الموضوع: حساس الشكمان المشكله ؟ والحل الامثل

هعيد الموضوع تانى علشان الصور اللى راحت ومش عارف ايه ده اللى اتحط مكانها
نعيد من تانى

العربيه لانوس 2008 بنزين 92 ودايما فلتر بنزين جديد طيب اي اللى بوظ الحساس ؟
طبعا غش البنزين
المهم
ايه الاعراض ؟
1 لمبة الشيك او الموتور بتنور على سرعة من 100 الى 120 كيلو
2 استهلاك بنزين غبى ( الصفيحه بتعمل 170 كيلو )
3 البوجيهات بتطلع سوداء مهببه

العلاج
1 بنحط العربيه على الاسكانر علشان نتأكد (ب 30 جنيه )
2 هتغير الحساس فى التوكيل ( 350 حساس + 50 مصنعيه + طقم بوجيهات ب70 جنيه )
ده طبعا غير انهم هيفكو الفرن يطلعوه بره يعنى اكيد هيقولك جوانات فرن
يعنى عوار جامد طيب ايه الحل ؟
يبدأ موضوعنا من هنا

طبعا والعربيه بارده تلاجه

اول حاجه هنفك القطاش السالب من البطاريه

و ( بسم الله )
نبدأ الشغل

جبت حساس شكمان اصلى من بره التوكيل ب ( 250 جنيه )


[IMG]..[/IMG]

وجبت مفتاح 22 مم مشنشر ب ( 12 جنيه )
[IMG]..[/IMG]

وروحت اقصه نصين ومرفع وشه شويه على الجلخ علشان يبات مكانه لان المكان ضيق حبتين
وبعدين هنفك مروحه التكييف بمفتاح 12مم مسمارين من فوق وبعدين نسحبها لفوق هتطلع معاك وبعدين نفك فيشة الكهرباء بتعتها ونطلع المروحه بره خالص
[IMG]..[/IMG]
بعد كده هنفك غطاء الفرن 3 مسامير 12 مم ونطلعه بره وهو الصاجه اللى بتلمع تحت البوجيهات

هيبقى ده المنظر قدامنا

[IMG]..[/IMG]

نيجى بقه للجد

هنفك فيشة حساس الشكمان اللى هيا من السلك البنفسجى اللى طالع من تحت الفرن
وبعدين ندخل السلك جوه المفتاح وبعدين نبيت المفتاح على الحساس ونبداء نشد المفتاح لفوق عشان نحل و ميمنعش لو حطينا شوية WD-40 او زيت باكم علشان نعرف نحل
[IMG]..[/IMG]

[IMG]..[/IMG]

مبروك احنا كده حلينا الحساس وده كان الجزء الصعب

صوره بقى للحساس القديم والجديد علشان نشوف الفرق

[IMG]..[/IMG]

هنضف بقه مكانه و نبدأ نعيد الخطوات عكس ما بدأنا
بس استنى
مش هنركب غطأء الفرن دلوقتى
هنفك سلوك البوجيهات بالعقل واحده واحده
وبعدين هنفك البوجيهات و نضف مكانها

[IMG]..[/IMG]

صوره للبوجيه القديم والجديد عشان نشوف الحساس البايظ كان عامل ايه

[IMG]..[/IMG]

نركب البوجيهات الجديده ونقفل غطاء الفرن ونلم كل عدتنا كويس ومننساش حاجه
وبعدين نوصل القطاش السالب للبطاريه اللى كنا فكينو فى الاول خالص فكرينه ؟

كده كله تمام

نيجى بقه للايدل ليرن

1 هنفتح الكونتاكت 5 ثوانى بدون دواره ونقفله 5 ثوانى
2 هنفتح الكونتاكت 5 ثوانى بدون دواره ونقفله 5 ثوانى
3 هنفتح الكونتاكت 5 ثوانى بدون دواره ونقفله 5 ثوانى
4 هندور العربيه على السلانسيه بدون تشغيل اى احمال ( نور , تكييف , كاسيت ) لمدة 3 دقايق
5 هنشغل التكييف على درجة 4 فريون + النور العالى + الشبوره ( يعنى كل الاحمال ) لمدة 2 دقيقه
6 هنطفى كل الاحمال الاول وبعدين نطفى العربيه

وكده يبقى كله تمام والف هنا وشفا

ومستنى اسألتكم وردودكم
ودعائكم

ابو فارس 0106898520

اللهم ارحم موتانا وموتي المسلمين

آمين