رجاء المساعدة لمعرفة العطل (بيتل)

**Ahmed Mubarak** · 11-05-2009 02:01 PM

اخوانى
السلام عليكم
من يومين وبالتحد يد يوم الخميس اللى فات كنت راجع من الشغل عادى ومفيش مشاكل من مدينة نصر - الحى السادس الى عين شمس وانا عند الف مسكن لقيت العربية بطلت فجاة لما كنت بهدى علشان المطب وحاولت انى ادورها مادرتش المهم 3 او 4 مرات دارت والحمد لله ووصلت بالسلامه .
امبارح وان مروح بردو عملت نفس الحكاية بس بعد ما كنت ماشى 90- 100 كم/س ولما جيت اهدى لقيتها بطلت وبعد كام محاوله دارت ورحت مشوار وركنت وبعدها ب 1/4 ساعه دورت ومشيت ومفيش 200 م وبطلت تانى وبردو بعد كام محاوله دارت والحمد لله ووصلت البيت.
النهار دا الصبح عملتها بردوا معايا وبطلت مرة واحده وفى كل مرة بتبطل لما اجى اهدى وادوس فرامل
مش عارف العطل فين ولا كدة الموتور بيسخن بسرعة ولا بنزين 80 هو المشكله ولا الزيت
برجاء المساعدة واسف للاطالة

**ihab** · 11-05-2009 03:18 PM

ممكن يكون بيك السلانسيه عايز يتنظف

**amo400** · 11-05-2009 06:22 PM

اولا ممكن بيك السلانسية او الكاربيراتير عايز يتنظف الو الفلتر بتاع البنزين وسخ و استنى هاتلاقى ردود جامجمة من ناس خبرة هايردوا عليك

**ahit** · 11-05-2009 07:25 PM

بيك السلانسية و مسامير الهوا و البنزين فى الكربراتير تتظبط صح

**Ahmed Mubarak** · 12-05-2009 12:57 PM

جزاكم الله كل خير

**ابوهاشم** · 12-05-2009 03:15 PM

استاذ احمد مبارك
اولا الف سلامه للبطه بتاعتك
طبعا كلام اصدقائنا كله سليم
بس انا عاوز اعرف منك حاجتين مهمين
اخر مره عملت سرفيس للعربيه امتى
وايه نوع الزيت اللى بتستعمله وغيرته امتى
ونوع البنزين

**drjadoire** · 13-05-2009 03:15 AM

هاي يا جماعه والله واحشني
اعذروني اني بختفي بس ده عشان الامتحانات واخيرا خلصت والنباطشيات اللي باخدها بره البيت كتير
المهم انا مش عارف مش يمكن يكون السبراتير ليه دخل في الموضوع
اصل كانت ال128 بتاعتي القديمه بتعمل كده لان الاسبراتير مكانش متثبت كويس او عاوز يتغير الغطا بتاعه
ولا ايه رايكم او احتمال يكون الموتور واطي وعاوز يعلي واول مبتشيل رجليك من السلانسيه بيبطل حتي لو بتجري ودي كانت عندي في البيتلز وعليت الموتور

**Ahmed Mubarak** · 13-05-2009 03:49 PM

اخى العزيز استاذ هاشم شكرا على اهتمامك
اخر مرة عملت فيها سيرفيس كان بالظبط يوم 16 / 4 /2009 يوم الجمعة عند الحاج / محمد على ونوع الزيت شل X100 والزيت انا مغيرة قبليها ب يومين وزودته بعديها ب حوالى اسبوعين بباقى جركن الشل وبعد كدة ب1/2 ك زيت عادى التعاون انا كنت خايف لتكون بتاكل زيت والموتور خفيف بس طبعا اللخبطة اللى فى الزيت كانت من عامل التغيير فى البنزينه لانه غير الزيت و بعد ما خلص مقاس الزيت كان فى المنتصف بين الحد الادنى والحد الاعلى وعشان كدة انا زودته اكتر من مرة
وهى دلوقتى ماشيه حوالى 1200 كم نوع البنزين 80
وشكرا مرة تانية يا استاذ هاشم على مساعدتك

**ابوهاشم** · 14-05-2009 01:27 AM

هو كده الاحتمال الارجح ان الزيت حل والموتور بيسخن بسرعه
الافضل انك تغير زيت
وبعدين وانت بتغير زيت
تقف بنفسك وتتأكد ان العامل حط 2.5 ك زيت بالظبط
وفى حاجه مهمه جدا احب اوضحهالك
يستحسن بلاش تزود زيت نهائى بعد كده
الا اذا كان الموتور لاقدر الله خفيف وبياكل زيت
اما اذا كان الموتور طبيعى
المفروض انك لو عملت مثلا 800ك وبعد كده تلاقى الزيت نقص
تعرف انه خلاص حل لانه لما بيحل بيكون سهل البخر مع السخونه
ويبتدى ينقص
وفى الحاله دى ماينفعش التذويد لانك بتذود على زيت اساسا فاسد
ومافيش فايده هينقص تانى ده طبعا غير انه ضرر على حالة الموتور

**Ahmed Mubarak** · 14-05-2009 11:15 AM

جزاك الله كل خير على المعلومات المهمه دى

الموضوع: رجاء المساعدة لمعرفة العطل (بيتل)

LinkBack

أدوات الموضوع

عرض

رجاء المساعدة لمعرفة العطل (بيتل) - انشر الموضوع فى :

-

-

-

-

-

-

-

المواضيع المتشابهه

رجاء المساعدة

رجاء المساعدة

رجاء المساعدة

رجاء المساعدة

برجاء المساعدة لمعرفة سعر أوبترا 2008

الكلمات الدلالية لهذا الموضوع

المفضلات

المفضلات

ضوابط المشاركة