السلام عليكم ورحمه الله .ححكيلكو الحكايه بسرعه وياريت تصبروا عليا
بدايتا عربيتى حبيبتى فليشيا 95 وارد المانيا مببخلش عليها خالص فى اخر ويك ايند اخدت العيال وطلعت الساحل وكنت ماشى على 130 وضربت فرامل مفاجاه وفوجئت بصوت خشونه جامده فى الفردتين الى قدام كملت مشوارى وجربت الفرامل على السرعات المنخفضه مفيش صوت والموضوع طبيعى جدا خلصت اجازتى ورحت للميكانيكى وحكيتله الى حصل فكشف على التيل وقالى ده ناشف ولازم يتغير قلتله اعمل الصح يا اسطى فغير التيل فعلا وقلت بالمره اغير البوجيهات ونضفت التيل الى ورا وغيرت فلتر البنزين وعلى فكره الفلتر عندى مكانه غلس شويه فوق التنك والفلتر حديد وكبير المهم الميكانيكى قالى العربيه انجكشن وعلى وحده كمبيوتر ولازم تتحط على الجهاز عشان نعمل فحص شامل ونظبط الكلام قلتله مفيش مشكله اعمل الصح المهم خلصت وخدت العربيه وروحت وانا ماشى حسيت العربيه تقيله شويه نزلت عند البيت لقيت الفرده اليمين قدام سخنه جدا روحت تانى يوم الشغل ورجعت على الميكانيكى وقالى الكلمه الشهيره الى كلنا عارفنها (متقلقش اصل التيل لسه مطبعش) طبعا اخدت الكلمه واخدت برده قرار انى مرحلوش تانى ابدا ومشيت بالعربيه يومين والمشكله لازالت قائمه المهم رحت لميكانيكى تانى وحكيتله الحكايه فقالى حنفك الاجهزه وننضفها بينى وبينكو قلت ده كلام معقول وفعلا فك الاجهزه وكانت محتاجه نضافه المهم روحت بحط ايدى على الفرده لقيتها برده سخنه.:Copy of majd(4):
فبصراحه مش عارف اعمل ايه بعد كده فيا ريت يا جماعه الى عنده خبره فى الموضوع ينصحنى ويدلنى ومتبخلوش عليا بالرد جزاكم الله خيرا ،