-
اخ ادهم... الفيات انواع... الاونو مثلاً زي ما انت قولت...الحكاية بسيطة...لاكن الـ128...الفتيس بيتحل.
بالنسبة للزيت يا اخ بركات... المفروض انة يجيب طبق وينز الزيت فية...دة لو فك الفتيس لو كانت محتاجة...ولو الزيت كويس..يغطية بفوطة مبلولة وبعدين يحقنهولك تاني... ولو مش كويس...يبقى غيرة.
في في قسم الورشة موضوع بتاع بيانات العربيات... هتلاقس هناك الاكسل بالفئتين الـ1300 والـ1500 شوف انت موتورك كام وهتلاقي هناك معلومات عن زيت الفتيس وكام لتر وكدة.
-
طيب يا اخ نادر ....دلوقتى فى ميكانيكى قالى مش حيحل الفتيس وواحد تانى قال حيحل الفتيس اروح لمين وهل فى واحد منهم مش فاهم حاجة....انا عربيتى هيونداى اكسيل 1500 ....ارجو من الجميع المساعدة علشان انا رايح بكرة اصلح السيارة؟؟؟؟؟
-
في قسم هيونداى موضوع بتاع اخ عارض المساعدة فى اى هيونداى اكسيل ممكن تسالة
-
طيب يا اخ نادر ....دلوقتى فى ميكانيكى قالى مش حيحل الفتيس وواحد تانى قال حيحل الفتيس اروح لمين وهل فى واحد منهم مش فاهم حاجة....انا عربيتى هيونداى اكسيل 1500 ....ارجو من الجميع المساعدة علشان انا رايح بكرة اصلح السيارة؟؟؟؟؟
-
روح عند اللي بيقول لك انة مش هيحل الفتيس... كدة مفيهاش لعب... هيشيل الطبة القديمة ويخرط واحدة زيها ويلزقها مكان القديمة... مش هتاخد وقت كتير ان شاء الله.
-
مش شايف اي علاقة بين طبةالمياة و انة يحل الفتيس و الردياتير
الطبة دي في جسم الموتور (البلوك) و مش محتاج يحل حاجة خالص
الميكانيكي دة بيشتغلك, شوف غيرة
-
انا خايف يكون اللى بيقول مفيش حل فتيس يكون مش فاهم حاجة؟؟؟؟؟؟اعمل اية؟؟؟؟انا محتار؟؟؟؟؟واللى قالى حيحل الفتيس حياخد 130 جنية """" اية الحل؟؟؟؟
-
انت ساكن فين ياباشا حاشوف لو اقدر ابعتك لميكانيكي مضمون معرفة
لو في مدينة نصر او مصر الجديدة ممكن ادبرلك حل للموضوع دة بدل مانت قلقان كدة
-
انا كان لية بس ملاحظة واحدة بعد التصليح ......هو المفروض عداد لفات المتور كان بيكون على صفر والعربية دايرة وواقفة بس بعد ماروحت لقيت العداد على واحد مش صفر وهى دايرة وواقفة......انا بقول يمكن هو زود السحب ولا اية اصل انا لما كنت عندة قالى دوس على البنزين وهو بيحط المياة الجديدة فى الريداتير وبعد كدة شد حاجة عند المتور وقالى خلاص مدوسش بنزين وفعلا نزلت بس كان صوت العربية كان حد دايس على البنزين؟؟؟؟؟؟؟؟؟انا بقول يمكن نسى يرجع الحاجة اللى شدها ولا اية؟؟؟ رايك اية ؟؟؟؟انا عارف انى صدعتك بس دة من عشمى
-
استحالة عداد لفات الموتور يكون على صفر و العربية دايرة الا لو كان العداد بايظ
العداد بيبقى على 700 او 800 لفة و العربية واقفة
لاحظ ان الواحد معناة الف لفة في الدقيقة, يبقى العداد و العربية واقفة يبقى تحت الواحد بشوية,
و دة كالوش دعوة بسحب العربية و لا بقوة الموتور و لا اي شيء
دة مجرد ضبط لموتور العربية عالسيلانسية
Content Relevant URLs by
vBSEO 3.6.0 PL2