجابة الحساس فى توليد أشاره صحيحه .........وكل مازادت كفاءة الحساس فى توليد الأشاره .....والتفاعل مع المتغيرات الحادثه فى دورة الحريق ......كل ماكان الوصول لنسبة الحريق المثالى (14.7 الى 1 ) أسرع وأفضل وأوفر فى البنزين )..................وعلشان كده فى وقت السلانسيه فأن سريان العادم خلال فرن الشكمان بتكون قليله وبالتالى بيكون فيه شوية كسل فى أشارة الحساس ........طيب لما الحرق بيزداد والعادم الخارج من الغرف ورايح لمشترك الشسكمان (الفرن ) بيزيد بتزيد كفاءة الحساس لما بيكون سليم طبعا ......وعملية شغل الحساس نفسها بتسمى فى عملية التحكم switching frequancy ....يعنى مفتاح وعملية تردد شغله بين الغنى والفقر بتعرفه على حالة الحريق ..........أما الشغل اللى بتعمله وحدة التحكم لتهذيب عملية الحريق بالتحكم فى نبضة الحقن أى فترة ضخ البنزين بتسمى fuel trim ( يعنى تسوية دورات الحريق نحو الأتجاه المثالى ) على فكره حتة trim دى جايه من الحلاقه للشعر بتاع الرأس ......يعنى تسوية الشعر .......فى النهايه عاوز أأقولك أن الحساس بيبعث من عدد 8 فيما فوق من الأشارات فى خلال 10 ثوانى لوحدة التحكم لما تكون المكنه شغاله على عدد لفات 2500 لفه /ق ...........عزرا على الأطاله ..........ومتروك هذا التعليق للأضافه من قبل الزملاء .....وفى الحقيقه ده اللى عرفته لحد دلوقتى من معلومات جديده عن كيفية عمل هذا الحساس ....
قريت الموضوع بتركيز
طبعا صعب عليا شوية :shyy:
بس هو بلا شك مفيد
بس الحساس ده شبه ( البوجيه ) . فهمت من الصورة كدة ؟؟؟؟
واعرف ان ( تنظيف التكيهات ) يفضل لتقليل استهلاك البنزين ...
موضوع العربيات ده عاوز مذاكرة كتيير :majd(4):
الموضوع نور بأطلاعك عليه .............وكله بيجىء بالتعود .......وكما يقولون ( بداية الغيث قطره )......يعنى الواحد بيتعلم واحده واحده ......مثل الطفل يتعلم الى أن يصير كبيرا وفاهم اللى حواليه ..............
مساء الخير
حقيقى جهد يستحق الأحترام
انا كنت محتاج نصيحة .. انا عندى عربية اوكتافيا a4 والماتور لاحظت انة بيعمل حاجات غريبة جدااا ... يعنى وهية دايرة وواقفة الاقى ال rpm
يعلى ويوطى لوحدة والماكنة تتهز جامد ... وساعات لما انقل على ال d وأضغط بنزين العربية لا تستجيب لمدة ثوانى و احس ان مافيش بنزين واصل اصلا... المهم فى التوكيل قالولى السبب اما حساس اكسجين او تنك البنزين محتاج يتنضف و فى واحد قالى حاجة تانية خالص ان السبب هو بلية التكيف لأن البكرة تقيلة فى اللف فاتحمل على الماتور
ارجو يا جماعة المساعدة وشكرا
مساء الفل عليك يا أخى............وشكرا لزوقكاقتباس:
مساء الخير
حقيقى جهد يستحق الأحترام
أنصحك طبعا فى البدايه بالأطمئنان على البوجيهات ....وتكون الشراره اللى واصلالها متساويه فى القوه والأربعه زى بعض...............وفى نفس الوقت نظافة بلف الأيدل كنترولر (المسئول عن ضبط هواء السلانسيه)..........وفى الحقيقه أنا غير مقتنع بالرأيين اللى حضرتك نوهت اليهم ..........أولا لأن الكمبروسور صعب أوى يخللى المكنه ترعش أو تترج كده ......دا غير أن كلاتش الكمبروسور بيكون مفصول قبل طلب التكييف وأكيد أنت جربت الدواره بدون طلب التكييف بعدها بشويه (يعنى جربت السلانسيه بدون تكييف )...........أما موضوع حساس الأكسجين فملوش دخل بالحاله دى...........وياريت برضه تطمن على نظافة فلتر البنزين علشان جزئية التنك والبنزين ....وبرضه أكشف على فلتر الهواء أو غيرهاقتباس:
انا عندى عربية اوكتافيا a4 والماتور لاحظت انة بيعمل حاجات غريبة جدااا ... يعنى وهية دايرة وواقفة الاقى ال rpm
يعلى ويوطى لوحدة والماكنة تتهز جامد .
