الموضوع: سؤال مهم ياجماعة ومحتاج الرد بسرعه

المشاركة الأصلية كتبت بواسطة muhamado_sede_beah

السلام عليكم
ازيكم يا أجمل اعضاء
معلش العربيه هتدخل فرن بكره او بعده
ومحتاج المشوره

بفكر جديا اغير لون العربيه بس مش دي المشكلة بالنسبه ليا
المشكلة ان الرخصه فيها سنه ونص لسه يعني هتخلص اخر 2010

ومش عارف لو غيرت اللون لازم اروح اغيره في الرخصه
ولا ممكن امشي كده عادي ولما ارخص وافحص اغير اللون
لو هغيره في الرخصه لازم هعمل فحص وكده والرخصه الي فاضل هتروح عليا ولا ايه

طيب لو مش محتاج اغير في الرخصه
لو دخلت لجنه وانا مغير اللون ممكن يحولني لفحص فني وكده
لان مش هيبقي في تطابق بين الرخصه ولن العربيه

مش عارف الموقف القانوني ايه
وياريت تردوا عليا
لان بناءا علي كده هحدد اغير اللون ولا افضل علي لونها الاصلي

وشكرا مقدما

الموقف القانونى
لو هتغير اللون لازم تروح تفحص تانى
لو مشيت برخصه وفى لجنه وقفتك هتتسحب منك ومش هترجعلك غير بعد الفحص
وفى الفحص مش هيلاقوها مطابقه هيقولك قدم طلب تغير اللون

ومش هتدفع الضريبه تانى
هتدفع رسوم اعاده الفحص وتغير لون وكلام كده
حاجات بسيطه يعنى