الموضوع: المقاس الأفضل لكاوتش الميجان

أنا عارف إن فيه ناس كتير مش حتوافقني علي اللي باقوله لكن فيه ناس كتيرة حتوافقني برضه
الموضوع بدأ لما كنت باشغل ال GPS و أنا مسافر سفر طويل بلاقي سرعة العربية عليه أقل و المسافة أقل من اللي بيقولهم العداد .. مش كتير قوي يعني حوالي 1 - 2 %
و جربت مع أصدقاء تانيين برضه كاوتشهم جديد و ضغطه مضبوط و كانت جنوطه 16 و كان الفرق اوضح !!
و ده معناه حاجه واحده .. قطر الكاوتش ده أقل من المناسب تماما ب 1 % في مقاس 195/95/15 و أكتر شوية في مقاس 205/55/16
و لأن زياده القطر ليها دراسات و ما بتتزودش إعتباطا و كمان مش كل مقاسات الكاوتش ينفع تتعمل , و بعد بحث مضني و صلت لأفضل مقاس حيدي السرعة الصح و السحب الصح و ستابيليتي أكتر و كمان استهلاك بنزين أفضل في السفر ( مش قوي يعني هو لتر في مشوار اسكندرية) من غير ما يتعب العربية هو:
215/60/15 و 215/55/16
والكارتيرة بتاع الميجان بتشيل عادي لحاد 225 زي اللي في الميجان سبورت
و قولولي إيه رأيكو