جزاك الله خيراً
جهد عظيم..مشكور ومأجور بإذن الله تعالى
وبارك الله أوقاتك
الف شكر يا هندسه عالموضوع الكبير ده
الف مليون شكرا على المجهود والوقت الكبير
سؤال سريع
انا غيرت حساس الشكمان لانه بدون سبب واضح باظ المهم لمبة الشيك معديتش بتنور بعد التغيير بس اعرف منين ان الحساس اللى انا جبته اصلى وظابط العربيه مش مضروب ملحوظه ( العربيه ماشيه ذى الفل لانوس 2008 استهلاك البنزين 190 كيلو الصفيحه جوه البلد وانا سواقتى اكترها جرى
شوف ياعصام باشااقتباس:
بس اعرف منين ان الحساس اللى انا جبته اصلى وظابط العربيه مش مضروب ملحوظه ( العربيه ماشيه ذى الفل لانوس 2008 استهلاك البنزين 190 كيلو الصفيحه جوه البلد وانا سواقتى اكترها جرى
طالما الأستهلاك معقول بالشكل ده ( جوه البلد )
وآداء السياره تمام من ناحية السحب وخلافه
يبقى الحساس الجديد يعمل بكفاءه ( أصلى يعنى )
موضوع جميل بجد يا باشمهندس سمير و لك الشكر
الله يخليك
باشمهندس / هشام
موضوع فيه كلام جيد حول حساس الأكسجين
حبيت أضيفه هنا علشان أما أحتاج أليه
http://www.nilemotors.net/Nile/144405-check.html
الله ينور يا هندسه
مقال اكثر من رائع
سبب ان لمبة التشك دايما بتنور عندي على السرعات العالية هو الحساس ده.. ده معناه ايه ؟ انه لازم يتغير ؟؟؟
ياريت بس لو سمحت تقول وطيفة الحساسين اللى بيكونو فى الأنترا الـ 2000Cc فوق على امتداد هوز عمة الهوا وبعد بوابة الأنجكشن.
طيب أنت عامة بتتكلم
1- حساس البوابه تقريبا tps sensor
2- التانى مش واضح معى مقصودك منه (لأن أنا معايا نوبيرا )
فهل تقصد بلف الأيدل كنترولر مثلا
ولا تقصد حساس الماب ولا أيه تحديدا
فلو قدرت ترفع صوره وتبين الحساسات أو القطع اللى أنت عاوز تعرف وظيفتها
إن شاء الله
حرد عليك وأوافيك بمطلوبك
بعد اذنك يا قائد
انا هاحط عنوان موضوع تغيير حساس الاكسجين علشان اللى يلاقى الحساس عنده بايظ يعرف يغيره بنفسه
http://www.nilemotors.net/Nile/109552-a-4.html
أمضى قيس
وزودنا كده بالحاجات الحلوه دى
وياريت الكل يعمل كده مثلما فعلت أنت
يضيف كل مايراه فى أى موضوع بيحمل نفس المعنى والمفهوم
ومناسبا لخدمة أخواننا الزملاء
وبارك الله فيك
أخى الفاضل / عصام