بردو نؤول العيوب
تأثرها على العفشه بشكل سلبي غير معروف، قد تؤدي إلى إستهلاك العفشة بشكل أسرع
مقاس مش منتشر، فلو باظت منك فردة جايز متلئيش زيها تاني
التوب سبيد نزلت ل-١٨٠
عرض للطباعة
بردو نؤول العيوب
تأثرها على العفشه بشكل سلبي غير معروف، قد تؤدي إلى إستهلاك العفشة بشكل أسرع
مقاس مش منتشر، فلو باظت منك فردة جايز متلئيش زيها تاني
التوب سبيد نزلت ل-١٨٠
انا أسف كنت مسافر اليومين اللي فاتو و ما شفتش الردود العظيمة دي
أولا و زي ماقلت 215 مش عريض أبدا علي العربية .. الكارتيرة تشيل عرض 245 بس الشركة بتقول لغاية 225 O.K
ثانيا طبعا زيادة الهوا ادا stability زياده و نعومة اكتر
اقصي سرعة علي العداد كا زالت زي ما هي 200 علي rpm قبل ال 6 بسنه بعد 5-6 دقايق سحب علي الأقل ( ده عندي انا)
الفرده سعرها 450 في الكوري ( كومهو و هانكوك و كده ) و 550 للأصناف الأعلي شوية ( يعني مش فرق كارثة يعني)
مقاس مش موجود عند أي حد بس ممكن يجيبهولك .. أو سيادتك تركب الاستبن حتي لو مقاسه مختلف شوية عادي جدا و تروح للتجار الكبار و تركبه زي الباشا
و عموما أنا حبيت أفيد حبايبي .. و لكن الاختلاف في وجهة النظر إيــه؟
نسيت أضيف ان السرعة علي العداد بقت مظبوطة علي أي GPS و المسافة برضة ( يعني قبل كده كانت علي العداد 200 بس فعليا هي 198)
بالتأكيد افضل واظبط مقاس للكاوتش هو المقاس الأصلى اللى العربيه نازله بيه ... وحسب المكتوب فى الكتالوج عندى هو لازم يكون واحد من الأربعة دول (بالنسبة للميجان 2- 1.6 16v):
195/65 R15 H
205/55 R16 H
205/55 R16 V
205/50 R17 V
طب ليه بالتأكيد يا جميل؟
و علي فكرة أنا أكتر حاجة بتنرفزني في موضوع التعديلات ده جملتين
1 - هي اللي العربية خرجت بيه من المصنع أحسن حاجة ليها
2 - لو كان حيبقي أحسن كانو ركبوه
هو احنا يعني شاريين فيراري و لا اس كلاس و اكتملت المعاني؟
و حتي المرسيدس و فيراري .. ماحدش شاف في توب جير الشركة جايبه أخرها في العربية و تيجي شركات التعديل تضيف و تغير و تعدل؟
الخلاصة .. الشركة بتديك حاجة كويسة بسعر معقول و ليس افضل حاجة دائما .. بل انها دائما ليست افضل حاجة و ليست اسوا حاجة و لذلك فالنوع الحريص من الناس بيخليه زي مالكتاب بيقول .. و فيه كتاب بتألف كتـــــــب!!
كلام حضرتك صح ان الشركات بتركب الحاجة المناسبة اللى سعرها معقول ... وطبعا كل حاجة بيكون فى الأفضل منها ... لكن اى تعديل لازم يتم على ايدى ناس فاهمة ومتخصصة ... يعنى مثلا تغيير مقاس الكاوتش لازم يتبعه تعديل فى العفشة (لأن دى منظومة كاملة يجب ان تكون متناسقة مع بعضها) ودا طبعا اللى مفيش حد بيعمله و بالتالى النتيجة بتكون صفر (اذا حتى مكانتش بالسلب).
لو حضرتك متابع مقال التعديلات اللى بينزل فى ملحق السيارات بأهرام الجمعة، حتلاقى ان اى تعديل (غير التعديلات الشكلية) بيتكون من مجموعة من التعديلات لازم تتم كلها علشان يكون فى نتيجة وغالبا فى الحالة دى بيكون الموضوع مكلف جدا
مش بالضرورة أنك عشان تغير مقاس الكاوتش بحاجة مش موجودة فى الكتالوج أن تغير حاجات فى العفشة.........العبرة باوزن المتحمل على العفشة فى الناحية......يعنى أيه
يعنى نفترض كده أن وزن الجنط ال 16 الأصلى بالكاوتش حوالى 4 كجم....يبقى أنا ممكن أحط جنط 18 بالكاوتش و يكون فى حدود نفس الوزن لأن الوزن ده هو اللى بيأثر على العفشة فى المطبات لو زاد.
و طبعاً كل لما الجنط بقى أكبر و أخف كل لما تمنه بقى أغلى يعنى مينفعش الأنواع الصينى و الأندونيسى اللى منتشرة.....لازم نوع محترم.
كلامى بغض النظر عن أبعاد الجنط و الكاوتش حالياً عشان دى قصة تانية.