تـأكــيد حـضـور مـقـابلة اســـــــكندريـة 22مايو+ الـخـطة الـنــهائـيـة لـلمــقـابلـة

**Mohamed_Ibiza** · 11-05-2009 03:21 AM

بــســم الـلــــه الـرحـمـن الرحــيـم

اولا : انا سعيد جدا بالمقابلة وبكل الاعضاء اللي هتشرفنا وتنورنا في اليوم ده
وان شاء الله يكون يوم جميل ونحقق منه هدفنا في التعرف على احلى ناس في الدنيا وهم اعضاء نايل موتورز

وفي بداية الكلام بحب اشكر اخونا أ - محمد بيك الطويل على كرم اخلاقه واستضافته للمقابلة في فيلته بالكنج مريوط :k32:

- ودلوقتي بنطلب من الاعضاء اللي هيشرفونا في المقابلة انهم يأكدو حضورهم للمقابلة والتاكيد هيكون مرتين وده لحسابات تنظيمية .. المرة الاولى هتكون هنا في الموضوع والمرة التانية هتكون قبل المقابلة بيوم وهو هيكون يوم الخميس الموافق 21 مايو والتأكيد هيكون عن طريق الموبايل سواء على موبايلي او على موبايل محمد بيك الشنوري , وسيتم وضع ارقام الموبايلات اخر الموضوع

- اما دلوقتي بقى هنتكلم عن تفاصيل المقابلة النهائية اللي اتكلمنا عنها في الموضوع الاول بشكل مبدئي :

مكان المقابلة : فيلا محمد بيك الطويل بالكنج مريوط , الاسكندرية
وطبعا سيتم شرح وتوضيح مكان المقابلة تفصيليا بواسطة محمد بيك الشنوري وسيتم تدعيم الشرح بالصور التقريبية من برنامج جوجل ايرث , ونحن في انتظار التوضيح

زمان المقابلة : الجمعة الموافق 22 مايو , 2009 . الساعة 10 صباحا بالمكان المعلن عنه
- اتفقنا ان المقابلة تكون بمثابة اختبار بسيط كده لاعضاء نايل موتورز الحلوين في مجال الطبخ
ومعنى كده اننا اللي هنطبخ بايدينا وكل واحد فينا هيعمل حاجة لحد منوصل الي اننا نكمل بعض ونجهز غدانا بنفسنا .. وطبعا ماشاء الله المنتدى مليء بالمواهب , بس يارب المواهب دي متكونش في الاكل بس .... وعموما في اي حال من الاحوال الاكل هيتاكل هيتاكل

وجبة الغداء ستتكون من الاتي :

- فــراخ , لـــــحــمة : وكله هيكون مشوي طبعا لان طبعا ربنا يخلي لنا محمد بيك الطويل استاذ في الشوي ومن اول تنظيم المقابلة وهو كان نفسه ان الغدا يكون مشويات .. وطبعا المشويات انا مش قلقان منها
- مــكــرونـة : ودي انا قلقان منها لانها الصراحة لما بتبقى معجنة مبتتاكلش .. بس ربنا يستر

- بــطــاطـس : ودي برضه انا مش قلقان منها لانها هتكون جاهزة وكل اللي علينا اننا نقليها وميتهياليش هيكون فيه مشكلة فكده
- طبعا الاكل الحلو ميخلاش من السلطات والمخللات بكل انواعها
- واكيد بعض الاكل محتاجين نهضم يبقى لازم يكون فيه حاجة ساقعة .. وعشان نحلي يبقى لازم يكون فيه فاكهة وحلويات ..
- وطبعا بالنسبة للشيش فدي شي اساسي من محتويات فيلا محمد بيك الطويل
- وبفكر اننا نعمل بطولة طاوله صغننه كده وصاحب المركز الاول نرميه كلنا في حمام السباحة

متهيالي بقى اننا بعد كل ده محتاجين نريح شوية وننام , بس ساعتها بقى كل واحد يروح ينام في بيتهم احنا مش جايين لوكندة ....[/

COLOR]

[color="Blue"]هههههههههههههههههههه

- وبعد حسبة بسيطة كده لتكاليف المقابلة : هتكون تكلفة كل عضو ان شاء الله 30 جنيه مصري .. ومش هنقبل دولارات .. ومفيش مكنة فيزا .. ومحدش يقول احولكم بيهم رصيد .. الدفع نقدي

واخيرا اتمنى انها تكون مقابلة موفقة واننا نحقق منها هدفنا في خلق روح الحب والتعاون بين اعضاء نايل موتورز ونتشرف بمعرفتكم وصحبتكم ..

ويارب يقدرني انا وشنوري اننا ننظم مقابلة تليق بيكم وتسعدكم

وياريت كل اعضاء نايل موتورز يشرفونا ويتواجدو ويأكدو حضورهم معانا ودي ارقام الموبايلات :

محمد بيك الشنوري

0123145607

محمد عبد الرحمن

0102982067

مش حارمينكم من حاجة اهو .. واحد موبينيل وواحد فوادافون عشان محدش يبقى عنده حجة

بالتوفيق للجميع

تم تثبيت الموضوع لحين الانتهاء من المقابله
مشرف القسم 3

**Islam Amer** · 11-05-2009 01:39 PM

بالتوفيق ان شاء الله

اه لو كان تعرفوا تاخروا المقابله شهر كمان

كنت أكيد هاكون معاكم بس مافيش مشكله

نعوضها قريبا جدااا

**SHNORY** · 11-05-2009 02:19 PM

طبعا محمد بيك عبد الرحمن مسابليش حاجه اقولها
غير الله ينور يا عمده التنظيم
بس برضه انا مصر علي فكرتي المجنونه وهي ان اللي يحب يكمل معانا لتاني يوم مفيش مشاكل
حنأجر مكان في شاطئ النخيل نكمل فيه سهرتنا ونريح ونروح البحر ونقعد مع بعض والناس تنام وتريح علشان اللي مسافر يسافر براحته
اتمني من حضراتكم التاكيد وسرعه التجاوب علشان مش فاضل غير 10 ايام علي المقابله
واتمني اشوفكم كلكم علي خير

وححط الصور التوضيحيه تاني علشان الناس تشوفها

الوصفه دي من الطريق الصحراوي يا جماعه علشان لو فيه حد مش مركز

**Mohamed_Ibiza** · 11-05-2009 02:52 PM

يا شنوري باشا والله انت اللي عمدة وده بشهادة الكل ... ونا ونت واحد يا حبيبي والله انت اكتر من اخ واللي شافونا يعرفو الكلام ده

وبجد الله ينور ع الصور والشرح الوافي